Dat blaud is sër nöörg. Ån dat blaud koine wij ni leewe. Dat God ales måkt hät, hai hät recht taum sägen wosoo as dat blaud benutst ware kan. Wat sägt hai oiwer dat blaud? Kan man blaud benutse mank dem eeten urer ine dokterig? Wosoo kast duu gaur uutsuiken dåroiwer måke?

1. Wat däit Jehovaa maine oiwer dat blaud?

Jehovaa hät tau sijm folk ine früüsche tijd sägt: “Dat leewend fon ales wat flaisch is, is sij blaud.” (Levítico 17:14) Tau Jehovaa, dat blaud bedüürt dat leewend. Wen dat leewend hailig is, dat blaud is uk hailig.

2. Tau God, wosoo dört dat blaud ni benutst ware?

In Noé sijn tijd, Jehovaa hät sägt sai dürste kair blaud eete. Hai hät dat werer tau dem Israel folk sägt. (Lees Gênesis 9:4 un Levítico 17:10) Un nåheer, in der airste kristen sijn tijd, hät hai werer dës ordnung geewt. Dai grup kërls wat Jehovaa sij folk lenke däir hät eer soo belërt: “Dat jij bijblijwe juuch trööghule . . . fom blaud”. (Lees Atos 15:28 un 29)

Wat bedüürt sich trööghule fom blaud? Dat bedüürt wij döre kair blaud drinke, kair flaisch eete wat ni onglig uutblört is un wij döre uk kair blaud mank dem eeten eete. Dau as andenke: Wen air dokter tau dij säge däir duu dürst kaine snaps mër drinke. Duu däirst em horge, is ni wår? Åwer, wen’s duu wat eete däirst woo snaps mank wäir, urer däirst dij der snaps insprütse, wäir dat ni dat neemlig? Gans sicher doch!

Un wen blaud benutst wart in dokterig? Wek sort dokterig is gans un går forkërd tau God. Soo as dat blaud gans un går inloope låte urer irgends air stük benutse fon dai 4 hauptsach stüke, dai sin: glóbulos vermelhos, glóbulos brancos, plaquetas un plasma. Åwer wekmåls is ni licht taum forståen of God maine däit dat wek dokterig sin forkërd urer ni. In wek dokterig wart benutst gans klain stüke fon ain hauptsach stük un in andrer wart dem mësche sij aigen blaud benutst. Jërer ainsig fon oos mut sij aigen uutsuiken måke wat hijr mit tau dauen hät. a (Kijk dai nåt, Gálatas 6:5)

 DAU MËR LËRE

3. Suik ain dokterig uut wat Jehovaa gefült

Wosoo kast duu dokterig uutsuike wat t’hoopstime mit dat wat God oiwer dat blaud maint? Kijkt der VIDEO. Nåheer fortelt oiwer woweegen is gaud måke wat hijr uuner stäit:

• Beer taum klaukhët forlange. (Tiago 1:5)

• Dau belërungs fone Bijbel upsuike un dau saie wosoo dårnå leewe. (Provérbios 13:16)

• Dau ruuterfijne wat fon sort dokterig dår sin woo’s duu wånst.

• Dau genau waite wat fon sort ais duu nij ais anneeme däist.

• Dau saie of dij uutsuiken dijne forstand rëgen löt. (Atos 24:16, b kijkt dai nåt)

• Dau andenke dat kair kan wat tau dij uutsuike wat tau dauen hät mit dijn forstand, ni dij kërl urer dijn fruug, kair ülst uk ni dai wat dij dai Bijbel inlërt. (Romanos 14:12)

• Dau upsrijwe wat’s duu uutsöcht häst.

4. Jehovaas Tüügen wile dai best dokterig häwe

Duu kast God sijn geboote oiwer dat blaud horge un nog soo ain sër gaur dokterig krijge woo kair blaud benutst wart. Kijkt der VIDEO.

Leest Tito 3:2. Nåheer fortelt oiwer dai fråg hijr uuner:

• Woweegen muite wij ruig blijwe un mit schik mit dai dokters fortele?

 5. Måk dij aigen uutsuiken oiwer klain stüke fon blaud

Dat blaud hät fair hauptsach stüke: glóbulos vermelhos, glóbulos brancos, plaquetas un plasma. Fon dës fair hauptsach stüke koine gans klain daile ruutermåkt ware wat klain stüke fon blaud haite. c (Kijkt dai nåt) Wek klain stüke fon blaud ware benutst mank melicin taum krankhëte kurijre urer taum dat bluiren anhule.

Nå sijm forstand wat inlërt is nåne Bijbel jërer krist mut for sich selwst uutsuike of dai klain stüke fon blaud annimt urer ni. Kan sin wek daue kain dokterig anneeme wat klain stüke fon blaud benutse, åwer andrer jå.

Dau hijr andenke wen’s duu air uutsuiken måke must:

• Wosoo däir ik tau aim dokter uutdüüre woweegen dau ik wek klain stüke fon blaud anneeme urer ni?

 WAT HÄWE WIJ HIJR LËRT?

Jehovaa wil wij schåle dat blaud ni up ain forkërd årt benutse.

Denk dij ais nå

• Woweegen is dat blaud hailig tau Jehovaa?

• Wosoo waite wij dat dai ordnung fon Jehovaa taum sich trööghule fon dem blaud hät besägen mit sich blaud inloope låte?

• Wosoo koine wij gaur uutsuiken måke oiwer blaud ine dokterig benutse?