Laip i gad plenti mina nais samting mipla ken mekem ane enzoi. Iben wen yumi gad problem, wi stil gad sam rizan po bi api lo laip. Wiskain yumi ken soe Zeoba wi wande eso em gobaigen po da laip em bin gibem? Ane aukam i mina impotant po eso em?

1. Aukam yumi mas soe eso gobaigen po laip?

Bikoz Zeoba, labing Papa blo yumi, bin gibe yumi laip, wi mas soe eso gobaigen po em. “Laip i kam prom” mata em​—em bin meke ebri laipsamting. (Song blo Sam 36:9) “Em gibe ol pipol laip ane ebriting wanem dempla i nidem.” (Pas Misnare Wok 17:25, 28) Zeoba gibe yumi ebriting yumi nidem po gad laip. Bat moden dat, em meke dis laip sole yumi ken mina enzoi em.​—Rid Pas Misnare Wok 14:17.

2. Wiskain yumi ken soe Zeoba mipla sabe laip i mina impotant?

Prom dat taim yu bin stat po gro insaid beli blo mama blo yu, Zeoba bin sabe yu. Insaid Baibol, Deibid, wan sebant blo God, bin prea po em: “Ai blo yu bin tekenotis mi bipo ai bon.” (Song blo Sam 139:16) Laip blo yu i mina spesil po Zeoba. (Rid Matiu 10:29-31.) Em pil nadakain sore ip enibodi min po teke laip blo nadaman, o teke laip blo demplaselp. a (Eksodis 20:13) Zeoba go pil ert tu, ip wi kasa pute laip blo yumi wea deinza bikoz yumi no kea baut laip. Ane, i go erte em, ip yumi noboda po tingbaut dem seipwei po lugaut laip blo nada pipol. Wen yumi lugaut laip blo mipla, ane soe rispekt po laip blo nada pipol, yumi soe dat eso gobaigen po da mina spesil laip God bin gibem.

 TINGBAUT MO NAU

3. Lukapta bodi blo yu

Bikoz yumi bin promis Zeoba po ebritaim meke wanem em wandem, yumi gibe laip blo mipla po serbe em. Ol Kristian “gibe laip . . . wase oli opring sakripais po God,” so ol mas lukapta demplaselp. Rid Rom 12:1, 2, ane tokbaut dem kwestin ya:

• Wanem gud rizan yu gad po lukapta bodi blo yu?

• Wanem sam wei yu ken mekem?

 5. No erte beibi uda no bon yet

Wea wan song blo Deibid, em tokbaut wiskain Zeoba mina tekenotis wanem i apen po beibi insaid beli, bipo em bon. Rid Song blo Sam 139:13-17, ane tokbaut dis kwestin ya:

• Wiskain Zeoba i tingk? Laip blo sambodi i stat wen em gro insaid beli, o i stat wen em bon?

Bipotaim, dem lo Zeoba gibe dem pipol blo Izrael, bin lugaut ol mama ane em pikinini stil insaid beli. Rid Eksodis 21:22, 23, ane tokbaut dem kwestin ya:

• Wiskain Zeoba pil baut sambodi uda no min po meke samting nugud apen, wea pikinini stil insaid beli i lus?

• Wiskain Zeoba go pil baut sambodi uda min po mekem? b

• Wiswei, yu gri wea tingking blo God a?

Plei da BIDYO.

Wan oman mait bilib laip i spesil, bat em mait pil em mas suz po stape laip blo beibi insaid beli, wase abortion. Rid Aizaia 41:10, ane tokbaut dem kwestin ya:

• Ip samwan trai po pose wan oman po stape laip blo em beibi, da oman ken gopo uda po gede elp? Aukam?

 WANEM YU BI LAN

Da Baibol tise yumi po lab, rispekt, ane lugaut da laip Zeoba bin gibem​—laip blo yu ane laip blo ol nada pipol tu.

Wiskain Yu Go Spik

• Aukam laip blo man i mina impotant po Zeoba?

• Wiskain Zeoba i pil wen samwan min po teke laip blo sambodi?

• Aukam yu pil api po da laip God bin gibem?