Хун тьштәки гәләк фәрз ә. Бейи хун тʹӧ кәс нькарә бьжи. Хԝәде әм әʹфьрандьнә, ләма жи тʹәне изьна ԝи һәйә бежә, кӧ хуне ча гәрәке бьдьнә хәбате. Ле гәло Хԝәде дәрһәԛа хуне чь готийә? Гәло изьн ә хуне бьхԝьн, йан жи бәри хԝә дьн? У тӧ ча дькари ве пьрседа сафикьрьнед рʹаст бьки?

1. Йаһоԝа ча сәр хуне дьньһерʹә?

Ԝәʹде бәре Йаһоԝа готә хьзмәткʹаред хԝә: «Әʹмьре һәр бинбәри хуна ԝи йә» (Ԛануна Кʹаһинтийе 17:14). Бона Йаһоԝа хун әʹмьр ә. Әʹмьр пироз ә у пʹешкʹеша жь Хԝәде йә, ләма хун жи пироз ә.

2. Хԝәде кʹижан щурʹе хәбьтандьна хуне, ԛәдәхә дькә?

Хԝәде һе бәреда хьзмәткʹаред хԝәрʹа ԛәдәхә кьрьбу кӧ хуне бьхԝьн (Бьхунә Дәстпебун 9:4 у Ԛануна Кʹаһинтийе 17:10.) Хԝәде фәрзбуна ве йәке һьнге жи да кʹьфше, чахе Кʹома Рʹебәрийе тʹәми да Мәсиһийа, ԝәки әԝана «дури» хуне бьн (Бьхунә Кʹаред Шандийа 15:28, 29.)

Гәло чь те һʹәсабе дури хуне бьн? Мәсәлә, һәрге дохдьр тәрʹа бежә хԝә дури ичʹке бьгьрә, һәмьки тӧйе ичʹке вәнәхԝи. Ле гәло тӧйе бьхԝи ԝан тьшта чьда ичʹкә һәйә, йан жи тӧйе ичʹке бәри тамаред хԝә ди? Фәʹмдари йә на. Анәгори ве йәке әԝ тʹәмийа Хԝәде кӧ дури хуне бьн, те һʹәсабе хуне вәнәхԝьн, нә жи гоште кӧ хун же бәрʹнәданә бьхԝьн. Әм нә жи гәрәке ван тьшта бьхԝьн, кʹижанада хун кьрьне.

Ле чь әм дькарьн бежьн дәрһәԛа хәбьтандьна хуне медисинайеда? Һьнә методед ԛәнщкьрьне, мьԛабьли ԛануна Хԝәде нә. Дькʹәвә нава ԝан метода бәридана хунейә бь тʹәмами, йан жи һьнә пʹаред ԝейә сәрәкә, демәк еритросит, лейкосит, тромбосит у плазма. Ле һәнә методед ԛәнщкьрьнейә ӧса жи, кʹижан кӧ мьԛабьли ԛануна Хԝәде дәрнайен. Мәсәлә, һьнә методед ԛәнщкьрьнеда дьдьнә хәбате фьраксийед кӧ пʹарәкә хунейә сәрәкәда һәнә. Ле һәнә методед ӧса, кӧ хуна мәрьв диса жи бона ԝи дьдьн хәбате. Әм гәрәке кʹур дәрһәԛа ԝан һʹәму тьшта бьфькьрьн, у сафикьрьна шәхси бькьн a (Галати 6:5).

 КʹУР ЛЕКОЛИН КӘ

3. Методед ԛәнщкьрьнейә ӧса бьжберә, кʹижан кӧ Йаһоԝа хԝәш тен

Тӧ чаԝа дькари методәкә ӧса бьжбери, кʹижан кӧ ль гора ньһерʹандьна Хԝәде йә? Вехә ВИДЕО, у паше шеԝьр кә әԝ ширәтед фәрз, кӧ жере һатьнә дайине:

• Бона биланийе дӧа бькә (Аԛуб 1:5).

• Принсипед Кʹьтеба Пироз леколин кә у пебьһʹәсә ча ԝана бьди хәбате (Мәтʹәлок 13:16).

• Пебьһʹәсә кӧ мьһала тәда кʹижан методед ԛәнщкьрьне һәнә.

• Леколин кә кʹижан методед ԛәнщкьрьне гәрәке нәди хәбате.

• Сафикьрьнәкә ӧса бькә, ԝәки исаф тә нәчәрчьринә (Кʹаред Шандийа 24:16). b

• Бир нәкә кӧ тʹӧ кәс, нә жьн, нә мере тә, нә рʹуспи у нә жи әԝе кӧ һинбуна Кʹьтеба Пироз тʹәви тә дәрбаз дькә, дәԝса тә гәрәке сафикьрьна нәкә, гава әв йәк исафева гьредайи йә (Рʹомайи 14:12).

• Сафикьрьна хԝә сәр кʹахазе бьньвисә.

4. Шәʹдед Йаһоԝа методед ԛәнщкьрьнейә лапә баш дьжберьн

Әм дькарьн ль гора ԛануна Хԝәде сафикьрьна бькьн, у бе хәбьтандьна хуне ԛәнщкьрьна баш бьстиньн. Вехә ВИДЕО.

Бьхунә Тито 3:2, у паше щаба ве пьрсе бьдә:

• Әм ча дькарьн тʹәви дохдьра бь ԛәдьр у нәрм хәбәр дьн?

 5. Хәбьтандьна фьраксийед хуне

Хун жь чар пʹаред сәрәкә йә, демәк жь еритросит, лейкосит, тромбосит у плазмайе. Ԝан пʹарада гәләк пʹаред бьчʹук жи һәнә, кʹижан кӧ нав дькьн фьраксийед хуне. c Медисинайеда һьнә фьраксийа бона ԛәнщкьрьна нәхԝәшийа дьдьнә хәбате, йан жи ԝәки хунчуйине бьдьнә сәкьнандьне.

Һәр Мәсиһик гәрәке ль гора исафа хԝәйә сәр һʹиме Кʹьтеба Пироз һинкьри, дәрһәԛа хәбьтандьна фьраксийед хуне сафикьрьне бькә. Һьнәк дькарьн методед ԛәнщкьрьнейә бь фьраксийед хуне инкʹар кьн. Ле исафа һьнәка дьһелә, ԝәки әԝана фьраксийа ԛәбул кьн.

Чахе сафикьрьна дьки, сәр ве пьрсе бьфькьрә:

• Әз ча дькарьм һʹәкимрʹа шьровәкьм, ԝәки чьрʹа әз һьнә фьраксийед хуне инкʹар дькьм йан жи ԛәбул дькьм?

 ТʹӘМАМКЬРЬН

Йаһоԝа дьхԝазә ԝәки әм хуне бь щурʹе нәрʹаст нәдьнә хәбате, чьмки хун пироз ә.

Ԝәкʹьландьн

• Чьма Йаһоԝа хуне пироз һʹәсаб дькә?

• Чьма әм баԝәр ьн, ԝәки әв тʹәмийа Хԝәде кӧ хԝә дури хуне бьгьрьн, ӧса жи те һʹәсабе хуне бәри хԝә нәдьн?

• Тӧ ча дькари дәрһәԛа хәбьтандьна хуне сафикьрьна баш бьки?