Numpajainchuka yaksha iwiaku pujuchminiaiti. Yuus iin najakrata asa numpan itiur iistarum turamaj? Yuussha numpancha itiur enentaimta? Numpa yuamniashitiaj turutskesh apujmamsamniashitiaj? Amesha itiurkatniuitiam?

1. Jehová numpan itiur enentaimta?

Jehová yaunchuk nin umirin armiania nuna junis timiayi: “Ashí aya̱shi iwiaakmari̱ṉkia númpaiti” (Riwiitikia [Levítico] 17:14). Jehovajainkia numpaka iwiakmaiti. Iwiakmaka Yuus amasmaiti. Tuma asamtai arantuktiniaiti, numpasha arantuktiniaitji.

2. Yuus numpajai wari turawairap turameaj?

Kristu aentsu iruntramurinkia atsuiniai, Jehová Israel aentsun numpa yuawairap timiayi (Náṉkammari̱ [Génesis] 9:4 tura Riwiitikia [Levítico] 17:10 aujsata). Nuya nukape tsawan nankaamasu ai Kristu aentsu uuntri armia nu Jehová utsuam junis tiarmiayi: “Numpasha nakitratniuitrume” (Hechos 15:28, 29 TNM aujsata).

Numpa nakitratarum timia asamtai wari turashtiniaitiaj? Yuus umireakrikia numpasha yuashtiniaitji turutskesha umarchatniuitji, tura naman numpartiuk yuashtiniaitji, numpajai pachimprar najanamusha yuashtiniaitji. Nuyasha aya nukechuiti. Watskea jui apatkar enentaimsatai: Doctor chichartamuk awarin nakitratniuitme turameakuinkia umarchattame, nekasapi. Apatuk vinojai iwiaramusha yuashtatme, nekasapi. Turutskesha awarin numpanmanisha ijiumashtatmeapi.

Aintsan Yuus umirkatai takurkia tsuamartasar numpa ijiumashtatji. Nuyasha glóbulos rojos, glóbulos blancos, plaquetas nuya plasma nusha apujmamsashtatji. Nuka numpanmaya jusamu ainiawai. Antsu nu jusamunmaya chikich akantrarma ainia nunaka apujtursarat tusan wakerajash tusar iik enentaimsatniuitji, Yuusa chichame nuna aujmatcha asamtai. Nuyanchuka doctor ainiana nu ii numpen jusar maquinanmani pepeer ama amajkuar ataksha awanturmakiarminiaiti. Nunasha wakerajash tusar iik enentaimsatniuitji (Karaseanam [Gálatas] 6:5). a

 PENKER NEKAATAI

3. Jehová penker iiyana nu najanata

Tsuamartasam Yuus numpan itiurak iiya nui enentaimsata. VIDEO iisrum nuya wari turatniuitiaj nu aujmattsatarum:

• Yuusa nekatairi seata (Sántiak 1:5).

• Yuus papiinium numpanu aujmatu eakta. Turam itiurkamek umikiaintiam nui enentaimsata (Nekatai̱n Jintinkiartin [Proverbios] 13:16).

• Warijiai tsuamarminiaitiam nu nekaata.

• Warimpia penkesha apujmamsashminiaitiam nusha penker nekaata.

• Warijiainsha tsuamaram itiur nekaptiatam nui enentaimsata (Túramuri̱ [Hechos] 24:16). b

• Ame turattamna nuna ame aishrumkesha nuarmeksha tura uuntri anaikiamu ainia nukesha tura Yuusa chichame amin unuitiameana nusha ju turata turamchamniaiti (Rúmanam 14:12).

• Ame turattamna nusha aaram takusta.

4. Testigos de Jehovatisha penker tsuamartasar wakeriniaitji

Numpa nakitiakrisha tsuamartasrikia doctornum wuwitji. VIDEO iistarum.

Titiun 3:2 aujsarum juna aujmattsatarum:

• Urukamtai doctorjai aujmatkur kajetsuk tura arantamujai aujmattsatniuitiaj?

 5. Numpanmania jusamu nuniasha akantrarma itiur iistiniaitiaj?

Numpanmanka ju awai: glóbulos rojos, glóbulos blancos, plaquetas, plasma. Tura nuyainia chikich akantrarma jutainti. c Nuya nujai tsuak najanin ainiawai turutskesha numpe tsekenmiataisha apujtin ainiawai.

Kristu aentska glóbulos rojos, glóbulos blancos, plaquetas, plasma nunian akantrar jusamun apujmamsataj takunka apujmamsamniaiti turutskesha apujmamsataj tachakka apujmamsashminiaiti. Nuka ninki Yuusa chichame nekaamu nui enentaimias najanamniaiti tura nujai tsuamatai najanamun wakerakka tsuamarminiaiti turutskesh nakitramniaiti.

Warinsha turattakmeka junisam enentaimsata:

• Numpanmania jusamu nunia akantrarman apujmamsattajai turutskesha apujmamsashtatjai tusam tsuakratin itiura jintintiamniaitiam?

 WARI NEKAAM

Jehovaka warinmansha numpan apujmamsarain tusa nakitiawai.

Awakeasrik nekaatin

• Urukamtai Jehová numpa arantuktiniaiti ta?

• Numpa nakitratarum tana nuka numpa apujmamsashtinniasha tawai urukamtai taji?

• Numpanmania jusar tsuamatai najanamujai tsuamarminiashitiaj tusam enentaimsatniun wari yainmakminiait? (Número 3 nui nakumkamu ana nu iista)