LECȚIA 39
Sar dichel o Del o rat
O rat si zurales importanto anda amari viața. Bi lesco, niciech manuș ci daștil te așel andi viața. Anda codoia că o Del cărdea-ame, numai vo si codo cai daștil te phenel amenghe sar daisaras te folosisaras o rat. So phendea o Del anda o rat? Daisaras te has-les sau te las transfuzii? Sar daștis te les lașe decizii cana si i duma anda o rat?
1. Sar dichel o Iehova o rat?
O Iehova phendea codolenghe cai anenas lesche închinarea andal timpuri biblico că „i viața orisave jiuvindimaschi si lesco rat”. (Levitico 17:14) Andel iacha le Iehovasche, o rat si viața. I viața si iech daro specialo hai sfânto catar o Del, anda codoia vi o rat si sfânto.
2. So phenel o Del te na cheras le rateia?
Bute bărșența angla so te avel o Isus pi phuv, o Iehova phendea pesche slujitorenghe te na han rat. (Citisaren Geneza 9:4 hai Levitico 17:10.) Vi ando iechto secolo, prin o corpo de guvernare, o Iehova phendea le creștinenghe sa codoi buchi: ‘te încăren-pe parpale catar o rat’. (Citisaren Faptele 15:28, 29.)
So însemnol te încăras-ame parpale catar o rat? Sar exemplo, dacă iech medico phenel tuche te încăres-tu parpale catar o alcoolo, ci va avela te pies-les, na-i cadea? Tha va avela te has haben cai siles alcoolo sau te cheres tuche injecții andel vene leia? Nici, ci va avela te cheres cadai buchi! Sa cadea si vi i porunca cai dea-la amenghe o Del, te încăras-ame parpale catar o rat. Cadaia însemnol te na pias rat hai te na has mas anda savo ci sas șiordo o rat hai nici haben ande savo sas șiuto rat.
Tha so cheras cana le doctori phenen că trebun te cheren amenghe iech tratamento ande savo folosil-pe o rat? O rat daștil te avel folosime ande moduri cai uștaren claro i porunca le Devleschi. Cadala si le transfuzii ratesche sau iech andal ștar părți principalo le ratesche: le globule lole, le globule parne, le trombocite hai i plasma. Niciech anda cadala ci daisaras te las-le. O rat daștil te avel folosime vi ande moduri cai ci daisaras te phenas că uștaren claro i legea le Devleschi. Sar exemplo, anda le ștar părți principalo le ratesche sile line țâne părți cai folosin-pe andel tratamentea medicalo. Ande aver situații, le doctori phenen că daștin te cheren amenghe iech tratamento ande savo te folosin amaro rat. Ande cadal situații, fiesavo creștino alosarel corcoro so va avela te acceptil. a (Galateni 6:5)
HACHIAR MAI MIȘTO
Va avela te diches sar daștis te alosares iech tratamento lașio cana si i duma anda o rat.
3. Alosar iech tratamento medicalo cai bucuril le Iehovas
Cana si i duma anda o rat, sar daștis te les lașe decizii andel iacha le Devlesche? Dichen o MATERIALO VIDEO hai pala codoia den duma sostar si importanto te cheres le buchia de mai telal:
-
Mang le Iehovastar goghiaverimos. (Iacov 1:5)
-
Rode le principii biblico hai gândisar-tu sar daștis te încăres-le. (Proverbe 13:16)
-
Rode te diches so tratamentea daștis te alosares ando than cai beșes.
-
Rode te hachiares so ci trebul te acceptis cana si i duma anda o rat.
-
Alosar iech tratamento cadea încât chi conștiința te așel uji. (Faptele 24:16) b
-
Na bâstăr că chonic – nici chio rrom, nici chi rromni, nici iech phuro hai nici codo casa studiis i Biblia – ci trebul te phenel tuche so te alosares. Trebul te alosares pala sar phenel tuche chi conștiința. (Romani 14:12)
-
Scriisar so alosardean te cheres, caște jianen vi aver.
4. Le Martori le Iehovasche roden o mai lașio tratamento medicalo
Daisaras te încăras i legea le Devleschi anda o rat hai ande sa codo timpo, te avel amen o mai lașio tratamento bi ratesco. Dichen o MATERIALO VIDEO.
Citisaren Tit 3:2 hai pala codoia den duma:
-
Sostar trebul te sicavas sea o timpo respecto hai te das duma șucar le doctorența?
|
Ci lav niciechdata |
Alosarav corcoro dacă lav |
|---|---|
|
A. Plasma |
Părți țâne andai plasma |
|
B. Globule parne |
Părți țâne anda le globule parne |
|
C. Trombocite |
Părți țâne anda le trombocite |
|
D. Globule lole |
Părți țâne anda le globule lole |
5. Amen alosaras dacă las sau nici părți țâne anda o rat
O rat silo cărdo anda ștar părți bare: le globule lole, le globule parne, le trombocite hai i plasma. Anda cadal părți bare sile line mai but părți țâne, cai bușion fracțiuni. c Chichiva anda cadal fracțiuni line anda o rat, sile folosime ande tratamentea hai poiechdata vi caște avel așado o șorimos le ratesco.
Cana o medico phenel ieche creștinosche că trebul te cherel iech operația sau te lel iech tratamento cai siles părți țâne anda o rat, sau fracțiuni, o creștino trebul te alosarel corcoro so te cherel, pala sar phenel leschi conștiința sicadi la Bibliatar. Chichiva creștini alosaren te na acceptin niciech tratamento hai niciech aver buchi cai folosil-pe părți țâne, sau fracțiuni, anda o rat. Tha averenghi conștiința mechel-le te primin fracțiuni, sau părți țâne, anda o rat.
Angla te alosares so te cheres, șiu tuche cado pușimos:
-
Sar daștiv te phenav ieche doctorosche sostar camav sau nici iech fracțiunea rateschi?
UNII DAȘTINAS TE PUȘEN-TU: „Sostar na-i mișto te les transfuzii ratesche?”.
-
Tu so pachias?
SO SICHILEAM
O Iehova camel te na folosisaras ande iech modo nasul o rat.
So dichleam
-
Sostar dichel o Iehova sfânto o rat?
-
Catar jianas că i porunca le Devleschi te încăras-ame parpale catar o rat del duma vi anda le transfuzii ratesche?
-
Sar daștis te alosares mișto iech tratamento cai siles phanglimos le rateia?
RODE MAI BUT
Sostar trebul te gândisares-tu mișto angla so te alosares dacă cames sau nici iech tratamento cai folosil-pe chio rat?
„Pușimata catar amare cititori” (O Turno de veghe, 15 octombria 2000)
So trebul te jianes cana alosares dacă les sau nici părți țâne, sau fracțiuni, anda o rat?
„Pușimata catar amare cititori” (O Turno de veghe, 15 iunia 2004)
So ajutisardea ieche doctores te dichel o rat cadea sar dichel-les o Iehova?
„Hachiardem sar dichel o Iehova o rat” (Ușten!, 8 decembria 2003)
Va avela te diches sar sile ajutime le phrala hai le pheia catar le phure cai slujin ande le comitetea cai silen phanglimos le spitalența.
b Dich o puncto 5 anda cadai lecția, „Amen alosaras dacă las sau nici părți țâne anda o rat” hai „Sichio mai but”, o puncto 3, „Sar daștil-pe te avel folosime o rat hai sar nici”.
c Chichiva medici pachian că vi le ștar părți bare anda o rat sile sar codola țâne, cai bușion fracțiuni. Anda codoia, trebul te phenes lenghe claro că tu alosardean te na les transfuzia rateschi hai niciech anda codola ștar părți bare le ratesche (le globule lole, le globule parne, le trombocite sau i plasma).
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
