39 EL SUOBEL
Osengel a Dios el Kirel a Rasech
A rasech a kmal klou a ultutelel. A lak a rasech e ngdiak el sebeched el melemolem el ngar. A Dios el Ulemeob a uchul me ngngar ngii a llemeltel lolterekokl er a rolel a dousbech a rasech. Ngera ngmelekoi el kirel a rasech? Ngsebeched el menga er ngii me a lechub e kede ousbech oidel a rasech? E mekera sebechem el mo ungil melilt el kirel tia el tekoi?
1. Ngera osengel a Jehovah el kirel a rasech?
Jehovah dilu er a remengull er ngii er a taem er a Biblia el kmo: “Rasech a klengar er a bek el outeliil.” (Levitikus 17:14) Ngar osengel a Jehovah e a rasech omtechei er a klengar. Me a klengar el chedaol el sengk er a Dios a uchul me a rasech me ngdirrek el chedaol.
2. Ngera el rolel a usbechel a rasech a diak lekengei er ngii a Dios?
A Jehovah dilu er a remilengull er ngii er uchei er a taem er a Rekristiano el kmo ngdiak el kirir el menga rasech. (Monguiu er a Genesis 9:4 me a Levitikus 17:10.) Ngliluut el melisiich a tekingel er sel taem el chelechad luluungerachel a dilu er a Rekristiano el kmo “momekiai a . . . rasech.”—Monguiu er a Rellir 15:28, 29, BT.
Ngera belkul a bo domekiai a rasech? A lsekum a toktang a dmu er kau el kmo, momekiai a rrom, e ngdiak molim er ngii. Engdi ke mo menga kall el ngar ngii a arukor er ngii me a lechub e ke melai er ngii lousbech a IV? Ngdiak. Me a llechul a Dios el mo omekiai a rasech a belkul a kmo ngdiak el kired el melim a rasech me a lechub e donga tech el dirkak el motobed a rsechel. Me a lechub e donga kall el ngar ngii a rasech er ngii.
E kuk mekera usbechel a rasech er a rolel a ukeruul? A bebil rolel a ukeruul a melemall er a llechul a Dios. Aikang a oidel a rasech me a lechub e ngoidel a klekedellel a rasech el ua red cells, white cells, platelets, me a plasma. E ngar ngii a kuk bebil rolel a ukeruul el diak el bleketakl el kmo ngmelemall er a llechul a Dios me a lechub e ngdiak. El ua tiang, a bebil rolel a ukeruul ousbech a dertelngimech el klekedellel a rasech. Ngar er a kuk bebil e a chad a di ngii lousbech a rsechel. A derta er kid a kirel kerekikl el melatk aikang e di ngii el meruul omelilt. a—Galatia 6:5.
BOM DMOLECH EL MERRITER
Momes a rolel e ngsebechem el mo ungil melilt a rolel a ukeruul el ngar ngii a omesodel a rasech.
3. Molilt a rolel a ukeruul el odeuir a rengul a Jehovah
Ngmekera sebechem el mo ungil melilt a rolel a ukeruul el loltirakl er a osengel a Dios el kirel a rasech? Momes er a VIDEO e a uriul e mosaod er a klungel a ultutelel a doltirakl aika el ulekrael.
-
Moluluuch lolengit er a llomeserreng.—Jakobus 1:5.
-
Em research a omellach er a Biblia e molatk er a rolel e ngsebechem loltaut.—Osisechakl 13:16.
-
Bo modengei el kmo ngngera el options a ngar ngii er a beluu el mkiei er ngii.
-
Bo modengei el kmo ngngera el rolel a ukeruul a kmal diak mkengei.
-
Make sure el kmo omelilt er kau a mo rullau el mo klikiid a ukltkem.—Rellir 24:16. b
-
Bo modengei el kmo ngdiak a ngii di el chad, el ka lebechim, ta er a remechuodel, me a lechub e ngchad el mosuub a Biblia lobengkel el kirel mesaod er a omelilt el ngii a di ior er a ukltkel a chad.—Rom 14:12.
-
Mlechesii omelilt er kau.
4. Resioning er a Jehovah osiik er sel kot lungil bedengel a ukeruul
Ngsebeched loltirakl er a llechul a Dios el kirel a rasech e dirk nguu sel kot lungil bedengel a ukeruul el diak lousbech a rasech. Momes er a VIDEO.
Monguiu er a Titus 3:2 e a uriul e mosaod er tia el ker:
-
Ngera uchul me ngkired lolecholt omengull me a delemedemek sel dongedecheduch er a retoktang?
|
Kmal diak dekengei |
Omelilt er a Kristiano |
|---|---|
|
A. Rasech el plasma |
Dertelngimech el klekedellel a plasma |
|
B. White cells |
Dertelngimech el klekedellel a white cells |
|
C. Platelets |
Dertelngimech el klekedellel a platelets |
|
D. Red cells |
Dertelngimech el klekedellel a red cells |
5. Usbechel a dertelngimech el klekedellel a rasech
A rasech a eua telengtengil. Aikang obii el mo red cells, white cells, platelets, me a plasma. Aika ngar ngii a dertelngimech el klekedellel. c A bebil er ngii a lousbech el meruul a kar el ngii a olengeseu el oldechelakl a rakt me a lechub e ngmelecherecher a rasech.
A derta el Kristiano a kirel di ngii el meruul er a omelilt er ngii el kirel a dertelngimech el klekedellel a rasech loltirakl er a ukltkel el mla mosisechakl er a Biblia. A rebebil a locha mo melilt el diak lolai a ngii di el rolel a ukeruul el ngar ngii a usbechel a dertelngimech el klekedellel a rasech. A rekuk bebil a kongei el ousbech.
Sel moruul er a omelilt er kau e molatk er tia el ker:
-
Ngmekera ksodii el mora toktang er a uchul me a kkongei me a lechub e ngdiak kkengei a dertelngimech el klekedellel a rasech?
A REBEBIL A LOCHA MO OKER: “Ngera kngtil a dousbech a rasech?”
-
Ngera uldesuem?
SUMMARY
Jehovah soal a dochotii omengull el kirel a rasech.
Review
-
Ngera uchul me a Jehovah omes er a rasech el chedaol?
-
Kede mekera medengei el kmo a llechul a Jehovah el mo omekiai a rasech a uldimukl er ngii a oidel a rasech?
-
Ngmekera sebechem el mo ungil melilt a rolel a ukeruul el ngar ngii omesodel a rasech?
A LSEBECHEM E MOMES
Ngera ungil molatk er a uchei er omolilt a rolel a ukeruul lousbech a rsechem?
Ngera ungil omolatk er a uchei er a molilt el mo kongei me a lechub e ke kotouar a dertelngimech el klekedellel a rasech?
Ngera rirellii a ta el toktang el mo kongei er a osengel a Jehovah el kirel a rasech?
Bo modengelii a rolel e a remechuodel el mesiou el ngar cheungel aike el Hospital Liaison Committee a olengeseu er a rudam me a rudos er tir.
a Momes er a 35 el Suobel, “Ngera Mo Ngosukid el Mo Ungil Melilt.”
b Momes er a 5, “Usbechel a Dertelngimech el Klekedellel a Rasech,” me a 3 el Endnote, “Rolel a Ukeruul el Ngar Ngii Omesodel a Rasech.”
c Rebebil toktang omes aika el telengtengil a rasech el kmo ngdertelngimech el klekedellel a rasech. Me nglocha kirem el loterekeklii el kmo a toktang er kau a medengei el kmo ngdiak mkengei a oidel a rasech me a lechub e ng red cells, white cells, platelets, me a plasma.
