ISOMO 39
Omulingo Ruhanga Aroramu Esagama
Esagama y’omugaso muno. Etaroho, busaho asobora kuba mwomeezi. Ruhanga nuwe yatuhangire, nahabweki nuwe asemeriire kutugambira omulingo esagama esemeriire kukozesebwamu. Kiki ekyarukugamba ha sagama? Nitusobora kugirya rundi kugitutekamu? Kandi n’osobora ota kukora encwamu enungi ha nsonga enu?
1. Yahwe arora ata esagama?
Yahwe akagambira abantu be omu busumi bwa Baibuli ati: “Baitu ebyobwomezi bwomubiri gwona, esagama yagwo nikyo kimu nobwomezi bwagwo.” (Ebyabalevi 17:14) Hali Yahwe, esagama ekikiirra obwomeezi. Nk’oku obwomeezi kiri kisembo ky’embaganiza kuruga hali Ruhanga, n’esagama nayo y’omuhendo hali Ruhanga.
2. Nkozesa ki ey’esagama Ruhanga eyatanga?
Yahwe akaragira abaheereza be abaabaireho Yesu atakaizire omu nsi kutalya esagama. (Soma Okubanza 9:4 na Ebyabalevi 17:10.) Akagumya ekiragiro kinu akatebe akalemi obu kaaragiire Abakristaayo ngu “mulekereyo kimu . . . nesagama.”—Soma Engeso Ezabakwenda 15:28, 29.
Nikimanyisa ki kwetantara esagama? Kakuba dakitaali akugambira kwetantara amaarwa, n’osobora kugaleka. Baitu n’osobora kulya eby’okulya ebirumu amaarwa rundi okaikiriza kugakuteekamu kurabira omu binywa? Nangwa. Nikyo kimu n’ekiragiro kya Ruhanga ekirukukwata ha kwetantara esagama, nikimanyisa ngu titusemeriire kunywa esagama rundi kulya enyama y’ekisoro ekitaihirwemu esagama. Titusemeriire n’okulya eby’okulya ebitabwirwemu esagama.
Kandi obukirukuhika ha nkozesa y’esagama omu by’obujanjabi? Obujanjabi obumu bucwa ekiragiro kya Ruhanga. Kinu nikitwarramu kutekwamu esagama yoona, rundi ebicweka byayo ebikuru kandi binu nibyo:—red cells, white cells, platelets, hamu na plasma. Haroho obujanjabi obumu nambere kitarukwolekwa kurungi obuburaaba nibucwa ekiragiro kya Ruhanga. Ekyokurorraho, obujanjabi obumu burumu kukozesa obucweka bw’ebicweka ebikuru eby’esagama. Obundi burumu kukozesa esagama y’omurwaire wenyini. Obuturukuba nitutekerezaaho obujanjabi bwa mulingo gunu, buli omu asemeriire kwekorra encwamu. a—Abagaratiya 6:5.
YEGA EBIRUKUKIRAHO
Manya omulingo osobora kukora encwamu ey’erukukwata ha bujanjabi obukirukuhika ha kukozesa esagama.
3. Kora encwamu ezirukusemeza Yahwe obukirukuhika ha bujanjabi
N’osobora ota kukora encwamu ezirukukwata ha by’obujanjabi ezirukuhikaana n’omulingo Ruhanga aroramu esagama? Mutekeho VIDIYO, hanyuma mubazeeho habwaki kikuru kukora ebintu binu.
-
Saba Yahwe akuhe amagezi.—Yakobo 1:5.
-
Seruliirizaaho emisingi ya Baibuli n’omulingo osobora kugiteeka omu nkora.—Enfumo 13:16.
-
Manya miringo ki endi ey’obujanjabi enyakuli omu kiikaro kyanyu.
-
Manya obujanjabi obwotasobora kwikiriza.
-
Kigumye ngu encwamu yaawe niija kukuleka oine omuntu ow’omunda omurungi.—Engeso Ezabakwenda 24:16. b
-
Okimanye ngu busaho n’omu—n’obwarukuba ow’oli nauwe omu buswere, omugurusi omu kitebe, rundi ow’arukukwegesa Baibuli—asemeriire kukugambira eky’okukora ha ncwamu ezirukukwetaagisa kukozesa omuntu waawe ow’omunda.—Abarumi 14:12.
-
Encwamu yawe giteeke omu buhandiiki nukwo abandi bagimanye.
4. Abakaiso ba Yahwe baserra obujanjabi oburukukirayo oburungi
Nikisoboka kworobera ekiragiro kya Ruhanga ekirukukwata ha sagama kandi okatunga obujanjabi oburungi obutarumu kukozesa esagama. Mutekeho VIDIYO.
Musome Tito 3:2, hanyuma mubazeeho ekikaguzo kinu:
-
Habwaki tusemeriire kukwataniza na badakitaali kandi tukabaza nabo omu mulingo ogw’ekitiinisa?
|
Ebitarukwikirizibwa |
Omukristaayo eby’Asemeriire kwecweramu wenka |
|---|---|
|
A. Blood plasma |
Obucweka kuruga omu plasma |
|
B. White cells |
Obucweka kuruga omu white cells |
|
C. Platelets |
Obucweka kuruga omu platelets |
|
D. Red cells |
Obucweka kuruga omu red cells |
5. Kakuba kyetagisa kukozesa obucweka bw’esagama
Esagama ine ebicweka bbina ebikuru—red cells, white cells, platelets, hamu na plasma. Ebicweka binu birumu obucweka obundi obutaito bwingi. c obucweka obumu bukozesebwa omu mibazi ey’ekonyera kurwanisa endwaire rundi kutanga kujwa.
Obukirukuhika ha bucweka bw’esagama, buli Mukristaayo asemeriire kukora encwamu n’asigikirra ha muntu we ow’omunda anyakutendekerwe emisingi ya Baibuli. Abamu nibasobora kucwamu kwanga eby’obujanjabi ebirumu kukozesa obucweka bw’esagama. Abamu nibasobora kuhurra ngu omuntu wabo ow’omunda nabaikiriza kukozesa obucweka bw’esagama.
Obworukuba n’okora encwamu, otekerezeeho ekikaguzo kinu:
-
Ninsobora nta kusoborra dakitaali ensonga habwaki ninyanga kukozesa bumu ha bucweka bw’esagama?
OMUNTU N’ASOBORA KUKAGUZA: “Kibi ki ekiri omu kwikiriza kutekwamu esagama n’okugigaba?”
-
Iwe n’otekereza ki?
OYEGERE KI?
Yahwe n’agonza twetantale kukozesa kubi esagama.
Kweijukyamu
-
Habwaki Yahwe atwara esagama kuba y’omuhendo?
-
Nitumanya tuta ngu ekiragiro kya Ruhanga ekirukukwata ha kwetantara esagama nikitwarramu kutatekwamu esagama?
-
N’osobora ota kukora encwamu enungi obukirukuhika ha bujanjabi oburumu kukozesa esagama?
SERULIIRIZA
Bintu ki eby’osemeriire kubanza kutekerezaaho otakacwiremu kwikiriza rundi kwanga obujanjabi oburumu kukozesa esagama?
“Ebikaguzo Kuruga omu Basomi Baitu” (Watchtower, eya Okitobba 15, 2000)
Kiki eky’osemeriire kubanza kutekerezaaho otakacwiremu kwikiriza rundi kwanga kukozesa obucweka bw’esagama?
“Ebikaguzo Kuruga omu Basomi Baitu” (Watchtower, Eya Juuni 15, 2004)
Kiki ekyaletiire dakitaali kwikiriza ngu omulingo Yahwe aroramu esagama gw’amagezi?
“Nkaikiriza Omulingo Ruhanga Aroramu Esagama” (Awake!, eya Desemba 8, 2003)
Manya omulingo abagurusi abali ha butebe obwa Hospital Liaison bakonyera ab’oruganda na banyaanya itwe.
b Rora akacweka 5 hansi y’omutwe “Kakuba Kyetaagisa Kukozesa Obucweka bw’Esagama”; Ebyongiirweho 3, “Eby’obujanjabi Ebirumu Kukozesa Esagama”; n’akatabu Our Kingdom Ministry aka Novemba 2006 orupapura 3-6.
c Badakitaali abamu ebicweka ebikuru eby’esagama nibyo beeta obucweka. Nahabweki osemeriire kukigumya ngu dakitaali wawe yayetegereza encwamu yawe ey’okwanga kutekwamu esagama yoona rundi ebicweka byayo ebikuru kandi ebi nibyo red cells, white cells, platelets, hamu na plasma.
