LISHOMO 39
Nnungu aonela mwashi kwaupande wa myadi?
Myadi ni shinu shikumene namene. Bila myadi hatulula shinu kunama. Nnungu, kenga Namalunda wetu ankuvanavo aki yakumya malamulo kwaupande wa myadi. Aumidye midimu shani kwaupande wa myadi? Da tunkuulula kulya myadi au kutaja mumipa? Na ulota kuulula dashi kumya wamushi wambone kwaupande wa myadi?
1. Yeova aonela mwashi kwaupande wa myadi?
Muwakati wa kala Yeova andívaulila vatumika vake aashidoni: ‘Shingumi shakula shiumbi shivele mu myadi.’ (Valawi 17:14) Kulingana na maoni amwe Yeova, myadi ni shingumi. Ikava kenga shingumi ni shawadi yanashwe yaloka kwa Nnungu, myadi momo ni vyanashwe.
2. Inamuna shani yakutumila myadi yaleya Nnungu?
Shikanava kupagwa shipinga sha Shiklistu Yeova andívaleya vatumika vake pakulota havanalye myadi. (Shomya Kutunduvanga 9:4 na Valawi 17:10.) Baada yakumilila Ibunge Ilangalela, Vaklistu vandívapa malamulo pakulota “havanamamene . . . dinyama na myadi vyake.”—Shomya Vitendo 15:28, 29.
Mene kulya myadi manaake nyamani? Kuleka madiku akwaulidile haunakumbile ugwalwa, ngwona kenga wako ukandileka kukumbila ugwalya. Ata ikava davo ukandilya shakulya shavanganienge ugwalwa au ukandikubali kulitalalela mumipa? Kwaumwiu wako ukanakubali. Ni kenga momo malamulo ake Yeova kwaupande wa myadi, haivakidile kulya au kukumbila. Au kumamena dinyama dyavanyama dyavakashindile na haituvaikidile kulya shakulya shavashanganienge myadi.
Ambi wako wona dashi kwaupande wakutumila myadi pakulota kulilaulila? Dinamuna dinji dyakutumila myadi mumipa hadinaigwania shinu na malamulo ake Nnungu. Dinamuna adyo dinkuvika nkati kutaja myadi mumipa. Dimbande adyo ni plasma, imbande yanauvi, imbane yanashwe na plaqueta. Myanda vinji inkuululika kukamadyanga kumanya inamuna shani igwania na malamulo a Nnungu au mene. Kwampano, myanda vinji inatumika disemu dikumene dya myadi. Vanji vatumila myadi vyake jo mwene nnwele. Muwakati watukumbukila nyamani shakutenda, kula munu immaikidile aumye wamushi wake jo mwene. a—Vagalata 6:5.
LAMBELA KUMANYA VYOE
Manya mwashi mwakumidya wamushi wambone kwa inamuna yambone yakulilaulila ikuvaikidile wako ukubali.
3. Umya wamushi umpuwangidya Yeova kwaupande wakulilaulila
Wako ulota kutandola dashi inamuna yambone yakulilaula igwania na maoni ake Nnungu kwaupande wa myadi? Lola VIDEO, na badae mwambangile mwaa mwashi mwakuvikila mmitendo dimbande dikumene dya mwina.
-
Shwali ujugwa limanyilo.—Tiyagu 1:5.
-
Lambela kumanya malamulo ákabadilika lamu Ibibiliya na lola mwashi mwakuvikila mmitendo.—Mikong’o 13:16.
-
Lambela kumanya inamuna yakulilaulila ipagwite ku isemu yaunama.
-
Amuwa inamuna yakulilaulila yaukalota wako.
-
Lola wamushi wako ikava kenga unakuleka na makumbukililo ambone amuntima.—Vitendo 24:16. b
-
Kumbukila kenga—hapali munu alota kumya wamushi palyutu lyako, kwa vinu vitumika makumbukililo amuntima—ata akava ntwamunu, ndyamunu, nang’olo washipinga au mwalimu wako wa Ibibiliya.—Valoma 14:12.
-
Andika wamushi wako mu lyaamba.
4. Mashaidi va Yeova valambela inamuna yambone yakulilaulila
Inkuululika kwigwilila malamulo a Nnungu kwaupande wa myadi, na muwakati wowo kupata inamuna yambone yakulilaulila bila kutumila myadi. Lola VIDEO.
Shomya Titu 3:2, na badae mwambangile mwaa shakudya sha mwina:
-
Mwaa shani ituvaikidile tuvenavo ishima na upole muwakati watutangola namu madiku?
|
Vaklistu havanakubali |
Kula Nklistu immaikidile aumye wamushi |
|---|---|
|
A. Plasma |
Dimbande dya plasma |
|
B. Imbande yanashwe |
Dimbande dyanashwe |
|
C. Plaqueta |
Dimbande dya plaqueta |
|
D. Imbande yanauvi |
Dimbande dyanauvi |
5. Dimbande dya myadi umya wamushi wako umwene
Myadi vinkuvanavo dimbande nsheshe dikumene—Imbande Yanauvi, imbande yanashwe, plaqueta na plasma. Dimbande adi nsheshe vankuulula kujavanianga mu dimbande didikidiki, dyavashema dimbande dya myadi. c Dimbande dinji dya myadi dinkuulula kutumika pakulota kulaulila malwele au kwimidya kuma kwa myadi.
Inkuululika vanji kukubali inamuna yakulilaulila vatumila dimbande dya myadi. Kupagwa vanji mene kukubali dimbande dya myadi kenga imbande yanashwe, imbande yanauvi, plaqueta na plasma.
Paumya wamushi, kumbukila shakudya ashi:
-
Nikamwaulidile dashi madiku ikava kenga ninkulota au mene inamuna yoeyoe yakutumila dimbande dya myadi?
VANU VANJI VANKUULULA KUDYA: “Litatisho shani lipagwite kutaja myadi mumili?”
-
Wako ulota kujang’ula dashi?
KWAUNGWIPI
Yeova alota wetu tulodye ishima kwaupande wa myadi.
Tukumbukilange
-
Mwaa shani myadi ni vyanashwe kumwe Yeova?
-
Tunkumanya dashi kenga lilamulo lya Nnungu kwaupande wa mene kulya myadi linkuvika nkati mene kutaja myadi mumipa?
-
Tulota kuulula dashi kumya wamushi wambone kwaupande wa kulilaulila vatumila myadi?
LIPUNDISHE
Wako ikuvaikidile utende nyamani ukanava kumya wamushi ikava kenga unakubali inamuna yakulilaulila vatumila myadi vyako umwene?
“Maswali Kutoka kwa Wasomaji” (Mnara wa Mlinzi, Oktoba 15, 2000)
Ikuvaikidile utende nyamani ukanava kumya wamushi ikava kenga unalota au mene dimbande dya myadi?
“Maswali Kutoka kwa Wasomaji” (Mnara wa Mlinzi, June 15, 2004)
Nyamani shintadidye madiku kwamini kenga maoni amwe Yeova kwaupande wa myadi ni ambone?
“Nilikubali Maoni ya Mungu Kuhusu Damu” (Amkeni!, Desemba 8, 2003)
Lola mwashi vanang’olo vashipinga vaigwania na vipitali mwavapwashalela vanung’unumunu na valumbumunu.
a Lola lishomo 35, “Tulota kuulula dashi kumya wamushi wambone.”
b Lola imbande ya 5, dimbande dya myadi umya wamushi wako umwene; Igwa shana 3, “Inamuna yakulilaulila kwaupande wa myadi”na Ministério do Reino Março de 2007 lyaamba 3-6.
c Kwaupande wa dimbande dikumene dya myadi, kula Nklistu immaikidile aumye wamushi wake jo mwene kulingana na makumbukililo amuntima na ashilá shalipundishidye mu Ibibiliya.
