Һаятта биз қилалайдиған вә һузур алалайдиған әҗайип ишлар бар. Һәтта турмушимизда түрлүк қийинчилиқларни баштин өткүзсәкму, адәттә көңлүмизни сөйүндүрүп, бизни хошал қилидиған башқа бәзи ишларму бар. Һаят соғисиға миннәтдарлиғимизни қандақ көрситәләймиз вә бундақ қилишниң әң муһим сәвәви немә?

1. Немә үчүн һаятни қәдирлишимиз керәк?

Биз һаятни қәдирлишимиз керәк, чүнки бу көйүмчан Атимиз Йәһваниң бизгә бәргән соғиси. У пүткүл һаятлиқни яратқанлиқтин, һаятниң мәнбәсидур (Зәбур 36:9). «У Өзи һәммигә һәм һаятлиқ, һәм нәпәс, һәм барлиқ нәрсини бәрмәктә» (Әлчиләр 17:25, 28). Яратқучи Йәһва һаят кәчүрүшимиз үчүн керәклик һәммә нәрсиләрни бериватиду. Униңдин башқа, У бизниң һаяттин зоқлинип, шат-хорам яшишимиз үчүн барчә шараитларни һазирлап бериватиду (Әлчиләр 14:17ни оқуң).

2. Һаят соғисини қәдирләйдиғанлиғимизни Йәһва Худаға қандақ көрситәләймиз?

Аниңизниң қосиғида пәйда болған вақтиңиздин башлап, Йәһва сизгә көңүл бөлүп кәлди. Давут пәйғәмбәр Худаниң илһамландуруши билән мундақ сөзләрни язған еди: «Мениң һамиләмни Сениң көзлириң көрди» (Зәбур 139:16). Яратқучи Йәһва һаятиңизни интайин қәдирләйду (Мәтта 10:29—31ни оқуң). Кимки қәстән бирини өлтүрсә, һәтта өзини өлтүрүвалса, Йәһваниң көңлини қаттиқ ағритиду a (Чиқиш 20:13). Әгәр наданлиқ қилип, өз һаятимизни хәтәргә тәвәккәл қилсақ яки бехәтәрлик чарә-тәдбирлирини қолланмай башқиларниң һаятиға хәвп йәткүзсәкму, Йәһваниң көңли ағрийду. Өз тенимизни асрап, башқиларниң һаятини қәдирлисәк, Яратқучимиз бәргән һаятлиқ соғисини қәдирләйдиғанлиғимизни көрситимиз.

 ЧОҢҚУРИРАҚ ҚЕЗИҢ

3. Тән сағламлиғиңизға көңүл бөлүң

Өзини Яратқучи Йәһваға беғишлиған барлиқ Мәсиһ әгәшкүчилири пүтүн һаятини Униңға хизмәт қилишқа атиған. Улар тәнлирини худди қурбанлиққа охшаш Худаға тәғдим қилиду. Римлиқларға 12:1, 2ни оқуң, кейин төвәндики соалларға җавап бериң:

• Сизни тән сағламлиғиңизға көңүл бөлүшкә немә дәвәт қилиду?

• Тән сағламлиғиңизға көңүл бөлүш үчүн немиләрни қилалайсиз?

 5. Аниниң қосиғидики балиниң һаятини қәдирләң

Давут пәйғәмбәр Йәһва Худаниң аниниң қосиғидики балиниң һаятиға, йәни төрәлминиң йетилишигә көңүл бөлидиғанлиғини шеирий тил билән ипадилигән еди. Зәбур 139:13—17ни оқуң, кейин төвәндики соалға җавап бериң:

• Йәһва Худаниң нәзәридә адәмниң һаяти аниниң қосиғида башлинамду яки туғулған вақиттиму?

Йәһваниң исраилларға қедимда чүшәргән қанунлири һамилдар аниларни вә уларниң туғулмиған балилирини қоғдиған еди. Чиқиш 21:22, 23ни оқуң, кейин төвәндики соалларға җавап бериң:

• Бир киши еһтиятсизлиқтин туғулмиған балиниң өлүшигә сәвәпчи болса, Йәһва буниңға қандақ көзқарашта болған?

• Бир киши қәстән шундақ қилса, Йәһва Худа қандақ һис-туйғуда болиду? b

• Сиз Йәһваниң көзқаришиға қандақ қарайсиз?

ВИДЕОНИ көрүң.

Һәтта һаятниң қәдир-қиммәтлик екәнлигини чүшинидиған аялму бала чүширишни бирдин-бир таллаш йоли дәп қариши мүмкин. Йәшая 41:10ни оқуң, кейин төвәндики соалларға җавап бериң:

• Бала чүшириш мәсилисидә, аял еғир бесимға дуч кәлсә, у кимдин ярдәм соралайду? Немә үчүн?

 ХУЛАСӘ

Муқәддәс китап бизгә Яратқучи Йәһва соға қилған һаятни сөйүш, һөрмәтләш вә асрап-қоғдашни үгитиду. Бу өзүмизниңму вә башқиларниңму һаятини өз ичигә алиду.

Тәкрарлаш

• Немә үчүн Йәһва Худа инсанниң һаятини қәдирләйду?

• Бир киши қәстән адәм өлтүрсә яки өлүвалса, Йәһва қандақ һис-туйғуда болиду?

• Немә үчүн һаятлиқ соғисини қәдирләйсиз?