HAAPIIRAA 39
To te Atua manaˈo no nia i te toto
Mea faufaa roa te toto. Aita anaˈe, eita tatou e ora mai. Ei Atua poiete, e tiaraa to te Atua e parau e nafea te toto ia faaohipahia. Eaha ta ˈna i parau no nia i te toto? E nehenehe anei te reira e amuhia aore ra e pâmuhia? E nafea oe e nehenehe ai e rave i te mau faaotiraa maitai no nia i te reira?
1. Eaha to Iehova manaˈo no nia i te toto?
Ua parau Iehova i ta ˈna mau tavini i tahito ra: “Te ora . . . o te mau mea ora e rave rau atoa, o to ratou ïa toto.” (Levitiko 17:14) No Iehova, to roto te ora i te toto. I te mea hoi e mea moˈa te ora mai te hoê ô no ǒ mai i te Atua ra, mea moˈa atoa ïa te toto.
2. Eaha te faaohiparaa o te toto ta te Atua i opani?
Ua horoa Iehova i te mau Kerisetiano i tahito ra i te aˈoraa eiaha ratou e amu i te toto. (A taio i te Genese 9:4 e te Levitiko 17:10.) Ua haapapu oia i teie aˈoraa i to te tino aratai faaueraa i te mau Kerisetiano ia “haapae . . . i te toto.”—A taio i te Ohipa 15:28, 29.
Eaha te auraa e haapae i te toto? Ia parau te hoê taote ia oe eiaha e inu i te ava, eita oe e inu i te reira. Tera râ, e amu anei oe i te maa e ava to roto aore ra e pâmu oe i te reira i roto i to oe mau uaua? Eita roa ˈtu. Oia atoa, te aˈoraa a te Atua e haapae i te toto, o te oreraa ïa e inu i te toto aore ra e amu i te iˈo animara aita te toto i faatahehia. Eita atoa tatou e amu i te mau maa ua tuuhia te toto i roto.
Eaha te parau no nia i te faaohiparaa i te toto i te pae rapaauraa? Te ofati ra te tahi mau rapaauraa i te ture a te Atua. Te vai ra te pâmuraa toto taatoa aore ra hoê o na tuhaa rahi: Te toropuru ura, te toropuru tea, te taoˈa tahi haaputua toto e te pape toto. Te vai ra te tahi mau rapaauraa aita e ofati ra i te ture a te Atua. Ei hiˈoraa, i roto i te tahi mau rapaauraa e faaohipahia te tuhaa rii o te ravehia mai i roto hoê o na tuhaa rahi o te toto. I roto i te tahi mau rapaauraa e faaohipahia te toto iho o te hoê taata. A feruri ai i nia i teie mau tuhaa, na te taata tataitahi e rave i ta ˈna faaotiraa. a—Galatia 6:5.
A FAAHOHONU ATU Â
A hiˈo e nafea oe ia faaoti eaha te rapaauraa ta oe e nehenehe e farii.
3. A rave i te mau faaotiraa i te pae rapaauraa o te faaoaoa ia Iehova
E nafea oe e rave ai i te mau faaotiraa i te pae rapaauraa o te tuea i te manaˈo o te Atua? A pata i te VIDEO, e a aparau no nia i te faufaaraa ia pee i te mau taahiraa i muri nei.
-
A pure no te ani i te paari.—Iakobo 1:5.
-
A imi i te mau faaueraa Bibilia e e nafea te reira e faaohipahia ˈi?—Maseli 13:16.
-
A imi te tahi mau ravea e vai ra i to oe vahi.
-
A hiˈo i te mau ravea ta oe e ore e farii.
-
Ia papu ia oe e manaˈo haava maitai to oe i te faaotiraa ta oe e rave.—Ohipa 24:16. b
-
Ia taa atoa ia oe eita te hoê taata, oia atoa to oe hoa faaipoipo, te hoê matahiapo aore ra ta oe taata haapii e parau atu ia oe eaha te faaotiraa e rave.—Roma 14:12.
-
A papai i ta oe faaotiraa.
4. E imi te mau Ite no Iehova i te mau rapaauraa maitai aˈe
E nehenehe e pee i te ture a te Atua no nia i te toto e ia fanaˈo i te rapaauraa aita e titauhia te toto. A pata i te VIDEO.
A taio i te Tito 3:2, e a aparau i teie uiraa:
-
No te aha ia faatura e ia faaite noa tatou i te mǎrû ia paraparau anaˈe tatou i te taote?
|
Eita e fariihia |
Na te Kerisetiano e faaoti |
|---|---|
|
A. Pape toto |
Tuhaa rii o te pape toto |
|
B. Toropuru tea |
Tuhaa rii o te toropuru tea |
|
C. Taoˈa tahi haaputua toto |
Tuhaa rii o te taoˈa tahi haaputua toto |
|
D. Toropuru ura |
Tuhaa rii o te toropuru ura |
5. Ia faaohipahia te tuhaa rii o te toto
E maha tuhaa rahi o te toto: Te toropuru ura, te toropuru tea, te taoˈa tahi haaputua toto e te pape toto. E i roto i na tuhaa rahi, e rave rahi tuhaa nainai parauhia te tuhaa rii. c E faaohipahia te tahi mau tuhaa rii no te mau raau, no te rapaau i te mau maˈi aore ra ia ore te toto ia tahe faahou.
No nia i te mau tuhaa rii o te toto, na te Kerisetiano tataitahi e rave i ta ˈna iho faaotiraa niuhia i nia i to ˈna manaˈo haava haapiihia e te Bibilia. E nehenehe vetahi e faaoti eiaha e farii i te mau rapaauraa aore ra te mau rapaauraa e faaohipahia te tuhaa rii. No te tahi atu, aita to ratou manaˈo haava e hauti ra no te farii i te mau tuhaa rii.
Ia rave oe i ta oe mau faaotiraa, a feruri na i nia i teie uiraa:
-
Nafea vau ia faataa i te hoê taote no te aha eita vau e farii aore ra e farii au i te faaohipa i te tahi mau tuhaa rii o te toto?
E ANI PAHA VETAHI: “Eaha hoi te inoraa ia farii i te pâmuraa i te toto?”
-
Eaha to oe manaˈo?
HAAPOTORAA
Te hinaaro ra Iehova ia faariro tatou i te toto ei mea moˈa.
Haamanaˈoraa
-
No te aha mea moˈa te toto no Iehova?
-
Nafea tatou e ite ai e no te pâmuraa i te toto te aˈoraa a te Atua e haapae i te toto?
-
E nafea oe e rave ai i te mau faaotiraa maitai no nia i te faaohiparaa i te toto?
HIˈOPOA
Eaha te titauhia ia oe ia feruri hou a faaoti ai e farii anei oe i te mau rapaauraa e faaohipahia ˈi to oe iho toto?
“Mau uiraa a te feia taio” (Te Pare Tiairaa 15 no Atopa 2000)
Eaha te titauhia ia oe ia hiˈo ia faaoti oe e farii anei oe i te tahi tuhaa rii o te toto?
Na te aha i turai i te hoê taote ia tiaturi e mea tano te manaˈo o Iehova no nia i te toto?
“Ua farii au i te manaˈo o te Atua no nia i te toto” (A ara mai na! 8 no Titema 2003)
A haapii mea nafea te mau matahiapo e ohipa ra i roto i te Tomite tuatiraa e te fare maˈi i te tautururaa i to ratou mau taeae e tuahine.
a A hiˈo i te haapiiraa 35, “Nafea ia rave i te mau faaotiraa maitai?”
b A hiˈo i te numera 5 “Ia faaohipahia te tuhaa rii o te toto” e te faataaraa hau 3 “Te mau ravea tâpûraa e faaohipahia ˈi te toto.”
c No te tahi mau taote, e tuhaa rii na maha tuhaa rahi o te toto. Tera râ, ia papu ia oe e ua taa i to oe taote i ta oe faaotiraa e ore e farii i te pâmuraa i te toto taatoa, te toropuru ura, te toropuru tea, te taoˈa tahi haaputua toto e te pape toto.”
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
