YAĆHACHICUY 38
Agradecicuśhunmi cawsayta umaśhanchicpï
Vidanchicćhu canmi imapis cushicunanchicpä masqui sasacunacta pasalpis atipaśhunmi cushisha cawsacuyta. ¿Imanuypam agradecicuchwan Jehovata vidanchicpï? ¿Imapïmi agradecicunanchic? Chaypimi yaćhaśhun.
1. ¿Imapïmi valorananchic allicta vidanchicta?
Vidanchicta valorananchicmi taytanchic Jehová regaluctanü umaśhanchicpï. “Ampita cawsayca yalamun”, paypa licalichiśhanmi llapan ima cawsacunäpis (Salmo 36:9). “Paymi llapanchictapis cawsayta, lluy imactapis uycamäninchic” (Hechos 17:25, 28). Paypa regalamäśhanchicmi llapan imacuna cäcunapis. Paymi licalichila lluy imacunactapis cushisha cananchicpä (liguicuy Hechos 14:17).
2. ¿Imacunacta lulalmi agradecicuśhun Jehovata vidanchicta umaśhanchicpï?
Mamayquip patallanćhula cayaptiqui Jehová licaśhulanquiñam. Jehovapa siervun Davidmi caynüta nila: “Mamäpa patallanćhüla cayaptïmá am licamälanquiña” (Salmo 139:16). Ampa cawsaynïqui alli valiosum Jehovapä (liguicuy Mateo 10:29-31). Chaymi Jehová allicta llaquicun mayanpis nunacta wañuchiptin, o quiquinpis wañuyninta ashiptin (Éxodo 20:13). a Jehová llaquicuntacmi vidanchicta wañuy patanman ćhulaycuptinchic, ñatac juccunap vidanpïpis. Quiquinchicta cuidacuptinchic ñatac juccunaptapis vidanta respetaptinchic, licachinchic agradecicuśhanchicta Jehová vidacta umaśhanchicpï.
MASTA YAĆHAYCUŚHUN
Yaćhaśhun imanuypam agradecicunanchic Jehovata, regalucta umaśhanchicpï cawsaycäpi.
3. Cuidacunquim mana ishyanayquipä
Jehovapa siervuncuna pay munaśhannümi cawsananchic. Ya’anchic uyculanchic paymanmi cuerpunchicta chuya sacrificiuctanü, chaymi cuidacunanchic cuerpunchicta, vidanchictapis. Liguiśhun Romanos 12:1, 2 ñatac limaśhun caypi:
-
¿Imapïmi cuidacunanchic mana ishyananchicpä?
-
¿Imanuypam cuidacuchwan?
4. Cuidacuśhun vidanchicta juccunap vidantapis
Jehovami Bibliaćhu nimanchic imactam lulananchic cuidacunanchicpä. Licaśhun VIDEUCTA cayćhumi yaćhaśhun imanuypa cuidacunanchicpä.
Liguiśhun Proverbios 22:3 ñatac limaśhun, ¿imanuypam cuidacuchwan mana imapis pasamananchicpä...
-
... wasićhu cayal?
-
... trabajayal?
-
... awsayal?
-
... carrućhu lïal o manejayal?
5. Respetananchicmi iñächapa vidanta manala naciptinpis
David escribila imanuypam Jehová valoran mamanpa patallanćhula iñächaca cayaptin. Liguiśhun Salmo 139:13-17 ñatac limaśhun caypi:
-
Jehovapä, ¿imaymi allaycun vidaca naciluptinchun o patayü licaliluptinchun?
Jehová ula Israel malcäta mandatuncunacta, paycunactam mandala cuidananpä patayü walmicunata, patanćhu iñächatapis. Liguiśhun Éxodo 21:22, 23 ñatac limaśhun caypi:
-
¿Ima nilam Jehová mayanpis mana munal patallanćhu iñächata wañuchiptin?
-
Chayurá, ¿imanuymi sienten Jehová mayanpis porcïpa abortaluptin? b
-
Am, ¿ima ninquim Dios piensaśhampi?
Masqui juc walmi vidata valoralpis, alli-alli llaquiśha cayal abortayta munanmanmi. Liguiśhun Isaías 41:10 ñatac limaśhun caypi:
-
Juc walmicta a la fuerza abortay niptin, ¿mayantam mañacunman yanapananpä?
WAQUINCUNA NIPÄCUN: “Quiquinmi walmicunaca decidinman abortananta o mana. Imactapis lulacunmanmi cuerpunwan”.
-
¿Imanuypam am yaćhanqui Jehová allicta valoraśhanta patayü walmita, patanćhu cä iñächatapis?
IMACTAM YAĆHALUNCHIC
Jehovapa regalunmi vidaca. Bibliaca yaćhachimanchic respetayta, cuidayta ñatac cuyayta vidanchicta, juccunapa vidantapis.
Yalpaśhun
-
¿Imapïmi yaćhanchic Jehová allicta valoraśhanta vidanchicta?
-
¿Imanuymi sienten Jehová mayanpis porcïpa wañuluptin o mayantapis porcïpa wañuchiptin?
-
Jehová regalamäśhanchic vidapi, ¿imam masta gustaśhunqui?
MASTA YAĆHANAYQUIPÄ
¿Imacunacta lulalmi agradecicuśhun Jehovata vidanchicta umaśhanchicpï? Licay videucta.
¿Jehová perdonanmanchun walmita abortaluptin? Chayta yaćhanayquipä liguiy.
Jehová manam munanchu wañuycäpa patanman vidanchicta ćhulananchicta, chayta yaćhanayquipä liguiy.
“¿Se justifica la participación en los deportes de riesgo?” (¡Despertad!, 8 de octubre de 2000)
¿Imanuypam Bibliaca yanapan quiquincuna wañuyta ashicunata? Chayta yaćhanayquipä liguiy.
“¿Puede ayudarme la Biblia si ya no quiero vivir y he pensado en suicidarme?” (Artículo de jw.org)
a Jehová allictam preocupacun llaquiśha śhun’uyücunapi (Salmo 34:18). Pay yaćhanmi mayanpis alli llaquiśha cayal wañucuyta munaptin, chaymi paycunacta yanapaycuyta munan. Chayta yaćhaycunayquipä liguiy “¿Puede ayudarme la Biblia si ya no quiero vivir y he pensado en suicidarme?” nishanta, chay yaćhachicuyca cayan “Masta yaćhanayquipä” nishanćhu.
b Diospi manala yaćhal patayü walmicuna abortaluptin perdonaśhañam can’a, Jehová listum cayan perdonananpä. Chaypi mastam yaćhanqui “¿Que dice la Biblia sobre el aborto?” nishanćhu, chay yaćhachicuyca cayan “Masta yaćhanayquipä” nishanćhu.
