Mamy ty miaigne satria maro ty raha soa azontikagne atao naho ankamamiegne. Ndra tie managne olagne aza tikagne, le mbe misy raha mahafale antikagne avao. Akore ty ampisehoantikagne tie sarobily amantikagne o aigneo? Sady ino ty anto’e lahibey mahavy antikagne hanao izay?

1. Nagnino ro toko’e ho sarobily amantikagne o aigneo?

Toko’e ho sarobily amantikagne o aigneo satria fagnomezagne boake amy i Jehovah, i Raentikagne bey hateay. I reke ty “niboaha o aigneo”, ty dika izay i reke ty namorogne ze kila raha managne aigne. (Salamo 36:9) “I reke ty magnomey aigne naho fofognaigne vaho ty raha iaby hoahy ze kila ndaty.” (Asan’ny Apostoly 17:25, 28) Mey i Jehovah antikagne ze raha ilaentikagne mba hahavy antikagne ho velogne. Tsy izay avao, fa maro ty raha soa sambe karaza’e nimei’e antikagne, amy izay mba hahafahantikagne hankamamy o fiaignagneo.​—Vakio ty Asan’ny Apostoly 14:17.

2. Akore ty ampisehoantika tie sarobily amantikagne i aigne nimey i Jehovah-y?

Mbe tan-troke agne rehe, le fa tea azo ty Jehovah. Izao ty nisaontsie i Jehovah tamy i Jeremia mpanompo’e: “Taloha ty namorognako azo tan-troke ao, le fa fantako rehe.” (Jeremia 1:5) Tena sarobily amy i Jehovah ty ai’o. (Vakio ty Matio 10:29-31.) Tena malahelo reke naho fa misy mamono ndaty ndra mamono tegna. a (Eksodosy 20:13) Malahelo ka reke naho manao raha magnoho-doza tika ndra tsy mitao, le magnoho-doza ty fiaintika ndra ty fiay ty ndaty hafa. Naho fa magnaja ty aintikagne naho ty ay ty ndaty hafa tika, le izay ty ahatreavagne tie sarobily amantikagne o fagnomezagne iohoe.

 ANDAO HANDINEKE TY PITSOPITSO’E

3. Karakarao soa ty fahasalama’o

Naho fa nanokan-tegna hoahy i Jehovah ty ndaty raike, le ampiasae’e hanompoagne aze ty fiaigna’e. Satria fa natolo ty Kristiana raike ho sorogne masigne ho an’Andrianagnahare ty vata’e, le tsy maintsy karakarae’e soa. Vakio ty Romanina 12:1, 2, sady iharò midineke ty fagnonteneagne retoa:

• Nagnino rehe ro toko’e hikarakara soa ty fahasalama’o?

• Ino iaby ty azo’o atao mba hahavy azo ho salama?

 5. Hajao ty ay ty ajaja mbe an-troke ao

Nihazavae i Davida tie mahaliagne i Jehovah ty fitomboa o anak’ajaja an-troke aò. Vakio ty Salamo 139:13-17, sady iharò midineke ty fagnonteneagne toy:

• Naho amy i Jehovah, ombia ty anomboha ty fiay ty ajaja raike: Amy i reke vaho miforogne an-troke aoy vao sa amy i reke aterakey?

Niaro i rene’ey naho i anak’ajaja mbe an-troke aoy ty lalàna nimey i Jehovah o Israelitao. Vakio ty Eksodosy 21:22, 23, sady iharò midineke ty fagnonteneagne retoa:

• Ino ty tsapa i Jehovah naho misy ndaty raike nahafate ajaja mbe an-troke ao, faie tsy satrie’e?

• Ino ka ty tsapa’e naho misy ndaty misatry raha mamono ajaja mbe an-troke ao? b

• Akore ty fahatreava’o ze fomba fiheve i Jehovah zay?

Alefaso i VIDEO oy.

Ndra ty ampela mihevetse o aigneo ho sarobily aza, le va’e hisy fotoagne hieretseretse tie ty magnafake ajaja avao ty vahaolagne. Vakio ty Isaia 41:10, sady iharò midineke ty fagnonteneagne retoa:

• Naho ohatse seré o ndaty hagnafake ajaja ty ampela raike, le amy ia reke ro toko’e hipay fagnampeagne? Ino ty anto’e?

 FAMINTIGNAGNE

Ampianare ty Baiboly tie toko’e ho sarobily amantikagne i aigne nimey i Jehovah-y sady toko’e hohajaegne naho harovagne. Agnisa izay ty aintikagne naho ty ay ty ndaty hafa.

Fameregnagne

• Nagnino ro sarobily amy i Jehovah o aigneo?

• Ino ty tsapa i Jehovah naho fa misy misatry raha mamono ndaty ndra mamono tegna?

• Sarobily ama’o vao o aigneo? Ino ty anto’e?