39 УРОКИ
Со мислинел о Дел е ратеске
О рат си бут важно. Би лескоро никхой амендар нанаяс те овел живдо. О Дел кергяс амен тай само ов ащи те пхенел аменге со ащи те керас е ратеса. Со пхенгяс ов за е ратеске? Ащи ли те хас или те преливинас аменге рат? Тай сар ащи те лас лачше решения калке букиенге?
1. Со мислинел о Йехова е ратеске?
Андо пуране диеса о Йехова пхенгяс пе народоске: „О животос е манушенгоро тай е животноненгоро си ленгоро рат.“ (Левит 17:14) Е Йеховаске андо якха о рат си о животос. Щом о животос си свято подаръки таро Дел, о рат-да си свято.
2. Со на позволинел о Йехова те керел пес е ратеса?
О Йехова диняс заповед пе служителен, колато живиненас англал те авел о Исусес, те на хан рат. (Четине Битие 9:4 тай Левит 17:10.) Ов диняс и също заповед е първоне християниен. О ръководно тяло пхенгяс е християниенге те „пазинен пес таро рат.“ (Четине Деяния 15:28, 29.)
Со означинел те пазинес тут таро рат? Ако о лекари пхенел туке те на пиес ракия, ту нанай те пиес. Ама ка чшорес ли ракия те хамнасте или ка марес ли туке инжекция ракияса? Нанай. Е Девлескери заповед те пазинас амен таро рат означинел, кай на требе те пияс рат или те хас мас или авер хабе, колесте иси рат.
О лекаря ащи те манген те използвинен рат, за те лекувинен декхас. Например ащи те манген те преливинен е манушеске рат или йекх таро основна букя, колендар си кердо о рат: лоле кръвна клеткес, парне кръвна клеткес, кръвна плочицес тай кръвно плазма a. Савка лечение си против е Девлескоро закони. Ама авере букиенге, колато о лекаря керен е ратеса, нанай закони анди Библия. Например ащи те използвинен кръвна фракциес, демек бут цикне букя сар протеиня, витаминя или авер букя таро лоле кръвна клеткес, таро парне кръвна клеткес, таро кръвна плочицес или тари кръвно плазма. Иси също авер лечения, коленде о лекаря използвинен е манушескоро рат, за те лекувинен лес. Секо йекх амендар требе коркоро те решинел дали ка приеминел салка букя b. (Галатяни 6:5)
РОДЕ ПО-ХОРЕСТЕ
Дикх сар ащи те решинес дали ка използвинел пес рат, кана лекувинен тут.
3. Избирине лечение, ковато о Йехова приеминел
Сар ащи те избиринес лечение, ковато си шукар е Девлеске андо якха? Дикхен о КЛИПИ тай хоратинен соске си важно те керас калка букя:
-
Молине е Йеховас те дел тут мъдрост. (Яков 1:5)
-
Роде съвекя анди Библия тай дикх сар ащи те керес со пишинел лате. (Притчи 13:16)
-
Дикх саве букя използвинен о лекаря отхе, кате бешес.
-
Дикх саве букя изобщо на мангес те използвинен пес, кана лекувинен тут.
-
Ов сигурно, кай ти съвест нанай те традел тут те овес пишмани таро решение, ковато лес. c (Деяния 24:16)
-
Ма бистер, кай никхой нащи те пхенел туке со те керес — нито то ром или ти ромни, нито о старейшиня, нито о мануш, ковато помагинел туке те изучинес и Библия. Требе те шунес ти съвест тай коркоро те решинес. (Римляни 14:12)
-
Пишине со решингян, за те жанен лес окола-да.
4. Е Йеховаскере Свидетеля манген о най-лачшо лечение
Ащи хем те керес со пхенел е Девлескоро закони е ратеске, хем те овел тут о най-лачшо лечение, колесте на използвинел пес рат. Дикхен о КЛИПИ.
Четинен Тит 3:2 тай хоратинен калке въпросиеске:
-
Соске требе те сикавас уважение кариг о лекаря тай те хоратинас спокойно ленца?
|
На приеминас |
Секой решинел за песке |
|---|---|
|
1. Кръвна плазма |
Фракции от плазмата |
|
2. Бели кръвни клетки |
Фракции от белите кръвни клетки |
|
3. Кръвни плочици |
Фракции от кръвните плочици |
|
4. Червени кръвни клетки |
Фракции от червените кръвни клетки |
5. Решине дали ка приеминес десаве таро кръвна фракциес
Андо рат иси щар основна букя — лоле кръвна клеткес, парне кръвна клеткес, кръвна плочицес тай кръвно плазма. Ленде иси десаве по-цикне букя, коленге пхенел пес фракциес d. Десаве таро фракциес използвинен пес, за те керен пес илачя или за те спиринел пес о кръвотечение.
Секо йекх християни требе те решинел коркоро дали ка приеминел десаве кръвна фракциес, като шунел пи съвест, която сикавел леске о правилно дром според и Библия. Декхой ащи те решинел, кай нанай те приеминел лечение, колесте използвинен пес фракциес, а авер ащи те приеминел савка лечение.
Кана требе те лес решение, пуч тут:
-
Сар ка обяснинав е лекариеске соске приеминав или на приеминав десаве кръвна фракциес?
ДЕКХОЙ АЩИ ТЕ ПУЧЕЛ: „Соске на мангес те преливинен туке рат тай соске ту на дес рат?“
-
Со ка пхенес леске?
СО СИКЛИЛЯМ
И Библия пхенел аменге сар мангел о Йехова те използвинел пес о рат.
О най-важна букя таро уроки
-
Соске е Йеховаске андо якха о рат си свято?
-
Катар жанас, кай е Девлескери заповед те пазинас амен таро рат, означинел те на преливинас аменге рат?
-
Со ка помагинел туке те решинес дали те използвинел пес рат, кана лекувинен тут?
АХАЛЬОВ ПО-БУТ
Саве букиенге требе те мислинес, англал те решинес дали те лекувинен тут, като използвинен торо рат?
Саве букиенге требе те мислинес, англал те решинес дали те използвинен пес кръвна фракциес, кана лекувинен тут?
Со помагингяс йекхе лекариеске те ахальовел, кай си мъдра о букя, колато пхенел о Йехова за е ратеске?
Възприех Божия възглед за кръвта („Пробудете се!“ 8 март 2004)
Ахальов сар о старейшиня, колато служинен андо Комитети за връзка с болниците, помагинен пе пхраленге тай пе пхениенге.
a Дасиканесте ленге пхенен „червени кръвни клетки“ (еритроцити), „бели кръвни клетки“ (левкоцити), „кръвни плочици“ (тромбоцити) тай „кръвна плазма“.
c Дикх и 5 точка „Решине дали ка приеминес десаве таро кръвна фракциес“ тай и 3 бележка „Лечения, коленде използвинел пес рат“.
d Десаве лекаря мислинен, кай о щар основна съставкес таро рат си фракциес. Аке соске требе те дикхес дали то лекари ахалило, кай ту решингян, кай нанай те приеминес рат или лоле кръвна клеткес, парне кръвна клеткес, кръвна плочицес или кръвно плазма.
