LESONI 39
Na Rai ni Kalou me Baleta na Dra
E bibi na dra ena noda bula. Ke sega, eda na mate. Ni Dauveibuli na Kalou, e tu vua na dodonu me tukuna vei keda na sala me vakayagataki kina na dra. Na cava e tukuna me baleta na dra? E rawa ni laukana se soli vua e dua tale? Ena rawa ni vinaka vakacava na nomu vakatulewa ena ituvaki qo?
1. Na cava na rai i Jiova me baleta na dra?
E tukuna o Jiova vei ira na nona dauveiqaravi ena gauna vakaivolatabu: “Ni tiko ena dra na bula ni veimataqali kabula kece ga.” (Vunau ni Soro 17:14) Ena rai i Jiova, na dra e tiko kina na bula. E isolisoli ni Kalou na bula, se ka tabu. Oya na vuna e ka tabu tale ga kina na dra.
2. Na vakayagataki ni dra e sega ni vakadonuya na Kalou
O Jiova e vakaroti ira nona dauveiqaravi ni se bera na gauna vaKarisito mera kua ni kania na dra. (Wilika Vakatekivu 9:4 kei na Vunau ni Soro 17:10.) Ia se dei tiko ga na ivakaro qori ni dusimaki ira na lotu vaKarisito na ilawalawa dauvakatulewa mera ‘vakatabui ira mai na dra.’—Wilika Cakacaka 15:28, 29.
Na cava na ibalebale ni noda vakatabui keda mai na dra? Ke vakatabui iko o vuniwai mai na alakaolo, o na sega ni gunuva. Ia vakacava o na kania na kakana e tiko kina na alakaolo, se vakadrodroi ena nomu sala ni dra? O na sega ni cakava qori. E va tale ga qori na ivakaro ni Kalou meda vakatabui keda mai na dra. Kena ibalebale eda na sega ni gunuva na dra se kania na lewe ni manumanu e sega ni vakadrodroi na kena dra. Eda na sega tale ga ni kania e dua na kakana e tiko kina na dra.
Vakacava na vakayagataki ni dra ena veiqaravi vakavuniwai? Eso na veiqaravi e vakatabuya sara ga na lawa ni Kalou. E okati kina na soli ni dra taucoko se dua vei ratou na iwasewase lelevu ni dra na—red cells, white cells, platelets, kei na plasma. Eso tale na veiqaravi vakavuniwai ena rairai sega ni vakamatatataka na lawa ni Kalou. Kena ivakaraitaki, ena rawa ni vakayagataki e dua na iwasewase lalai ni dra e kau mai ena dua vei ratou na iwasewase lelevu. Eso tale na veiqaravi ena vakayagataki ga kina na nona dra o koya e tauvimate. Nida vakasamataka tiko na veiqaravi va qori, e noda sara ga kina na vakatulewa. a—Kalatia 6:5.
VAKEKELI
Dikeva na sala mo vakatulewataka kina na veiqaravi vakavuniwai me baleta na dra.
3. Me vakamarautaki Jiova na veiqaravi vakavuniwai o digia
Ena salavata vakacava kei na rai ni Kalou na veiqaravi vakavuniwai o digia? Sarava na VIDIO, qai veivosakitaka na bibi ni ikalawa qo.
-
Kerea na vuku.—Jemesa 1:5.
-
Dikeva na ivakavuvuli vakaivolatabu kei na sala mo muria kina.—Vosa Vakaibalebale 13:16.
-
Saga mo kila eso na veiqaravi e tu ena nomu vanua.
-
Mo kila na veiqaravi o na sega ni taura.
-
Vakadeitaka ni nomu vakatulewa ena savasava kina na nomu lewaeloma. —Cakacaka 24:16. b
-
Mo nanuma tiko ni sega ni dua ena vakatulewa ena ka e vauca na nomu lewaeloma—sega mada ga ni o watimu, e dua na qase ni ivavakoso, se nomu qasenivuli. —Roma 14:12.
-
Vola na ka o sa vakatulewataka.
4. Era qara na iVakadinadina i Jiova na veiqaravi vakavuniwai vinaka duadua
E dodonu meda muria na lawa ni Kalou me baleta na dra qai vakadonuya na veiqaravi vakavuniwai e vinaka duadua e sega ni vakayagataki kina na dra. Sarava na VIDIO.
Wilika Taito 3:2, qai veivosakitaka na taro qo:
-
Na cava meda yalomalua kina qai cakacaka vata kei ira na veiqaravi vakavuniwai?
|
Sega ni Vakadonui |
Dui Vakatulewa |
|---|---|
|
A. Blood plasma |
Wasei mai na plasma |
|
B. White cells |
Wasei mai na white cells |
|
C. Platelets |
Wasei mai na platelets |
|
D. Red cells |
Wasei mai na red cells |
5. iWasewase lalai ni dra
E va na iwasewase lelevu ni dra—na red cells, white cells, platelets, kei na plasma. Na iwasewase qori e tiko na kena iwasewase lalai. c Eso na iwasewase lalai qori e vakayagataki me wainimate me valuta na mate se tarova na drodro ni dra.
Me baleta na veiqaravi e vakayagataki kina na iwasewase lalai ni dra, ena vinakati vua na lotu vaKarisito me yavutaka na nona vakatulewa ena nona lewaeloma e vakavulici ena iVolatabu. Eso era na rairai vakatulewataka nira na sega ni ciqoma na veiqaravi vakavuniwai e vakayagataki kina na iwasewase lalai ni dra. Ia eso tale e vakadonuya na nodra lewaeloma.
Ni o vakatulewa tiko, vakasamataka na taro qo:
-
Au na vakamacalataka vakacava vei vuniwai na vuna au vakadonuya kina se sega e dua vei ratou na iwasewase lalai ni dra?
KE TAROGA E DUA: “Na cava na ca ni tauri dra?”
-
Na cava o nanuma?
KA O VULICA
E vinakata o Jiova meda kua ni vakayagataka vakatani na dra.
Railesuvi
-
Na cava e raica kina o Jiova na dra me ka tabu?
-
Eda kila vakacava ni ivakaro ni Kalou me baleta na vakatabui ni dra e okati tale ga kina na tauri dra?
-
Cava ena vukei iko mo vakatulewa vinaka ena veiqaravi vakavuniwai me baleta na dra?
IKURI
Na cava eso na ka mo vakasamataka ni bera ni o vakatulewataka na veiqaravi vakavuniwai ena vakayagataki kina na nomu dra?
“Taro na Dauwiliwili” (Na Vale ni Vakatawa, 15 Okotova, 2000)
Na cava mo nanuma tiko ni o vakatulewataka mo taura na iwasewase lalai ni dra?
E vakabauta vakacava e dua na vuniwai ni yaga na rai i Jiova me baleta na dra?
“Au Ciqoma na Rai ni Kalou me Baleta na Dra” (Yadra!, 8 Tiseba, 2003)
Vulica na sala e tokoni ira kina na mataveitacini na qase ni ivavakoso era lewena na Komiti e Veitaratara kei na Vale ni Bula.
b Raica na poidi 5, “iWasewase Lalai ni Dra,” kei na iKuri ni iVakamacala 3, “Na Veiqaravi Vakavuniwai e Vakayagataki Kina na Dra.”
c Eso na vuniwai e raica na va na iwasewase lelevu ni dra me iwasewase lalai. Ena vinakati gona mo vakamacalataka vei vuniwai na nomu vakatulewa ni o na sega ni vakadonuya na dra taucoko se na va na iwasewase lelevu ni dra na red cells, white cells, platelets, se na plasma.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
