LESON 38
Alon mont ke la vi na la valeur pou nou
Dan la vi, i pe avoir bann gayar moman. É mèm si nou néna problèm, nou pe toujour aprésié la vi. Koman nou pe montré ke la vi na la valeur pou nou ? É kosa i pous anou fé sa ?
1. Poukosa la vi i devré avoir la valeur pou nou ?
La vi i devré avoir la valeur pou nou parske sé in kado Jéova, nout Papa plin lamour. Li la kré tout kalité la vi parske li lé le « le komansman la vi » (Psom 36:9). « Sé li ki donn tout domoun la vi é le souf é tout zafèr » (Akt 17:25, 28). Jéova i donn anou sak i fo anou pou viv. Mé li fé pa rienk sa mèm, li fé osi ansort ke nou pran plézir pou viv (lir Akt 14:17).
2. Koman nou pe mont Jéova ke nou aprési son kado, la vi ?
Depui dann vant nout momon, nout vi lé inportan pou Jéova. David lété in sèrviteur Bondieu. Inspiré par Bondieu, li la koz èk Bondieu é li la di : « Out zieu la vu amoin alor ke mi té ankor in lanbriyon » (Psom 139:16). Nout vi na in gran valeur pou Jéova (lir Matieu 10:29-31). Le keur Jéova i fé mal kan in moun i désid suisid ali a oubien tué in not moun (Égzod 20:13). Son keur i fé mal osi kan nou mèt nout vi an danjé pou rien, oubien kan nou fé pa atansion pou protèj la vi lé zot. Kan nou pran soin nout vi é ke nou réspèk sak lé zot, nou mont ke nou ièm la vi, le kado Jéova.
ALON APRANN PLUS
Alon voir detroi fason pou fémont ke nou ièm la vi.
3. Pran soin out santé
Kan in krétien i of son vi Jéova, li donn tout son vi Jéova. Sé komsi li of son kor an sakrifis, donk li doi bien pran soin d’li. Lir Romin 12:1, 2 é koz su bann késtion la :
-
Kosa i doi pous aou pran bien soin out santé ?
-
Koman ou pe pran soin out santé ?
4. Fé atansion out sékurité é sak lé zot
La Bib i ankouraj évit tout konportman ki pouré blésé oubien tué in moun, anou osi ansanm. Gard le VIDÉO pou voir sak ou pe fé, pou fé ansort ke tout domoun lé an sékurité.
Lir Provèrb 22:3 é koz su bann fason fé atansion la sékurité...
-
kan nou lé nout kaz,
-
dann travay,
-
kan nou fé spor,
-
kan nou lé dan loto.
5. Réspèk la vi in zanfan ki sar nèt
Avèk bann joli ti parol, David i di ke Jéova i intérès ali la vi in zanfan é osi koman le ti bébé i grandi dan le vant son momon. Lir Psom 139:13-17 é koz su késtion la :
-
Pou Jéova, la vi in moun i komans depui dann vant son momon oubien depui son nésans ?
Bann loi ke Jéova lavé donn le peup Israèl, té protèj bann momon é zot zanfan ki sar nèt. Lir Égzod 21:22, 23 é koz su bann késtion la :
-
Koman Jéova té konsidèr in moun ke té fé pa éspré anlèv la vi in zanfan ke té sar nèt ?
-
Kosa li noré resanti si in moun lavé fé sa éspré b ?
-
Kosa ou pans su le fason pansé Bondieu ?
Dann detroi situasion, mèm in madam ki réspèk la vi i pe pansé ke lavortman lé le seul solusion. Lir Izai 41:10 é koz su bann késtion la :
-
Si i oblij in madam pou avorté, vèr kisa li pe tourn ali pou trouv lèd ? Poukosa ?
NADFOI DOMOUN I DI : « In madam na le droi avorté, li fé sak li ve èk son kor. »
-
Kosa i konvink aou ke pou Jéova, la vi in zanfan ki sar nèt é la vi son momon na le mèm valeur ?
SAK NOU LA APRANN
La Bib i ansègn anou ke la vi lé in kado Jéova. Nou doi èm, réspèk é protèj nout vi é sak lé zot.
Alon révizé
-
Poukosa la vi in moun na la valeur pou Jéova ?
-
Kosa Jéova i resan kan in moun i fé éspré mèt fin la vi in not moun ?
-
Poukosa ou lé rekonésan anvèr Jéova, pou se kado ke lé la vi ?
GARD SA OSI
Koman remèrsié Jéova davoir donn anou la vi ?
Le répons pou le késtion : èske Jéova i pe pardonn in madam ke la avorté ?
Koman le fason pansé Bondieu su la vi, i pe èd anou bien choizi nout bann divèrtisman ?
Koman la Bib i pe èd in moun ki pans suisid ali ?
« Mi ve mor — Si bann zidé suisid i vien dan mon tèt, èske la Bib i pe èd amoin ? » (lartik jw.org)
a Jéova i sousi ali vréman pou sak néna le keur brizé (Psom 34:18). Li konpran bann santiman ki fé mal é ki pe pous désèrtin avoir bann pansé pou suisid azot. Li ve èd bann moun la. Pou voir koman son lèd i pe fé du bien, lir lartik « Mi ve mor — Si bann zidé suisid i vien dan mon tèt, èske la Bib i pe èd amoin ? » ke néna dan le parti « Gard sa osi » dann leson la.
b Bann domoun ke la avorté i devré pa lès bann mové santiman kondann azot. Jéova i pe pardonn azot. Pou konèt plus la d’su, gard lartik « Lavortman : kosa la Bib i di la d’su ? » ke néna dan le parti « Gard sa osi » dann leson la.
