Tati mollbüñ müna balin-ngi. Nienoliiñ, mongelelaabüiñ. Jehová deumaiñmu, beimu eipiabeiñmu chumngechi püneabel tati mollbüñ. Beimu Jehová, ¿chem eipiqueiñmu mollbüñ mu? ¿Cümepi mai taiñ tuculelngeal mollbüñ cam iabel? Ca ¿chem quelluaiñmu (incaaiñmu) taiñ cüme püneabel tati mollbüñ?

1. Jehová, ¿chumngechi troquiquebi mollbüñ?

Bütra cuibi mu Jehová eipibi tañi pu che: “Itrobill mongelelu am tañi mollbüñ mu müli ñi mongen” (Levítico 17:14). Taiñ Chau Jehová quiñe manelbalchi hulün reque eluiñmu mongen. Jehová raquiduamqui tati mollbüñ pengeli tati mongen. Beimu mollbüñ cabei müna manelbali.

2. Chau Ngünechen, ¿catrütuquepi mai ñi pünengeal mollbüñ?

Bütra cuibi mu, Jehová eipibi tañi pu huenupüramquetu ñi inoabel mollbüñ (papiltunge Génesis 9:4 ca Levítico 17:10). Bentren tripantu upalu hula, Jehová ca eipibi tati cristiano trahunche. Beimu pu loncolelu ngüyülbilu pu trahunche beichi mu, quiñeucülechi ngünenelu pingelu, eipingün: “Bamentobimün [...] tati mollbüñ” (papiltunge Hechos 15:28, 29).

Biblia eipilu ‘bamentobimün tati mollbüñ’, ¿chem quimeleleiñmu? Raquiduamnge tüba: quiñe doctor eipielmu tami pulcutuhuenoal, ¿iabüimi yagel nielu pulcu cam tami mollbüñ mu tuculabüimi pulcu? Bemlaabüimi tati. Ca bemngechi ilaabiiñ mollbüñ, putulaabiiñ ca ilotulaaiñ nentumollbüñcülenolu. Ca ilaaiñ yagel tuculelngelu mollbüñ.

Quiñeque mu lahuentungelu pu che tuculelngequi mollbüñ cam quiñeque püchüque dungu tañi niel, tüba ta globulos rojos, globulos blancos, plaquetas ca plasma. Bemngechi lahuentun dungu yamquelai Chau Ngünechen ñi eipin mollbüñ mu. Huelu quiñeque mu nehue quimngelaabüi ñi cümen ti lahuentun Jehová tañi eipin mu. Quiñeque mu tati globulos rojos, globulos blancos, plaquetas ca plasma mu nentungequi doi püchüque dungu tañi lahuentungeal, cam lahuentungelu pu che pünengeabüi quidu tañi mollbüñ. Caque quiñeque che quimpoabüi tüba, beimu ngümintobüi (dulliabüi) chumngechi lahuentuñmangeal (Gálatas 6:5). a

 DOI CÜME QUIMNGE

3. Lahuentungelmi, doyümbinge Jehová tañi ayüquel

Petu tami ngümintunon mollbüñ dungu mu, ¿chumabüimi tami ayühulabel Jehová? Quintulbe tati VIDEO. Quintulngele hula ngütramcaaiñ quiñeque ngülam:

• Ngillatube Jehová tami eluatu quimün (Santiago 1:5).

• Quintulnge Biblia tañi ngülam ca raquiduamnge chumngechi inaabüimi (Proverbios 13:16).

• Quimnge chumngechi lahuentuabüimi tami mülen mu.

• Cüme raquiduamnge chem lahuentun dungu lloulaaimi.

• Doyümbinge quiñe lahuentun dungu tami tüng raquiduam nieal (Hechos 24:16). b

• Mülenole quiñe huercün dungu Biblia mu, loncontucunge: iñi no ume eipilaabeimu chem tami doyümabel, tami büta no ume, tami cure, pu loncolelu cam tami quimeleletu Biblia (Romanos 14:12).

• Huirintucunge tami doyümnebel.

4. Jehová tañi pu che ayüquingün ñi cüme lahuentuñmual

Pinoliiñ ume taiñ lahuentuñmangeal mollbüñ mu, quintuquiiñ taiñ cüme lahuentuñmangeal. Quintulbe tati VIDEO.

Papiltoiñ Tito 3:2. Papiltungele hula, ngütramcaabiiñ tübachi ramtun:

• ¿Chemu yamün mu ngütramcaabiiñ pu doctor?

 5. Doi püchüque dungu nentungequelu mollbüñ mu, ¿pünengepeabüi mai?

Tati mollbüñ meli dungu niequi, tüba ta globulos rojos, globulos blancos, plaquetas ca plasma. Beichi meli dungu mu nentungequi doi püchüque dungu pünengequelu billque lahuentun mu. c

Caque quiñeque cristiano ngümintuabüi chumngechi pünengeabüi tati doi püchüque dungu mollbüñ mu tañi lahuentun dungu mu. Cabei quimlu engün Biblia, caque quiñeque tañi raquiduam mu cümelu cam cümenolu troquiabüingün lahuentungeal doi püchüque dungu mollbüñ mu.

Petu tami ngümintunon, ramtuunge:

• ¿Chumngechi quimelelabüimi tami doctor tami llouquen cam tami llouquenon tati doi püchüque dungu mollbüñ mu?

 CHEM PEIÑ TÜBAMU

Jehová ayüqui taiñ yamneabel tati mollbüñ.

Chem quimeleleiñmu tüba

• Jehová, ¿chemu balintuquebi tati mollbüñ?

• Jehová ayüqui taiñ bamentobel tati mollbüñ, beimu ¿chemu eipiabüiñ ñi ca ayüquen taiñ tuculelngenoal mollbüñ?

• Petu tami ngümintunon lahuentun dungu mu, ¿chem quelluabeimu tami cüme ngümintol mollbüñ dungu mu?