LISON 39
Kisa Bondyé Di Konsèné San?
San byen enpòtan èk nou pa sa viv san li. Paski sé Bondyé ki fè nou, sé li ki sipozé di nou mannyè pou sèvi san. Mé, kisa Bondyé di konsèné san? Ès nou sipozé manjé san? Ès nou sipozé bay moun san èben pwan san? Ki mannyè nou sa fè bon disizyon lèʼy vini pou san?
1. Kisa Bondyé di konsèné san?
Jéhova té di jan Izwayèl: ‘Lavi tout kalité bagay ki vivan sé sanʼy, paski lavi-a adan san-an.ʼ (Livitikòs 17:14) Pou Jéhova, san ka wépwézanté lavi. Èk paski lavi sé an kado spésyal Bondyé ban nou, san sé an bagay ki byen spésyal pou Bondyé osi.
2. Kisa Bondyé di nou pa sipozé fè épi san?
Jéhova té koumandé pèp li an tan lontan pou pa manjé san. (Li Jennésis 9:4 èk Livitikòs 17:10.) Èvèk Jéhova té wépété koumand sala lèʼy té di kongwigasyon Kwityen-an “ou pa sipozé manjé . . . san.”—Li Twavay 15:28, 29.
Lè lévanjil-la di, “ou pa sipozé manjé . . . san”, kisa sa vlé di? Èben, annʼ di dòktèʼw diʼw pou pa bwè alkòhòl, ès ou té kay manjé bagay ki ni alkòhòl adanʼy, èben ès ou té kay mété alkòhòl-la an venn ou? Mé non! An menm mannyè-a, lè Bondyé di nou pou pa manjé san, sa vlé di, nou pa sipozé manjé pyès manjé ki ni san adanʼy. Èk osi sa vlé di, nou pa sipozé bwè san èben manjé vyann ki pa té senyen.
Mé, ki mannyè Jéhova ka gadé twètman médikal ki ni san adanʼy? Èben, la ni twètman médikal ki vwéman pa an ling épi lwa Bondyé lèʼy vini pou san. Pou ègzanp, dòktè ka ba moun san èben yo ka sèvi yonn an sé kat (4) pwensipal bagay-la san fèt épi pou twété moun ki malad. Sé kat bagay sala sé—‘red cellsʼ, ‘white cellsʼ, ‘plateletsʼ, èk ‘plasmaʼ. Pou sèvi sé twètman sala kay vwéman déplè Bondyé. An plis di sa, délè i ka difisil pou nou sav si sèten twètman médikal an ling épi lwa Bondyé asou san. Pou ègzanp, délè dòktè ka sèvi tizing bagay ki sòti adan yonn an sé kat (4) pwensipal bagay-la san fèt épi pou twété moun ki malad. Yo ka kwiyé sé bagay sala ‘blood fractionsʼ. La osi ni lòt twètman koté yo ka sèvi san moun-lan menm. Lèʼy vini pou sé twètman médikal sala, nou chak ni pou désidé pou kò nou kilès nou kay aksèpté. a—Galécha 6:5.
ANNOU APWANN PLI
Apwézan, annou apwann mannyè nou sa fè bon disizyon konsèné twètman médikal lèʼy vini pou san.
3. Fè disizyon ki ka plè Jéhova lèʼy vini pou twètman médikal
Ki mannyè ou sa fè disizyon konsèné twètman médikal ki kay plè Bondyé? Annou gadé VIDIYO-A, Ki Mannyè Nou Sa Fè Bon Disizyon Konsèné Santé Nou Lèʼy Vini Pou San èk apwé nou kay kozé asou sé pwen sala:
-
Pwédyé pou lasajès.—Jémz 1:5.
-
Fè wichach asou pwensip Bib èvèk mannyè-a ou sa apliké yo.—Pwovèb 13:16.
-
Apwann ki diféwan twètman médikal ki avélab koté ou ka viv.
-
Désidé ki twètman médikal ou pa kay aksèpté.
-
Fè asiwé disizyon-an ou fè-a kay kitéʼw épi an konsyans ki nèt.—Twavay 24:16. b
-
Chonjé, pyèsonn pa sipozé diʼw ki disizyon ou ni pou fè lèʼy vini pou bagay ki ni pou fè épi konsyans—pa madanm ou èben mawiʼw, pa yon ansyen èk pa moun-lan ki ka étidyé Bib-la épiʼw.—Ronm 14:12.
-
Ékwi disizyonʼw. Si an bagay fèt sibitman èk ou pa sa palé, moun kay sav sa ou ja désidé pou fè.
4. Témwen Jéhova vlé bon twètman médikal
I posib pou obéyi lwa Bondyé konsèné san èk pou twapé bon twètman médikal koté yo pa ka sèvi san. Annou gadé VIDIYO-A, Antwévi Épi Professor Massimo P. Franchi, M.D.
Annou li Titòs 3:2, èk apwé nou kay kozé asou kwèsyon sala:
-
Lè nou ka palé épi sé dòktè-a, pouki nou ni pou palé dous èk moutwé yo wèspé?
|
Kwityen pa sa aksèpté |
Kwityen ni pou désidé pou kò yo si yo kay aksèpté |
|---|---|
|
A. Blood plasma. |
Blood Fractions ki sòti an plasma |
|
B. White cells. |
Blood Fractions ki sòti an white cells |
|
C. Platelets. |
Blood Fractions ki sòti an platelets |
|
D. Red cells. |
Blood Fractions ki sòti an red cells |
5. Lè twètman-an ni pou fè épi ‘blood fractionsʼ
San fèt épi kat (4) pwensipal bagay—red cells, white cells, platelets, èk plasma. Sé kat (4) bagay sala ni an chay piti pa yo ka kwiyé blood fractions. c Yo ka sèvi adan an sé blood fractions sala an wimèd, swé pou djéwi maladi èben pou édé moun doubout senyen.
Lèʼy vini pou blood fractions, chak Kwityen ni pou fè an disizyon pou kòʼy menm. I sipozé sèvi konsyans li pou fè an disizyon ki bazé asou pwensip Bib. Adan Kwityen pé désidé pou pa aksèpté twètman médikal ki ni blood fractions. Lòt Kwityen pé désidé pou aksèpté twètman médikal ki ni blood fractions.
Lèʼw ka fè disizyonʼw, katjilé asou kwèsyon sala:
-
Ki mannyè mwen sa èspliké bay an dòktè pouki mwen kay aksèpté èben widjèkté blood fractions?
ADAN MOUN KA DI: “Siʼw pwan san èben ou bay an moun san, mʼa wè anyen an sa.”
-
Kisa ou kwè?
CHONJÉ SÉ PWEN SALA
San byen spésyal pou Bondyé. Alò, i pa vlé nou mal sèvi san.
Annou Wivizé Sa Nou Ja Apwann
-
Pouki Jéhova ka gadé san kon an bagay ki byen spésyal?
-
Lè Jéhova di nou pa sipozé manjé san, ki mannyè nou sav sa osi vlé di nou pa sipozé pwan san?
-
Ki mannyè nou sa fè bon disizyon konsèné twètman médikal lèʼy vini pou san?
LÒT ENFÒMASYON OU SA GADÉ
Kisa ou ni pou konsidiwé avan ou désidé siʼw kay aksèpté twètman médikal koté yo ka sèvi sanʼw menm?
Kisa ou ni pou konsidiwé lè ou ka désidé siʼw kay aksèpté blood fractions opa?
Kisa ki té édé an dòktè pou kwè sa Jéhova di konsèné san wézonnab?
“Mwen Aksèpté Sa Bondyé Di Konsèné San” (Awake!, li 8 Désanm, 2003)
Apwann mannyè ansyen ki ka wann sèvis asou Konmité-a Pou Konminiké Épi Lopital-la, ka sipòté sé fwè èk sè-a.
b Gadé limowo 5, “Lè Twètman-an Ni Pou Fè Épi ‘Blood Fractionsʼ”, èk Nòt 3 an bout liv-la, “Twètman Médikal Ki Ni Pou Fè Épi San”.
c Adan dòktè ka gadé sé kat (4) pwensipal bagay-la san fèt épi menm kon blood fractions. Konsa, ou ni pou fè asiwé dòktèʼw ka konpwann ki, ou pa kay aksèpté san èben sé kat (4) pwensipal bagay-la san fèt épi (red cells, white cells, platelets, èben plasma).
