EHONGWA 39
Oumune wa Mukuru ohunga nombinḓu
Ombinḓu otjiṋa otjinanḓengu tjinene. Nokuhinayo kamaatu hupu. Mena rokutja Mukuru we tu mema, eye u nousemba wokuturaera kutja matu sokuungurisa vi ombinḓu. Hapo eye wa hungire ovikwaye ohunga nombinḓu? Hapo oyo mai yenene okuriwa poo okupakerwa morutu? Nu mo yenene vi okutjita ozondando ozosemba ohunga nombinḓu?
1. Jehova u noumune uṋe ohunga nombinḓu?
Jehova wa raera ovakarere ve voruveze orukuru kutja, “omuinyo worutu ngamwa auhe u ri mombinḓu.” (Levitikus 17:14) Otja ku Jehova, ombinḓu i kuramena po omuinyo. Mena rokutja omuinyo otjiyandjewa tjapeke okuza ku Jehova, ombinḓu wina otjiyandjewa tjapeke.
2. Omaungurisiro yeṋe wombinḓu Mukuru nge ha yakura?
Jehova wa rakiza Ovakriste ovakuru kutja ave ri ombinḓu. (Lesa Genesis 9:4 na Levitikus 17:10.) Eye wa yarukira po erakiza ndo, indu orutu orunane tji rwa rakiza Ovakriste kutja “amu ri ko ombinḓu.”—Lesa Oviungura 15:28, 29.
Hapo okuhinokurya ombinḓu ku kamburira mo tjike? Indu onganga tje ku raere kutja o nu otjikariha, ove komoo nu ko. Posi ya hapo mape ya o yandjere okuyendwa otjikariha momisepa vyoye? Kako, kamaape ya. Momuano otjingewo, erakiza ra Mukuru rokuhinokurya ombinḓu, ri heya okuhinokunwa ombinḓu poo okurya onyama yotjipuka tji tja siniwa. Nu wina katu sokurya ovikurya ngamwa mbya wezewa ombinḓu.
Tjike ohunga nomapangero nge ungurisa ombinḓu? Tjiva yawo ye pirukira omatwako wa Mukuru. Ihi matji kamburire mo okutwamewa ombinḓu aihe poo otupa tune twombinḓu, tu tu ri o-red cells, o-white cells, o-platelets, no-plasma. Posi ya omapangero warwe mape ya kamaaye pirukire omatwako wa Mukuru. Otjotjihorera, omapangero tjiva ye ungurisa oundondi wombinḓu mbu za motupa tune two. Omapangero tjiva ye kamburira mo okuungurisa ombinḓu yomundu omuini. Indu tji matu toorora omapangero otja inga, omundu auhe ma sokutjita ondando ye omuini. a—Ovagalate 6:5.
KONḒONONA OUKOTO
Tara kutja mo toorora omapangero yeṋe ngu maye tjama nombinḓu.
3. Tjita ozondando ohunga nomapangero nḓu maze yorokisa Jehova
Mo yenene vi okutjita ozondando nḓu maze hitasana noumune wa Mukuru ohunga nombinḓu? Nyanda OKAVIDIO, nu okuzambo hungirira kounanḓengu wokutoora omikambo mbi mavi kongorere kehi mba.
-
Ningira ounongo mongumbiro. —Jakobus 1:5.
-
Konḓonona omirari vyOmbeibela nomuano mu mo yenene okuviṱakamisa.—Omiano 13:16.
-
Konḓonona kutja omiano viṋe vyomapangero mbi ri po, mbi mo yenene okuungurisa.
-
Tara kutja omapangero yeṋe ngu u hi nokuyakura.
-
Tjita kutja ondando ndji mo toora i kwese nomeritjiviro omawa womomutima. —Oviungura 24:16. b
-
Tjiwa kutja kape nomundu ngu ma yenene okukuraera kutja mo sokutjita ondando iṋe, moviṋa mbi mavi tjama nomeritjiviro womomutima. Ihi matji kamburire mo omundu ngu mwa kupasana, omunene wombongo, poo omundu ngu mu rihonga pamwe Ombeibela.—Ovaroma 14:12.
-
Tjanga ondando yoye kutja varwe ve tjiwe ohunga na yo.
4. Ovahongonone va Jehova ve paha omapangero omasemba
Eṱe matu yenene okuṱakamisa erakiza ra Mukuru ohunga nombinḓu nokumuna omapangero omawa nge hi nombinḓu. Nyanda OKAVIDIO.
Lesa Titus 3:2, nu okuzambo hungirira kepuriro ndi:
-
Indu tji matu hungire ku nozonganga, omena raye tje ri ounanḓengu okuhungira nondengero noupore?
|
Kavi yakurwa |
Omukriste ma sokutya |
|---|---|
|
A. O-plasma |
Oundondi okuza mo-plasma |
|
B. O-white cells |
Oundondi okuza mo-white cells |
|
C. O-platelets |
Oundondi okuza mo-platelets |
|
D. O-red cells |
Oundondi okuza mo-red cells |
5. Oundondi wombinḓu
Ombinḓu ya zikamena motupa tune tu tu ri o-red cells, o-white cells, o-platelets, no-plasma. Otupa twi tu notupa otuṱiṱi tu tu isanewa kutja oundondi wombinḓu. c Oundondi tjiva mbwi, u ungurisiwa momapangero nge vatera okurwisa omitjise poo okuvatera kutja omundu a ha ziza ombinḓu tjinene.
Tji kwe ya koundondi wombinḓu, Omukriste auhe ma sokutoora ondando ye omuini ndja zikamena komeritjiviro we womomutima nga zikamena komirari vyOmbeibela. Tjiva mape ya ave ha vanga okuyakura omapangero nge noundondi wombinḓu. Varwe mape ya ave munu kutja omeritjiviro wawo womomutima maye ve yandjere okuyakura oundondi wombinḓu.
Indu tji mo tjiti ozondando, ripurira kepuriro ndi:
-
Me kahurura vi konganga kutja omena raye tji me yakura poo tji mbi hi nokuyakura omapangero nge noundondi tjiva wombinḓu?
OMUNDU MAPE YA A PURA KUTJA: “Okuyakura omapakerero wombinḓu ku noumba waye?”
-
Ove u noumune uṋe?
OKUYARUKIRA PO OUSUPI
Jehova ka yakura omaungurisiro omavi wombinḓu.
Okurizemburukisa
-
Ongwaye Jehova tje vara ombinḓu otjotjiṋa otjiyapuke?
-
Matu tjiwa vi kutja erakiza ra Jehova rokuhinokurya ombinḓu mari kamburire mo okuhinokupakerwa ombinḓu?
-
Ove mo yenene vi okutjita ozondando ozombwa ohunga nomaungurisiro wombinḓu momapangero?
RIHONGA OVINGI
Ove mo sokuripura na i ye ngunda au hi ya tya kutja mo yakura omaungurisiro wombinḓu yoye omuini momapangero poo indee?
Ovikwaye mbi mo sokuripurira ko, indu tji mo toorora kutja mo yakura omapangero woundondi wombinḓu poo indee?
Otjikwaye tji tja tjita kutja onganga i ute okukambura kutja oumune wa Jehova ohunga nombinḓu ouzuvakwa?
“Mba yakura oumune wa Mukuru ohunga nombinḓu” (Penduka!, 8 ku Desemba, 2003)
Rihonga kutja ovanene vombongo mbe ungura mOzokomiti zOmapangero ve vatera vi ovakambure ovakwao.
a Tara kehongwa 35, “Omiano mu matu yenene okutjita ozondando ozombwa.”
b Tara kepu 5, “Oundondi wombinḓu,” nOmakahururiro 3, “Omaungurisiro wombinḓu momapangero.”
c Ozonganga tjiva ze vara otupa tune twombinḓu otjoundondi wombinḓu. Ku nao, mo hepa okukahurura konganga ohunga nondando yoye yokuhinokuyakura omapakerero wombinḓu aihe, poo o-red cells, o-white cells, o-platelets, poo o-plasma.
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
