ISAMBILILO 39
Vino Leza Akalola Uwazi
Uwazi wacindama sana. Ukwaula uwazi kusi aangaya nu umi. Leza u watuumvile, fwandi aliwe alinzile ukutunena vino uwazi ulinzile ukuomviwa. I vyani vino walanda pa wazi? Uzye tulinzile ukulya uwazi nanti ukuzumila ukwikilwamo? Nupya tungapingulapo uli ningo pa mulandu kwene uu?
1. Uzye Yeova akalola uli uwazi?
Yeova wanenyile ya kapepa yakwe aliko umu nsita ino ivyalumbulwa muli Baibo vyacitikanga ukuti: “Umi wa ciumbwa consi ca umi waya mu wazi.” (Aina Levi 17:14) Kuli Yeova uwazi ukaimililako umi. Umi u wila ukufuma kuli Leza, fwandi nu wazi kwene wacindama sana.
2. I miomvezye ci iya wazi ino Leza walesya?
Yeova wanenyile antu aliko lino Yesu atatala wiza pano nsi ukuti yatalinzile ukulya uwazi. (Belengini Utandiko 9:4 na Aina Levi 17:10.) Wanenyile iumba ilyatungululanga ukunena aina Klistu pi sunde lyakuti yalinzile ukutaluka “ku wazi.”—Belengini Milimo 15:28, 29.
Uzye cikapiliula cani ukutaluka uku wazi? Ndi cakuti ya dokota yamunenyile ukuta ukumwa wengwa, mutanga mwamwa. Nomba uzye mungalya ivyakulya vino iikamo uwengwa nanti ukuzumila ukumwikila uwengwa umu mwili ukuomvya inyeleti? Mutanga mucite vivyo! Umu nzila ili imwi kwene, isunde lyakwe Leza ilyakuti tulinzile ukutaluka uku wazi, likapiliula ukuti tutalinzile ukumwa uwazi nanti ukulya inyama ino yatazwisizyemo uwazi. Nupya tutalinzile ukulya ivyakulya ivili vyonsi vino iikamo uwazi.
Nga pa nzila zya milwazizye izya kuomvya uwazi, zyene tungalandapo uli? Inzila zimwi izya milwazizye zisiuvwana na masunde yakwe Leza. Inzila zizyo u kwikilwamo uwazi nanti vyuze ivikafuma umu wazi; ivili wakwe insandensande iziyenzu, nsandensande izitiswe, nsandensande izitimbe na manzi aya umu wazi. Inzila zimwi izya milwazizye zikaloleka kwati zikauvwana na masunde yakwe Leza, fwandi zisiuvwana. Wakwe, umu milwazizye imwi yakaomvya utuntu tunono utukafuma umu wazi. Imilwazizye yuze nayo yakaomvya uwazi wa muntu kwene wiyo. Lino tukwelenganya pa milwazizye kwene yii, cila muntu alinzile ukuipingwila. a—Galatiya 6:5.
LONDELEZYINI NA VYUZE
Londelezyini pakuti mumanye inzila ino mungatemwa yamilwazizyemo.
3. Mwapingulapo imilwazizye iikazanzya Yeova
Mungapingulapo uli imilwazizye ikauvwana na vino Leza akalola uwazi? Tambini VIDYO, alino mulanzyanye umulandu uno cacindamila ukucita ivyalondelelapo.
-
Mwapepa pakuti muye na mano.—Yakobo 1:5.
-
Mwalondelezya ivisinte vya muli Baibo na vino mungaviomvya.—Mapinda 13:16.
-
Londelezyini inzila zyuze izingaomviwa ukulingana na kuno mukaikala.
-
Manyini imilwazizye imwi ino mutalinzile ukuzumila.
-
Mwasininkizya ukuti vino mwapingulapo vimalenga mutwalilile ukuya na kampingu musanguluke.—Milimo 24:16. b
-
Mutalinzile ukuleka ya winu, ya eluda, nanti yano yakamusambilizya Baibo kumupingwila pa vintu vino mulinzile ukuipingwila mweineco.—Loma 14:12.
-
Mwalemba vino mwapingulapo.
4. Ya Nte Yakwe Yeova yakalonda imilwazizye isuma
Tungalondela isunde lyakwe Leza ilikalanda pa wazi nu kusoololapo imilwazizye isuma.Tambini VIDYO.
Belengini Tito 3:2, alino mulanzyanye iuzyo lii:
-
U mulandu ci uno tulinzile ukuyela nu mucinzi nupya afuuke lino tukulanda na ya dokota?
|
Ivitazumiliziwa |
Vino Aina Klistu yalinzile ukupingulapo |
|---|---|
|
A. Manzi aya umu wazi |
Utuntu tunono utukafuma umu manzi |
|
B. Insandensande izitiswe |
Utuntu tunono utukafuma umu nsandensande izitiswe |
|
C. Insandensande izitimbe |
Utuntu tunono utukafuma umu nsandensande izitimbe |
|
D. Insandensande iziyenzu |
Utuntu tunono utukafuma umu nsandensande iziyenzu |
5. Ndi cakuti kuli tumwi tuno yafumya umu wazi
Kwaya ivintu 4 ivikapanga uwazi; kuli kuti insandensande iziyenzu, insandensande izitiswe, insandensande izitimbe na manzi aya umu wazi. Mu vintu vii 4, mwaya nu tuntu tunono utwafuma umu wazi. c Utuntu tumwi yakapangilako umulembo wa kupozya indwala zimwi nu kulesya wazi ukufuma.
Ndi cakuti mukulonda ukusoololapo conga pa vintu 4, mulinzile ukuipingwila mweineco kulingana na vino kampingu winu wasambiliziwa. Yamwi yangakana imilwazizye iyakuomvyako tumwi utunono utwafuma umu wazi. Yauze nayo yangayuvwa ukuti kampingu wao akuyazumilizya ukuomvyako tumwi tunono utukafuma umu wazi.
Lino mukupingulapo ivya kucita, mungaiusyako iuzyo lii:
-
Ningalondolwela uli ya dokota umulandu uno nakanila nanti ukuzumila ukuomvyako tumwi utukafuma uku wazi?
UMWI ANGAMUZYA UKUTI: “Uzye i cani icaipa ukwikilwamo uwazi?”
-
Uzye mukwelenganyapo uli?
VINO TWASAMBILILA
Yeova akalonda twalola uwazi ukuti u wa muzilo.
I vyani vino mwasambilila?
-
U mulandu ci uno Yeova akalolela uwazi ukuti u wa muzilo?
-
Uzye twamanya uli ukuti isunde lyakwe Leza ilikalanda pa kutaluka uku wazi likalozya nu ku kwikilwamo uwazi?
-
Mungapingulapo uli ningo pa milwazizye umuli ukuomvya uwazi?
LONDELEZYINI
I vyani vino mulinzile ukwelenganyapo lino mutatala mwapingulapo ukuti yamilwazye ukuomvya uwazi winu?
“Mauzyo Yano Aakabelenga Yakauzya” (Lupungu Lwa Mulinzi, Okotoba 15, 2000)
I vyani vino mulinzile ukwelenganyapo lino mutatala mwapingulapo nga mungazumila ukumilwazya ukuomvya utuntu tunono utwaya umu wazi nanti foo?
“Mauzyo Yano Aakabelenga Yakauzya” (Lupungu Lwa Mulinzi, Juni 15, 2004)
I vyani ivyalenzile dokota umwi ukuzumila ukuti vino Baibo ikalanda pa wazi vyaya sile ningo?
“Nazumiile Vino Leza Walanda Ukuti Tulinzile Ukutaluka Uku Wazi” (Zyukini!, Dizemba 8, 2003)
Sambililini vino ya eluda aya muli Komiti ya Cipatala (HLC) yakaazwa aina na ya nkazi.
a Lolini Isambililo 35, “Vino Tungapingula Ningo pa Vintu.”
b Lolini cisinka 5 icikuti “Ndi Cakuti Kuli Tumwi Tuno Yafumya Umu Wazi”.
c Ya dokota yamwi yakalola ivintu 4 ivyapanga uwazi ukuti u tuntu sile utunono. Fwandi mulinzile ukuyalondolwela ningo pakuti yamanye ukuti musikulonda ukwikilwamo uwazi nanti conga pa vintu 4 ivikapanga uwazi.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
