LEKSION 39
Ti Pangibilangan ti Dios iti Dara
Nakapatpateg ti dara. No awan dayta, saantayo nga agbiag. Kas Namarsua, adda karbengan ti Dios a mangibaga no ania ti pangusarantayo iti dara. Ania ti ibagbagana maipapan iti dara? Mabalin kadi a kanen dayta? Mabalin kadi ti agpayalison, wenno agpasaksak, iti dara? Kasanoka a makaaramid iti husto a desision maipapan iti daytoy a banag?
1. Ania ti pangibilangan ni Jehova iti dara?
Imbaga ni Jehova kadagiti agdaydayaw kenkuana idi tiempo ti Biblia: “Ti biag ti tunggal parsua ket adda iti darana.” (Levitico 17:14) Para ken Jehova, ti dara irepresentarna ti biag. Gapu ta ti biag ket sagrado, wenno nasantuan, a regalo ti Dios, sagrado met ti dara.
2. Ania ti iparit ti Dios a pakausaran ti dara?
Sakbay ti panawen Kristiano, imbilin ni Jehova kadagiti agdaydayaw kenkuana a saanda a mangan iti dara. (Basaen ti Genesis 9:4 ken Levitico 17:10.) Inulitna dayta a bilin idi imbaga ti bagi a manarawidwid kadagiti Kristiano nga ‘itultuloyda a liklikan ti dara.’—Basaen ti Aramid 15:28, 29.
Ania ti kayat a sawen ti panangliklik iti dara? No ibaga ti doktor a liklikam ti arak, saanmo nga inumen dayta. Ngem manganka kadi iti makan nga adda arakna wenno itudokmo kadi ti arak iti uratmo? Siempre, saan. Kasta met, ti bilin ti Dios a liklikan ti dara kayatna a sawen a saantayo nga uminum iti dara wenno mangan iti karne a saan a napadara. Saantayo met a mangan iti makan a nalaokan iti dara.
Ngem kasano ngay no mausar ti dara iti panangagas? Nalawag a maikontra iti linteg ti Dios ti dadduma a pamay-an ti panangagas. Karaman iti dayta ti panangyalison iti puro a dara wenno aniaman kadagiti kangrunaan a pasetna—red cells, white cells, platelets, ken plasma. Dadduma a pamay-an ti panangagas ket mabalin a saan met a direkta a maikontra iti linteg ti Dios. Kas pagarigan, adda dagiti pamay-an ti panangagas nga agusar iti bassit a paset ti maysa kadagiti kangrunaan a paset ti dara. Adda met ti dadduma a pamay-an ti panangagas nga agusar iti bukod a dara ti pasiente. Personal a desision ti maysa no kayatna ti agpaagas kadagiti kastoy a pamay-an. a—Galacia 6:5.
AMMUEM TI AD-ADU PAY
Ammuem no kasanoka nga agdesision maipapan iti pamay-an ti panangagas nga agusar iti dara.
3. Agaramidka iti desision maipapan iti panangagas a mangparagsak ken Jehova
Ania ti aramidem tapno maitunos ti desisionmo iti pangibilangan ti Dios iti dara? I-play ti VIDEO, sa pagsaritaan ti kinapateg ti panangaramid kadagiti sumaruno nga addang.
-
Ikararagmo a maaddaanka iti sirib.—Santiago 1:5.
-
Ag-research-ka kadagiti prinsipio ti Biblia ken ammuem no kasanom a suroten dagita.—Proverbio 13:16.
-
Ammuem dagiti opsion nga adda iti lugaryo.
-
Ammuem dagiti opsion a saanmo nga akseptaren.
-
Siguraduem a nadalusto ti konsiensiam kadagiti aramidem a desision.—Aramid 24:16. b
-
Laglagipem nga awan ti asinoman a mabalin nga agdesision para kenka kadagiti banag a nakadepende iti konsiensiam—uray ti asawam, dagiti panglakayen, wenno ti mangyad-adal kenka.—Roma 14:12.
-
Isuratmo ti desisionmo.
4. Pilien dagiti Saksi ni Jehova ti kasayaatan a pamay-an ti panangagas
Posible a makaawattayo iti nasayaat a pamay-an ti panangagas a saan nga agusar iti dara a masurottayo latta ti linteg ti Dios. I-play ti VIDEO.
Basaen ti Tito 3:2, sa pagsaritaan daytoy a saludsod:
-
Apay a masapul a narespeto ken naalumamaytayo no makisarsaritatayo kadagiti doktor?
|
Dagiti saan a maawat |
Dagiti desisionan ti Kristiano |
|---|---|
|
A. Blood plasma |
Fraction ti plasma |
|
B. White cells |
Fraction ti white cells |
|
C. Platelets |
Fraction ti platelets |
|
D. Red cells |
Fraction ti red cells |
5. No mausar dagiti blood fraction
Adda uppat a kangrunaan a paset ti dara—red cells, white cells, platelets, ken plasma. Dagitoy a paset ket addaan iti babbabassit a paset a maawagan iti blood fraction. c Dadduma a fraction ti maus-usar kadagiti agas a makatulong a manglaban kadagiti sakit wenno mangpasardeng iti panagsayasay ti dara.
No maipapan kadagiti fraction ti dara, masapul nga agdesision ti tunggal Kristiano maibatay iti nasanay-Biblia a konsiensiana. Dadduma ti mabalin nga agdesision a saanda nga awaten ti pamay-an ti panangagas nga agusar iti blood fraction. Ngem adda met dagiti ipalubos ti konsiensiada nga agpaagas nga agusar kadagiti fraction.
No agdesisionka, panunotem daytoy a saludsod:
-
Kasanok nga ilawlawag iti doktorko no apay nga awatek wenno saanko nga awaten ti maysa a blood fraction?
NO ADDA AGSALUDSOD: “Dakes kadi ti agpasaksak iti dara?”
-
Ania ti makunam?
SUMARIO
Kayat ni Jehova nga ibilangtayo ti dara kas sagrado wenno nasantuan.
Rebiu
-
Apay nga ibilbilang ni Jehova ti dara a sagrado?
-
Kasanotayo nga ammo a ti bilin ti Dios a liklikan ti dara ramanenna ti saan a panagpayalison iti dara?
-
Kasanoka a makaaramid iti husto a desision maipapan iti panagpaagas a mausar ti dara?
AGDISKOBREKA PAY
Ania ti masapul a panunotem sakbay nga agdesisionka no awatem ti maysa a pamay-an ti panangagas nga agusar iti bukodmo a dara?
“Dagiti Saludsod Manipud Kadagiti Agbasbasa” (Ti Pagwanawanan, Oktubre 15, 2000)
Ania ti masapul a panunotem sakbay nga agdesisionka no awatem dagiti fraction ti dara?
“Salsaludsod Dagiti Agbasbasa” (Ti Pagwanawanan, Hunio 15, 2004)
Apay a namati ti maysa a doktor a rasonable ti ibagbaga ni Jehova maipapan iti dara?
“Inawatko ti Panangmatmat ti Dios Maipapan iti Dara” (Agriingkayo!, Disiembre 8, 2003)
Ammuem no kasano a supsuportaran ti Hospital Liaison Committee dagiti kakabsat.
a Kitaen ti Leksion 35, “No Kasanotayo a Makaaramid iti Umiso a Desision.”
b Kitaen ti maikalima a punto, “No Mausar Dagiti Blood Fraction,” ken Endnote 3, “Dagiti Pamay-an ti Panangagas a Mausar ti Dara.”
c Adda dagiti doktor a mangibilang iti uppat a kangrunaan a paset ti dara kas fraction. Isu a mabalin a masapul nga ilawlawagmo ti personal a desisionmo a saan nga agpayalison iti puro a dara wenno iti red cells, white cells, platelets, wenno plasma.
Baka Kayatmo Met ti
MASANSAN A MAISALSALUDSOD
Ania ti Panagadal iti Biblia nga Iyaw-awis Dagiti Saksi ni Jehova?
Iti libre a panagadal nga iyaw-awis dagiti Saksi ni Jehova, mabalinmo nga usaren ti aniaman a patarus ti Biblia. Mabalinmo nga awisen ti amin a kapamiliam wenno ti asinoman a gayyemmo.
