CIJIJO 39
Mavonero a Mwari ngo Pamusoro po Ngazi
Ngazi inosisira maningi. Kudari notainga ticina ngazi, apana naumwe wedu waizopona. Ngo kuva kwake Musiki, Mwari ndiyena anodikano yokutivhunja manera atingashandisa ngazi. Iyena anonangenyi ngo pamusoro po ngazi? Kureva kuti tinodikana kuha ngazi kana kudihwa ngazi? Tingatemesa kudini zvivaringo zvaushoni ngo pamusoro po shwiro iyi?
1. Ngoapi mavonero a Jehovha ngo pamusoro po ngazi?
Jehovha wakavhunja vashandiri vake vokare kuti: “Kurarama ko nyama yese i ngazi.” (VaLevi 17:14) Kuna Jehovha, ngazi inoimirira upenyu. Kudari upenyu wecisisira, ngazivo inosisiravo.
2. Mwari anorambisa mashandisihwe api o ngazi?
Icito yaumbhwa ungano yo Cikristu, Jehovha wakavhunja vashandiri vake kuti vacaha ngazi. Pasure po kuumbhwa ungano yo Cikristu, Jehovha wakaphindazve mutemo wonawo ku Makristu. (Verenganyi Genesi 9:4 na VaLevi 17:10.) Mukhumbi Unotonga wakapekeja ndhungamiriro inoti: ‘Endereranyi mberi meciregera ngazi.’—Verenganyi Mabasa o Vapostori 15:28, 29.
Zvinoda kunangenyi kuregera ngazi kana kuramba ngazi? Kudari medhiko akamuvhunja kuti musiye kumwa doro, imwimwi maizosiya kumwa, andizvopi? Asi zvaizova no musoro kuha zviro zvino doro kana kudihwa doro mu mujira? Kunasa kunanga, azvicaizova no musoro ngokuti muviyo waizova umwewo. Munjira yakaezana, mutemo wa Mwari wokuti endereranyi mberi mecirega ngazi, unoreva kuti atidikani kumwa nee kuha nyama icizivi kuvhiswa ngazi. Cimwenizve atidikani kuha zviri zvese zvakabatanijwa no ngazi.
Ngenyi mamedhiko anoshandisa ngazi? Mashandisihwe amweni o ngazi anohwisana no mutemo wa Mwari. Mashandisihwe aya o ngazi anobatanija, kudihwa ngazi kamare kana mativi ayo amweni. Mativi aya anobatanija maserura okupsuka, maserura okucena, maparaketa no maprasma. Njira jimweni jo marapihwe ajizivi kunasa kujeka kuti tinophwanya mutemo wa Mwari kana kuti haiwa. Inga muezaniso, nguva jimweni pangashandiswa mativi madoko o ngazi anovhiswa pa zviro zvinoumba ngazi. Njira imweni ngo yokushandisa ngazi yo mundhu ari kuhwajaro. Patinosana zvokuita, umwe nga umwe wedu anodikana kutema civaringo pacake. a—Vagaratiya 6:5.
NASANYI KUPSAKISISA
Vonanyi kuti mungaitisa kudini cisungo co marapihwe amungatendera kudari pakada kushandiswa ngazi.
3. Khetanyi marapihwe anodakajisa Jehovha
Mungakhetesa kudini marapihwe anozwirana no kuda ka Mwari ngo pamusoro po ngazi? Rijanyi VHIDHIYO, perapo bhuisananyi ngo kusisira ko kushandisa mafundo anotevera.
-
Itanyi mukumbiro mecikumbira uzivi. —Jakobo 1:5.
-
Psakisisanyi ndhungamiriro jo Bhaibheri no kuvona manera amungajishandisa. —Mazwi Akangwara 13:16.
-
Psakisisanyi kuti ngoapi marapihwe anonyanya kushandiswa kwamunogararo.
-
Garanyi meciziva kuti ngoapi marapihwe amucikatenderi.
-
Ivanyi no cokwadi cokuti civaringo cenyu cinosiya hana yenyu yakacena.—Mabasa o Vapostori 24:16. b
-
Ceujanyi kuti apana anodikana kumuvhunja cisungo camunodikana kuita ngo pamusoro po hana. Nee mwamuna, nee mukaji, nee mukuru, kana mujijisi wenyu wo Bhaibheri.—Varoma 14:12.
-
Zvisungo zvenyuzvo itanyi ngo kuzvitara.
4. Zvapupu zva Jehovha zvinoda marapihwe akanaka
Zvinokwanisika kuzwira mutemo wa Mwari ngo pamusoro po ngazi, pamukuvo wondhowo towana marapihwe akanakisisa acikashandiswi ngazi. Rijanyi VHIDHIYO.
Verenganyi Tito 3:2, perapo bhuisananyi ngo muvhunjo unotevera:
-
Ngenyi tinodikana kuva no nderemejo no kuva vakapfava patinobhuya no mamedhiko?
|
Zvicikatendehwi ngo Makristu |
Zvinokhethwa ngo Mukristu umwe nga umwe |
|---|---|
|
A. Maprasma |
Zvimativi zvidoko zvinovhiswa pa maprasma |
|
B. Maserura okucena |
Zvimativi zvidoko zvinovhiswa pa maserura okucena |
|
C. Maparaketa |
Zvimativi zvidoko zvinovhiswa pa maparaketa |
|
D. Maserura okupsuka |
Zvimativi zvidoko zvinovhiswa pa maserura okupsuka |
5. Pa zvimativi zvo ngazi, temanyi civaringo cenyu
Ngazi inomativi marongomuna: Maserura okupsuka, maserura okucena, maparaketa no maprasma. Mativi aya marongomuna, angapauhwa-pauhwa kuva mativi madoko, anodanijwa kuti zvimativi zvidoko zvo ngazi. c Mativi amweni o zvimativi izvi zvidoko zvo ngazi, angashandiswa inga mutombo wo kurapa ndhendha kana kuimisa ngazi iri kubuda.
Ngo pamusoro po zvimativi zvidoko zvo ngazi, Mukristu umwe nga umwe anodikana kutema ega civaringo mukuzwirana no hana yake yakarovejwa ngo Bhaibheri. Kangaije vamweni vangada kuramba marapihwe amweni angada kushandiswa zvimativi zvidoko zvo ngazi. Asi vamweni vangakheta kutendera.
Pamunonga meciita cisungo rangariranyi izvi:
-
Ndaizosanangurisa kudini kuna medhiko thangwe rokuti inini ndinotendera kana kuramba zvimativi zvidoko zvo ngazi?
VANDHU VAMWENI VANGAMUVHUNJISA KUDARI: “Zvakashatira papi kudihwa ngazi?”
-
Imwimwi maizodavirisa kudini?
ZVOTAJIJA
Jehovha aadi kuti tishandise ngazi ngo njira icizivi kunaka.
Kuhwirijira
-
Ngenyi ngazi inosisira kuna Jehovha?
-
Tinozvizivisa kudini kuti mutemo wa Mwari wokurega ngazi unobatanijavo kudihwa ngazi?
-
Tingatemesa kudini civaringo caushoni ngo pamusoro po kushandiswa ko ngazi pakurapwa?
ZIVANYI ZVIMWENI
Ngozvapi zvamunodikana kusotesesa mucito matendera marapihwe okushandisa ngazi yenyu kamare?
“Mibvunzo Inobva Kuvaverengi” (Murindiri, 15 wa Outubro wo 2000, Cishona)
Ngozvapi zvamunodikana kutanga marangarira mucito matendera kana kuramba zvimativi zvidoko zvo ngazi?
“Mibvunzo Inobva Kuvaverengi” (Murindiri, 15 wa Junho wo 2004, Cishona)
Ngozvapi zvakaita kuti medhiko umweni atende mavonero a Jehovha ngo pamusoro po ngazi?
“Aceitei o conceito de Deus sobre o sangue” (Mukai!, 8 wa Dezembro wo 2003, Ciputukezi)
Vonanyi kuti vakuru vanoshanda no Komisau Inoshanda no Cipitari vanobeseresa kudini hama no hambzaji.
b Vonanyi fundo 5 panonanga kuti, “Mashandisihwe o Zvimativi Zvidoko zvo Ngazi,” Masoko Okupejisira 3, “Marapihwe Anobatanija Kushandiswa ko Ngazi.” No Ushumiri hwoUmambo wa Novembro wo 2006, ndima 3-6.”
c Mamedhiko amweni anovona mativi marongomuna o ngazi inga zvimativi zvidoko. Ngo kudaro, munodikana kuva no cokwadi cokuti, medhiko wenyu anonasa kuzwisisa kuti imwimwi amutenderi ngaziyo kamare, nee kudihwa mativi ayo marongomuna akadari inga maserura okupsuka, maserura okucena, maparaketa no maprasma.
