Вӱр илышлан чот кӱлешан. Тудын деч посна иктат илен огеш керт. Вӱрым кузе кучылташ мыланна ойлаш Юмын гына праваже уло, вет тудо мемнам ыштен. Библийыште вӱр нерген мом возымо? Тудым кочкаш, йӱаш але капыш колташ лиеш мо? Вӱр кучылтмо шотышто Иеговалан келшыше решенийым кузе лукташ?

1. Вӱр шотышто Иегова мом шона?

Ожно Иегова шке служитлышыже-влаклан каласен: «Кеч-могай капын илышыже — тиде тудын вӱржӧ» (Левит 17:14). Иегован шонымаште, вӱр — тиде илышын символжо. А кузе ме палена, илыш — Юмо деч святой пӧлек. Тугеже, вӱрат святой.

2. Юмо вӱр дене мом ышташ чара?

Иегова акрет годсо служитлышыже-влаклан вӱрым кочкаш чарен. (Тӱҥалтыш 9:4 да Левит 17:10 лудын лекса.) Тиде законым христиан-влакат шуктышаш улыт. Кушеч ме тидым палена? Икымше курымысо Вуйлатыше совет чыла христианлан вӱр деч шекланаш кӱштымашым пуэн. (Апост. пашашт 15:28, 29, УТ лудын лекса.)

Тиде кӱштымашым кузе умылаш? Ончалына примерым. Мутлан, врач тыланда алкоголь деч шекланаш ойла гын, те алкогольым ода йӱ. Но тыгай кочкышым, кушко алкогольым ешарыме, кочкаш тӱҥалыда мо але вӱргорнышкыда алкогольым колтеда мо? Уке докан. Тидын семынак вӱр нерген Юмын законжо почеш мыланна вӱрым йӱаш але кочкаш огеш лий. Тыгак вольык-янлыкын шылжым, кушеч вӱр йоген лектын огыл, кочкаш ок йӧрӧ. Эше ме тыгай кочкышым кочшаш огынал, кушко вӱрым ешарыме.

А медициныште вӱрым кучылтмаш нерген мом каласаш лиеш? Южо медицинысе процедур-влак Юмын законжылан тореш улыт. Мутлан, южо процедурышто вӱрым але тудын тӱҥ компонентше-влакым капыш колтат. Вӱрын ныл тӱҥ компонентше — тиде эритроцит-влак, лейкоцит-влак, тромбоцит-влак да плазме. Вес медицинысе процедур шотышто кузе лияш Юмын законышто раш каласыме огыл. Мутлан, южо процедурышто вӱрын ик компонентшын фракцийже-влакым кучылтыт. А вес процедурышто пациентын шке вӱржымак кучылтыт. Тыгай процедур-влак шотышто кажне айдеме чылажымат висен ончышаш да шке решенийым лукшаш (Галат-влаклан 6:5) a.

 КЕЛГЫНРАК ШЫМЛЕН НАЛЗА

3. Иеговалан йӧрышӧ эмлымаш метод-влакым ойырен налза

Вӱрым кучылтмо шотышто Юмылан йӧрышӧ эмлымаш методым кузе ойырен налаш? ВИДЕОРОЛИКЫМ ончалза да умылтарыза, молан тиде ошкыл-влак кӱлешан улыт.

• Уш-акыл нерген кумалза (Иаковын 1:5).

• Келшен толшо библийысе принцип-влакым ончалза да, кузе нуным кучылташ, шоналтыза (Притчи 13:16).

• Кундемыштыда могай эмлымаш метод-влак улыт, пален налза.

• Палемдыза, могай эмлымаш метод-влак тендан совестьлан тореш улыт.

• Шоналтыза, решенийым лукмо деч вара совестьда тендам индыраш тӱҥалеш але уке (Апост. пашашт 24:16, УТ) b.

• Шарныза: совесть дене кылдалтше йодыш шотышто тыланда кузе лияш иктат ойлышаш огыл — эсогыл пелашда, кугурак иза але тендан дене Библийым шымлыше (Римлян-влаклан 14:12).

• Лукмо решенийдам возен шындыза.

4. Иегован Таныкше-влак эн сай эмлымашым ойырен налыт

Вӱр нерген Юмын законжым шукташ, тунамак вӱр деч посна сай эмлымашымат налаш лиеш. ВИДЕОРОЛИКЫМ ончалза.

Титлан 3:2 лудын лекса да вашмутым пуыза:

• Молан врач-влак дене тыматлын да пагален мутланыман?

 5. Вӱрын фракцийже-влак дене кылдалтше решений

Вӱр ныл тӱҥ компонент гыч шога: плазме, эритроцит-влак, лейкоцит-влак да тромбоцит-влак гыч. Тиде ныл компонент гыч эше тыгыдыракым ойыраш лиеш — вӱрын фракцийже-влакым c. Южо нине фракций-влак тыгай препарат-влакын составышкышт пурат, кудышт тӱрлӧ чер дене кучедалаш да вӱр йогымым чараш полшат.

Вӱрын фракцийже-влакым кучылтмо шотышто кажне христианлан шке решенийым лукташ кӱлеш. Тиде решений Библий почеш туныктымо совесть дене келшышын лийшаш. Ик христиан-влак медицинысе эмлымаште але процедурышто вӱрын фракцийже-влакым кучылтмо дене келшат, а весышт — огыт келше.

Решенийым лукмо деч ончыч шке деч йодса:

• Кузе мый врачлан умылтарем, молан вӱрын южо фракцийже-влакым кучылтмо дене келшем але ом келше?

 ТӰҤ ШОНЫМАШ

Иегова вӱрым святойлан шотла. Мемнанат тыгаяк шонымашна лийже манын, тудын кумылжо уло.

Ушештарымаш

• Молан Иегова вӱрым святойлан шотла?

• Вӱр деч шекланаш Юмын законжо вӱрым капыш колтымо деч чара манын, молан каласаш лиеш?

• Вӱрым кучылтмо дене кылдалтше эмлымаш метод шотышто решенийым лукташ мо полша?