39-ТӤ УРОК
Кызьы Инмар вир шоры учке
Виртэк адями улыны уг быгаты. Иегова милемыз кылдытӥз бере, со вераны быгатэ, кызьы яра вирез уже кутыны, нош кызьы уг. Аслэсьтыз вир пумысен эриксэ Иегова вераз Библиын. Мар верамын Библиын вир сярысь? Яра-а вирез сиыны яке вирсэре лэзьыны? Кызьы вир пумысен ужпум кутоно, кудӥз Иеговалы яралоз?
1. Кызьы Иегова вир шоры учке?
Вашкала дыръёсы Иегова вераз аслаз ужась-тыршисьёсызлы: «Котькуд мугорлэн лулыз — солэн вирыз» (Левит 17:14). Иегова вирез улонэн лыдъя. Улон — со Инмарлэн кузьымез. Соин ик сое туж дунъяно. Нош вир — со улон бере, соин ик сое но дунъяно.
2. Мар вера Инмар вир сярысь?
Иегова вашкала ужась-тыршисьёсызлы вир сиыны ӧз лэзьы. (Лыдӟе Улон-вылонэз 9:4 но Левитэз 17:10.) Озьы ик милемлы но вирез сиыны уг яра. Малы озьы вераны луоз? Малы ке шуоно нырысетӥ даурын Иегова кивалтӥсь кенеш пыр вань христианъёслы таӵе косон сётӥз: «Куштӥськелэ... вирез сиемысь». (Лыдӟе Апостолъёслэсь ужъёссэс 15:28, 29.)
Кызьы валано Иеговалэсь косонзэ? Учкомы одӥг примерез. Шуом, эмъясь ӧз лэзьы тӥледлы вина юыны. Нош эмъясь вина юыны ӧз лэзьы бере, тӥ сое уд но юэ, уд но сие сыӵе сиёнэз, кытын вина вань. Со сяна, тӥ сое вирсэрады но уд лэзе! Озьы ик вераны луоз Инмарлэн вирез сиемысь куштӥськыны косонэз сярысь но. Инмар вирез сиыны уг лэзьы бере, ми сое ум но юэ, ум но сие сыӵе сиёнэз, кытын вир вань.
Нош мар вераны луоз вирез вирсэре лэзьыса эмъяськон сярысь? Та пумысен Инмарлэн малпанэз валамон: солы уг яра, куке вирез яке солэсь валтӥсь компонентъёссэ вирсэре лэзё. Вирлэн валтӥсь компонентъёсыз пӧлы пыро: эритроцитъёс, лейкоцитъёс, тромбоцитъёс но плазма. Нош мар вераны луоз мукет эмъяськон амалъёс сярысь? Татын ини котькуд христиан мурт ачиз малпаськыны но ужпум кутыны кулэ (Галатъёслы 6:5). Малы? Малы ке шуоно одӥгаз учыре эмъясьёс, эмъян понна, кутыны быгато векчи фракциосты, кудъёссэ потто вирлэн валтӥсь компонентъёсысьтыз. Нош мукетаз учыре эмъясьёс кутыны быгато висисьлэсь аслэсьтыз ик вирзэ a.
МУРГЕС ЭСКЕРЕ
Ойдолэ тодомы, кызьы ужпум кутоно, кудӥзлы вирен герӟаськем эмъяськон амаллы соглаш луоно, нош кудӥзлы ӧвӧл.
3. Быръе сыӵе эмъяськонэз, кудӥз Иеговалы яралоз
Кызьы быръёно эмъяськонэз, кудӥз Иеговалы яралоз? Учке ВИДЕОРОЛИКЕЗ.
Валэктэ, малы кулэ...
-
...визьлык курыса вӧсяськыны (Иаков 1:5).
-
...эскерыны Библиысь возетъёсты но малпаськыны, кызьы соосты тӥляд учырады кутоно (Мадёнъёс 13:17).
-
...тодыны, кыӵе амалъёсын эмъяло тӥ палан.
-
...валаны, кызьы эмъяськыны тӥляд возьытлыкты уг лэзьы.
-
...малпаськыны, уз йырйы-а тӥледыз возьытлыкты со понна, кыӵе эмъяськон амалэз тӥ бырйиды (Апостолъёслэн ужъёссы 24:16) b.
-
...тодады возьыны, нокин но — кузпалды но, тӧро но, дышетӥсьты но — кулэ ӧвӧл вераны, мар тӥледлы кароно сыӵе учыръёсын, куке адями ачиз ужпум кутыны кулэ (Римъёслы 14:12).
-
...кутэм ужпумдэс бумага вылэ гожтыны.
4. Иеговалэн Адӟись-Ивортӥсьёсыз самой умой эмъяськонэз быръё
Кин ке но малпалоз: «Инмарлэн вир сярысь косонэзлэсь кылзӥськыны но со дыре ик умой эмъяськонэз бырйыны уг луы». Но со озьы ӧвӧл. Учке ВИДЕОРОЛИКЕЗ.
Лыдӟе Титлы 3:2 но та юанлы валэктон сётэ:
-
Малы эмъясьёсын лякытэн но гажаса вераськоно?
|
Уг яра |
Христиан муртлы ужпум кутоно |
|---|---|
|
А. Плазма |
Плазмалэн фракциосыз |
|
Б. Лейкоцитъёс |
Лейкоцитъёслэн фракциоссы |
|
В. Тромбоцитъёс |
Тромбоцитъёслэн фракциоссы |
|
Г. Эритроцитъёс |
Эритроцитъёслэн фракциоссы |
5. Куке вирлэн фракциосыз сярысь вераськон мынэ
Вир ньыль валтӥсь компонентъёслы люкиське: эритроцитъёслы, лейкоцитъёслы, тромбоцитъёслы но плазмалы. Та ньыль валтӥсь компонентъёслэсь векчи фракциос потто c. Со векчи фракциослэсь эмъюмъёс лэсьтыны быгато, кудъёссэ куто пӧртэм висёнъёсты эмъян понна но вирез дугдытон понна.
Котькуд адямилы аслыз быръёно, соглаш кариськоно-а, ӧвӧл-а эмъяськыны эмъюмъёсын яке процедураосын, кудъёсаз вирлэн векчи фракциосыз кутӥсько. Та учырын юрттоз Библия вылэ пыкиськыса дышетэм возьытлык. Куд-огъёсызлы возьытлыксы лэзе озьы эмъяськыны, нош куд-огъёсызлы — уг.
Ужпум кутон азяды малпаське:
-
Кызьы мон эмъяселы валэкто, малы мон соизлы яке таизлы фракцилы соглаш луисько яке малы мон солы пумит луисько?
КИН КЕ НО ЮАНЫ БЫГАТОЗ: «Мон уг валаськы, малы вирез вирсэре лэзьыны уг яра? Мар отын уродэз?»
-
Мар тӥ верасалды?
ТОДЭ ВАЁН
Иеговалы вир дуно потэ. Озьы ик со возьма, ми но вирез дунъяломы шуыса.
Мае тон тодӥд?
-
Малы Иеговалы вир дуно потэ?
-
Иегова вир сиыны ӧз лэзьы. Малы вераны луоз, та косонэныз Иегова вирез вирсэре но лэзьыны ӧз лэзьы шуыса?
-
Мар юрттоз ужпум кутыны, вирен герӟаськем эмъяськон амалэз бырйыку?
ТРОСГЕС ТОДЭ
Мае лыдэ басьтоно, куке ужпум кутӥськомы, соглаш кариськоно-а медицинской процедураослы, кудъёсаз висисьлэн аслаз ик вирыз кутӥське?
«Лыдӟисьёслэн юанъёссы» («Возьмаськон башня», 2000-тӥ ар, 15-тӥ коньывуон)
Мар сярысь малпаськоно, куке ужпум кутӥськомы, соглаш кариськоно-а эмъяськыны эмъюмъёсын, кудъёсаз вирлэн векчи фракциосыз вань?
«Лыдӟисьёслэн юанъёссы» («Возьмаськон башня», 2004-тӥ ар, 15-тӥ инвожо)
Мар юрттӥз одӥг эмъясьлы Иеговалэн вир сярысь малпанэныз соглаш кариськыны?
«Мон соглаш луи Инмарлэн вир шоры учконэныз» («Сайкалэ!», 2003-тӥ ар, 8-тӥ толсур)
Учке но тодэ, кызьы эмъюртъёсын герӟаськонъя комитетысь тӧроос огъя оскисьёссылы юртто.
a Учке 35-тӥ урокез «Кызьы шонер ужпум кутоно?».
b Учке та урокысь 5-тӥ подзаголовокез «Куке вирлэн фракциосыз сярысь вераськон мынэ» но 3-тӥ ватсам валэктонэз «Медицинской процедураос, кудъёсаз вир кутӥське».
c Куд-ог эмъясьёс вирлэсь валтӥсь компонентъёссэ фракциосын лыдъяло. Соин ик умой луоз тодыны, вала-а эмъясь, тӥ соглаш уд луиське шуыса вирез но вирсэрады лэзьыны, озьы ик эритроцитъёсты, лейкоцитъёсты, тромбоцитъёсты но плазмаез.
