Soasoa ty miay satria maro ty raha soa azontsika atao. Ndre mana problemo tsika, le mbo misy avao ty raha azo atao mba hampatavy ty fiainantsika. Akory ty ampisehoantsika hoe lafovily amintsika ty ay? Le ino ty antony bevata marè mahavy antsika hanao ani-zay?

1. Manino ro tokony ho lafovily amintsika ty ay?

Tokony ho lafovily amintsika ty ay satria fanomeza baka amy Jehovah, azy Babantsika be fitiava iny. Ie ro “loharanoni-ay” satria namoro ty raha miay iaby. (Salamo 36:9) “Ie ro manome ho an’olo iaby ty ay noho ty fiay voho ty raha iaby.” (Asan’ny Apostoly 17:25, 28) Jehovah ro manome ty raha ilàntsika mba hahavelo antsika. Ataony koa ze hahavy antsika hahazo tavy ty fiaina.​—Vakio Asan’ny Apostoly 14:17.

2. Akory ty ampisehoantsika hoe lafovily amintsika ty ay nameani-Jehovah?

Fa tea noho nikarakara anao Jehovah laha vo niforo tan-troky ao iha. Lafa nivavaky Davida mpanompo-Ndranahary le nivola hoe: “Nahitaky ahy ty masonao ndre vo niforo aza aho.” (Salamo 139:16) Tena lafovily amy Jehovah ty ainao. (Vakio Matio 10:29-31.) Malahelo Jehovah lafa misy olo mamono olo na mamono fo. a (Eksodosy 20:13) Malahelo koa ie laha manao raha mikai-doza tsika, na tsy miamby soa ka mahavoan-doza olo. Lafa manaja ty aintsika noho ty ain’olo hafa tsika, le asehontsika hoe lafovily amintsika fanomeza miavaky iny, tsy ino zay fa ty ay.

 DINIHO LALIKY

3. Karakarao ty fahasalamanao

Mampiasa ty fiainany mba hanompoa ani-Jehovah ty olo raiky lafa nanokam-bata ho a-Ndranahary. Sahala hoe ataony soro ho a-Ndranahary ty vatany. Vakio Romanina 12:1, 2, bakeo iaraho midiniky fanontanea retoa:

• Manino iha ro tokony hikarakara soa ty fahasalamanao?

• Ino iaby ty azonao atao mba hikarakarà fahasalamà?

 5. Hajao ty ain’ajà mbo an-troky any

Nivola Davida fa vatan-draha amy Jehovah ty fitomboani-anakajà mbo an-troky any. Vakio Salamo 139:13-17, bakeo iaraho midiniky fanontanea toy:

• Laha ty fahitani-Jehovah azy, ombia ro manomboky ty fiainan’olo raiky: Ie vo miforo an-troky ao va, sa lafa ie teraky?

Niaro ty ampela bevoka noho ty ajà an-trokiny ao ty lalàna nameani-Jehovah ty Israelita. Vakio Eksodosy 21:22, 23, bakeo iaraho midiniky fanontanea retoa:

• Akory ty fahitani-Jehovah olo raiky nahafaty ajà mbo an-troky ao, ndre tsy kinahiny azy aza raha zay?

• Ino ty mety ho tsapani-Jehovah laha misy olo manao kinahy mamono ajà mbo an-troky ao? b

• Akory ty fahitanao ani-fomba fihevitsini-Jehovah zay?

Alefaso VIDEO toy.

Ndre ty ampela mihevitsy ty ay ho lafovily aza kindraiky mety hieritseritsy hoe tokony hanafaky anaky mba tsy ho sahira. Vakio Isaia 41:10, bakeo iaraho midiniky fanontanea retoa:

• Laha misy olo na raha miforosè ty ampela raiky mba hanafaky anaky, tokony hila fanampea amin’ia ie? Ino ty antony?

 FAMINTINA

Mivola ty Baiboly hoe tokony ho lafovily amintsika ty ay nameani-Jehovah antsika, le tokony hohajà soa noho harova. Tafilitsy amy zay iaby ndre ty aintsika ndre ty ain’olo hafa.

Famerena

• Manino ro lafovily amy Jehovah ty ain’olombelo?

• Ino ty tsapani-Jehovah laha misy olo manao kinahy mamono olo?

• Manino ro lafovily aminao ty ay?