Meki me ne ai nfi abui. Tegè ai mò, mot zing a seki dzam nying. Mbol Zamba nnye a nga kom bia, nnye fe étam a yeane bi kat akia ya bi ne belen ai mò. Nde hm, dzé a yegele bia é bebege meki? Ye bi ne mò dzam di ngeki a nòng mò a minsis? Ai akia afé bi ne dzam nòng mimbembe mintsigen mi bebege meki?

1. Akia afé Yéhova a yen meki?

Yéhova a nga kat bebò bisié boé ya osusua na: “énying ya minson mise é ne a meki moé” (Lévitikus 17:14). A mis me Yéhova, meki me ne énying. A toa fe na, énying é ne édima amu é ne bia éfaa ya sò abe Yéhova. Meki fe me ntoa hm édima.

2. Akia mbelen meki afé Yéhova a kili?

Yéhova a nga béndé bebò bisié boé ya osusua abog daan na te ba di meki (Langʼa Yénésis 9:4 ai Lévitikus 17:10). A nga dugen telé bekristen mvéndé té éyòng Tin ékoen é nga béndé na ‘be saala mekiʼ (Langʼa Mimbòen mi apostel 15:28, 29).

Dzé ya tilen na a saala meki? Nge dòbera a kat wò na o saala meyòk, wò yi ki mò bare nyu se nala? Ve, ye wò yi di é bidi bi ne mbamen ai meyòk ngeki na o yebe na be furi wò mò a minsis? Tegè ai dzom! Dzam deda fe, éyòng Zamba a nga béndé bia na bi saala meki, nala a tilen na bia yeane ki mò nyu nge a di é tsit be ndziki tsig éngòng ngeki na a di é bidi be he bamen ai meki.

Dzé bi ne dzam dzo é bebege ébelen meki a dòbera? Mebala mezing ma toben ki ai mvéndé Zamba. Ane éyòng ba furi mot meki a nyòl ngeki ngab dzia ya meki ane beglobule rouge, beglobule blanc, beplaquette ai plasma. Ve mvéndé Zamba ya kili ki mebala mezing a sang sang. Mvulna é ne na, mebala mezing me bele ban bifas ya ba sò a mengab meki. Mevòk ki ma belen ai meki me nkokòn oben. A mezen meté mese, mot ose a yeane nòng ntsigen asu é dzam a yi bò a (Galati 6:5).

 TUENE FAG

3. Nòngʼò mintsigen mia fû Yéhova Zamba nnem

Akia afé bi ne dzam nòng mintsigen mia toben ai akia ya Zamba a yen meki? Bebege VIDÉO, o kat fe nfi ya tong melebega me tsaa ma:

• Kogelen asu yi na o bi feg (Yakòbus 1:5).

• Dzengʼe é tin memvéndé ya toben ai étié dzoé (Minkana 13:16).

• Dzengʼe na o yem mebala me ne é vom wò nying.

• Tòbò mebala o seki dzam yebe.

• Nòngʼò abog ya fas ntsigen wa toben ai man mot ya nnem woé  b (Mimbòen mi apostel 24:16).

• Baala na mot zing mfe​—tò é mot mina ai nyè mi ne nlugen, mvendé zing, ngeki é mot mina ai nyè mia yègè Bibel​—a seki nòng ntsigen wa namba man mot woé ya nnem afola doé (Romani 14:12).

• Manega tili mintsigen mié.

4. Beboala be Yéhova ba dzeng na be siében ai mimfang mebala

O ne dzam tong mvéndé Zamba a ya bebe meki ve o nòng fe mimfang mebala. Bebege VIDÉO.

Langʼa Titus 3:2 ai yalen a nsili hi:

• Asu dzé bia yeane tòbò osesa, bi tuene fe timi bedòbera étié dzaan?

 5. Bifas ya mengab meki

Meki me ne ngab ényi​—beglobule rouge, beglobule blanc, beplaquette ai plasma. Mengab meki meté me bele ban mengab befe a ba loé na “fractions du sang (bifas mengab ya meki)”  c. Ba belen ai bifas bivòk asu yi na ba sié mekòn mezing ngeki a tsig meki éyòng ma kui abui.

Éyòng é ne na dòbera a dzo na a ve nkokòn bifas mengab ya meki, kristen ése ya yeane nòng ntsigen ya wa toben ai ayegele Bibel a nga ve man mot woé ya nnem. Bekristen bezing be ne dzam teb na be siében akia té, é ba bevòk ki be yebe, mot ose a bò dò ai feg nnem dzié.

Osusua yi na wò nòng ntsigen zing o bebege ébelen bifas mengab ya meki, siligi wòmen na:

• Akia afé ma yi timi dòbera na a tuene yem asu dzé ma yebe ngeki asu dzé ma ben bifas mengab ya meki?

 OBALBAS

Yéhova a yi ki na bi belen ai meki akia a ne abé.

Dzé bia baala

• Asu dzé meki me ne é dzom é ne édima a mis me Yéhova?

• Bia yem ai dzé na é mvéndé Zamba ya dzo na bi saala meki ya bebe fe éyòng dòbera a dzo na a furi wò mò a nsis?

• Dzé ya yi wò vòli na o nòng mimbembe mintsigen mi bebege akia ya bedòbera ba belen ai meki?