NSUNZO 39
Monelo wa Mulugu Mwaha wa Nikami
Nikami ttamakamaka vaddiddi. Kohikaana nikami kanigakalilewo. Ninga muttanddi, Mulugu ddinziwa mukalelo onfwanyelela olabihedhiwa nikami. Txini enloga Mulugu sabwa ya nikami? Japama oja nikami vina olabihedha nigakala aredda? Onawodhe dhavi okosa dhogana dhaderetu mwaha wa makani aba?
1. Monelo wa Yehova mwaha wa nikami buvi?
Yehova wahiloga na emeleli aye a masaka a mundduni dhahi: ‘Nipara na egumi ya enama-jinama tti nikami nili mmaningoni mwaye.’ (Onamakutha 17:14) Mwa Yehova, nikami nintapulela egumi. Akala egumi jottittimiheya, nikami vina ttottittimiheya.
2. Mikalelo gani dholabihedha nikami dhinkoddiha Mulugu?
Mulogo wa Akristu oroma ohinatti witiwa Yehova wahawaddela emeleli aye wi ahijege nikami. (Kengesa Wita 9:4 vina Onamakutha 17:10.) Mumaleli witiwa mulogo woroma wa Akristu, Yehova wahiyelela ovaha nikokomezo ntti. Nikuru nolamulela nivaha nikokomezo ntti ‘Mutadhe . . . nikami.’—Kengesa Merelo 15:28, 29.
Txini entapulela otadha nikami obe okodda? Kowiliwa wi waddeliwe na dotoro wila otadhe omwa dholezeliha weyo ogahittiya omwa, kahiyo mwenemo? Weyo ogahidhowavi bugaja dhilobo dhitaganyihiwe na dholezeliha? Mwebaribari nne, sabwani yodhelavoya egakalile mmodhene. Moladdana na ejuwene, nlamulo na Mulugu na otadha nikami nintapulela wi kaninfwanyelela ong’wa obe oja nama na nikamina. Kaninfwanyelela vina oja elobo-txilobo etaganyihiwe na nikami.
Kito murobwe onikiwa nikami? Masasanyedho a mirobwe dhina kadhiniwanana na magano Mulugu. Ejo eniwanana na wikiwa nikami na mikalelo dhottiyana-ottiyana mmaningoni mwehu ninga—glóbulos vermelhos, glóbulos brancos, plaquetas, vina plasma. Masaka mena, kaninnonelamo akala mirobwedha dhinowiwanana na malamulo a Mulugu obe nne. Motagiha, masasanyedho mena aniwanana na wikiwa epaddi mmodha ya nikami. Mena anlabihedhiwa nikami na mureddaya. Muttu-muttu wa iyo akose yogana yaye. *—Galasia 6:5.
KASUNZAVI
Koona enakose weyo ogarumeela masasanyedho a egumi.
3. Kaja murobwe dhinimuzivela Yehova
Weyo onawodhe dhavi osakula mirobwe dhiniwanana na efunelo ya Mulugu? Karumiha VIDIYU, mugamala mutanaalele ttima dha monelo dhinfwarela:
-
Kalobela okumbiraga eziwelo.—Tiago 1:5.
-
Kapepesa magano a mBibiliani vina ottiddihedhe mabasa mwigumini mwawo.—Gano 13:16.
-
Katamela oziwa mirobwe dhinjiwetxa mmuruddani mwawo.
-
Katamela ononelamo deretu mwaha wa murobwe ohinonelamo weyo.
-
Koona akala yogana yawo enele wuttiya na mubuwelo wotxenene.—Merelo 24:16. *
-
Kudduwale wi kavo muttu onaloge mwaha wa ejile enasakule weyo sabwa ya makani a mubuwelo—nne mamunawo obe mwadhiyo, munddimuwa wa mmulogoni—nne vina namasunziha wawo wa Bibilia.—Roma 14:12.
-
Kattikitta yogana yawo vanjangarhani.
4. Anamoona a Yehova anosakula oja mirobwe muderetuni
Enowodheya wiwelela nlamulo na Mulugu mwaha wa nikami vina nlamulo na oja murobwe waderetu ohina nikami. Karumiha VIDIYU.
Kengesa Tito 3:2, mugamala mutanaalele nivuzo ntti:
-
Ekaleleni yapama okana nriho vina okurumuwa nigalogaga na amediku?
|
Akristu kanrumela |
Mukristu onofwanyelela osakula |
|---|---|
|
A. Plasma. |
Fracções de plasma |
|
B. Glóbulos brancos. |
Fracções de glóbulos brancos |
|
C. Plaquetas. |
Fracções de plaquetas |
|
D. Glóbulos vermelhos. |
Fracções de glóbulos vermelhos |
5. Dhipaddi dha nikami: Kakosa yogana yawo
Nikami nihikana dhipaddi nayi dhamakamaka—glóbulos vermelhos, glóbulos brancos, plaquetas vina plasma. Dhipaddi esi dha nikami, dhinogwaddiwa badhikala dhing’ono dhinkuweliwa fracção de sangue. * Dhipaddi dhina dha nikami dhinolabihedhiwa ninga mirobwe dhogomihana maredda obe ovoliha makwadda.
Sabwa yohikiwa nikami, jamakamaka Mukristu wotene okosa yogana alabihedhaga mubuwelo waye woswagihiwa na Bibilia. Txino ena anokoodda oja mirobwe dhinlabihedhiwa dhipaddi dha nikami. Mbwenye ena anorumeela.
Ogakosaga yogana, katanaalela nivuzo ntti:
-
Ddigawodhile dhavi omutapulela mediku sabwaya enkoddala obe enrumeelela miyo wikiwa nikami?
MUTTU AGAWUVUZA: “Makaniya bavi orumela dhipaddi dha nikami?”
-
Ogakulile dhavi?
OGWADDELA
Yehova onfuna wi iyo nirihe nikami.
Kobuwela Dhisunziliwe
-
Sabwaya jani nikami banikala noriheya vamentoni va Yehova?
-
Ninziwa dhavi wi nlamulo na Mulugu na okoddiya nikami ninowiwanana na ohikiwa nikami mmaningoni?
-
Ninawodhe dhavi okosa dhogana dhaderetu sabwa yolabihedhiwa nikami nigajaga mirobwe?
TAMELÁ ONONELAMO DERETU
Onawodhe dhavi otanaalela ohinatti ogana oja murobwe onlabihedhiwa nikami nawo?
Txini enfwanyeleliwe otanaalela ohinatti ogana orumela obe okodda dhipaddi dha nikami?
Txini emukamihedhile mediku orumela wi monelo wa Yehova mwaha wa nikami bwaderetu?
“Aceite o conceito de Deus sobre o sangue” (Despertai!, 8 de Dezembro, 2003)
Koona nikamihedho nivahiwe abali vamodha na arogora na anddimuwa a mmulogoni ankosa epaddi ya Nikuru na Abali Anlaba Mumodhani na Masipitale.
^ Koona ponto 5, “Wikiwa nikami: Kakosa yogana yawo,” na Ononelemo Deretu 3, “Mirobwe dhiniwanana na nikami.”
^ Amediku ena anona dhipaddi esi nayi dhamakamaka dha nikami ninga nikami. Nona, japama weyo okana ebaribari ya wi mediku wawo onoziwa wi weyo kunikiwa nikami nne vina dhipaddi dha nikami ninga glóbulos vermelhos, glóbulos brancos, plaquetas, vina plasma.
