UYONO 39
Ẹro rẹ Ọghẹnẹ Vwo Ni Ọbara
Ọbara pha ghanghanre. Ababọ rọyen a cha sa dia-a. Kerẹ Ọmemama na, Ọghẹnẹ vwo uturhi rọ vwọ vuẹ avwanre obo ra reyọ ọbara vwo ruiruo wan. Die yen ọ ta kpahen ọbara re? A sa riọ yẹrẹ se phiyoma? Mavọ yen wo se vwo bru omamọ rẹ orhiẹn kpahen ọbara?
1. Ẹro vọ yen Jihova vwo ni ọbara?
Jihova vuẹ ihwo rọyen vwẹ ọke awanre: “Arhọ ri kemu kemu ejobi ọye ọbara rọye.” (Livitikọs 17:14) Vwọ kẹ Jihova, ọbara mudiaphiyọ arhọ. Vwọrẹ uyota, arhọ vẹ ọbara ọyen okẹ ọghanghanre ro nẹ obọ rẹ Ọghẹnẹ rhe.
2. Ẹdia vọ yen Ọghẹnẹ da tanẹ a reyọ ọbara-a?
Jihova jurhi kẹ idibo rọyen rẹ ọke awanre nẹ ayen re ọbara-a. (Se Jẹnẹsis 9:4 kugbe Livitikọs 17:10.) Ọ rhoma kanrunumu iji nana ọke rẹ ẹko rọvwẹrote vwẹ ẹgbukpe ujorin rẹsosuọ vwọ vuẹ Inenikristi nẹ ayen “gha . . . ọbara.”—Se Iruo Rẹ Iyinkọn Na 15:28, 29.
Die yen o mudiaphiyọ a vwọ gha ọbara? Idọktọ da vuẹ wẹ nẹ wọ gha udi ro mu ohwo, o muẹro nẹ wọ cha da-a. Ẹkẹvuọvo, wọ cha re emu re phi udi phiyọ yẹrẹ wo che se udi na phiyọ oma wẹn? Wo che ru ọtiọye-en. Eriyina, Ọghẹnẹ vwọ tanẹ a gha ọbara mudiaphiyọ nẹ a cha da ọbara yẹrẹ re eranvwe re bru ohọre rọye-en. Avwanre je cha re emu ra vwẹ ọbara vwọba chere-e.
Kẹ, ọbara re vwo ruiruo vwẹ omaesivwon vwo? Ena omaesivwon rayen evo vwọso irhi rẹ Ọghẹnẹ. Ọnana churobọ si re vwo se ọsoso rẹ ọbara phiyoma yẹrẹ erọnvwọn ra rhẹ nẹ ọbara rhe re dia red cells, white cells, platelets kugbe plasma. Ọke evo, ena rẹ omaesivwon evo ghwe gbevwọso urhi rẹ Ọghẹnẹ phiọngu-un. Kerẹ udje, ena rẹ omaesivwon evo churobọ si ẹreyọ rẹ ọvo vwẹ usun rẹ erọnvwọn ra rhẹ nẹ ọbara rhe. Ena efa se churobọ si a vwọ reyọ ọbara rẹ ohwo na vwo ruiruo. Vwẹ ẹdia nana, ohwo vuọvo che brorhiẹn romobọ rọyen. a—Galesha 6:5.
HIẸ KODO
Fuẹrẹn obo wo se vwo brorhiẹn rẹ omaesivwon ro shekpahen ẹreyọ rẹ ọbara.
3. Brorhiẹn rẹ ona rẹ omaesivwon rọ cha vwerhen Jihova oma
Mavọ yen wo se vwo brorhiẹn rẹ ona rẹ omaesivwon ro shephiyọ vẹ ẹro rẹ Ọghẹnẹ vwo ni ọbara? Hworo IVIDIO na, ovwan ta ota kpahen oboresorọ ọ vwọ ghanre ra vwọ yan nene owọẹjẹ nana.
-
Rẹ Jihova nẹ ọ kẹ wẹ aghwanre.—Jems 1:5.
-
Hiẹ guọnọ odjekẹ ri Baibol vẹ obo wọ sa vwọ reyọ vwo ruiruo.—Isẹ 13:16.
-
Guọnọ ona rẹ omaesivwon re herọ vwẹ asan wọ dia.
-
Vwo oniso rẹ ona rẹ omaesivwon ro fori nẹ wọ gha.
-
Vwo imuẹro nẹ orhiẹn wẹn cha nẹrhẹ wo vwo ẹwẹn obrorhiẹn rọ fonro.—Iruo Rẹ Iyinkọn Na 24:16. b
-
Riẹn nẹ wẹwẹ ọvo yen che brorhiẹn ro shekpahen ẹwẹn obrorhiẹn wẹn, ọ dia ọrivẹ rẹ orọnvwe wẹn, ọkpako rẹ ukoko, yẹrẹ ohwo ro yono uwe Baibol na-a.—Rom 14:12.
-
Si orhiẹn-ebro wẹn phiyotọ.
4. Iseri ri Jihova guọnọ ona rẹ omaesivwon ro me yovwin
A sa yan nene irhi rẹ Ọghẹnẹ ro shekpahen ọbara ji rhiabọreyọ ona rẹ omaesivwon rọ vrabọ rẹ ọbara. Hworo IVIDIO na.
Se Taitọs 3:2, ovwan ta ota kpahen onọ nana:
-
Diesorọ avwanre vwo dje ọghọ phia ji ru dẹndẹn ọke re de nene idọktọ ta ota?
|
Obo ra gha |
Onenikristi yen che brorhiẹn na |
|---|---|
|
A. Ọbara ri plasma |
Erọnvwọn ra rhẹ nẹ plasma rhe |
|
B. White cells |
Erọnvwọn ra rhẹ nẹ white cells rhe |
|
C. Platelets |
Erọnvwọn ra rhẹ nẹ platelets rhe |
|
D. Red cells |
Erọnvwọn ra rhẹ nẹ red cells rhe |
5. Ọke rẹ erọnvwọn ra rhẹ nẹ ọbara rhe de churobọ sio
Ọbara vwo ẹbẹre ẹne kiriguo eyen: red cells, white cells, platelets, kugbe plasma. Ẹbẹre ẹne nana vwo ẹmẹbẹre itutuno efa re se blood fractions. c A sa reyọ erọnvwọn ra rhẹ nẹ ẹbẹre ẹne rẹ ọbara rhe na vwo sivwin ega yẹrẹ dobọ rẹ ọbara ro hwẹ ji.
Vwọ kpahen erọnvwọn ra rhẹ nẹ ẹbẹre ẹne rẹ ọbara rhe na, Onenikristi ọvuọvo yen che brorhiẹn romobọ vwo nene ẹwẹn obrorhiẹn rọyen ra vwẹ Baibol yono. Ihwo evo se brorhiẹn ayen vwọ sen esivwon yẹrẹ ona rẹ omaesivwon eje ri churobọ si erọnvwọn ra rhẹ nẹ ẹbẹre ẹne rẹ ọbara rhe na. Ihwo efa sa tanẹ ẹwẹn obrorhiẹn rayen rhọnvwere nẹ ayen rhiabọreyọ erọnvwọn ra rhẹ nẹ ọbara rhe.
Ọke wo de che brorhiẹn, roro kpahen onọ nana:
-
Mavọ yen me sa vwọ vuẹ idọktọ oboresorọ me vwọ sen yẹrẹ rhiabọreyọ erọnvwọn ra rhẹ nẹ ọbara rhe?
OHWO SA NỌ: “Die yen chọre e vwo se ọbara phiyoma?”
-
Die wo rorori?
ỌDJẸKOKO
Jihova guọnọre nẹ a vwẹ ẹro ọghanghanre vwo ni ọbara.
Ẹrhomafuẹrẹn
-
Diesorọ Jihova vwọ vwẹ ẹro ọghanghanre vwo ni ọbara?
-
Mavọ yen avwanre vwọ riẹn nẹ urhi rẹ Ọghẹnẹ ra vwọ gha ọbara churobọ si e vwo se ọbara phiyoma?
-
Mavọ yen wo se vwo bru omamọ rẹ orhiẹn ro shekpahen omaesivwon ro churobọ si ọbara?
HIẸ GUỌNỌ
Die yen ofori nẹ wo roro kpahen tavwen wo ki brorhiẹn sẹ wo che rhiabọreyọ yẹrẹ sen ona rẹ omaesivwon ro churobọ si ọbara romobọ wẹn?
“Enọ rẹ Ihwo ri Se Ẹbe Avwanre Nọre” (Uwevwin Orhẹrẹ rẹ October 15, 2000)
Die yen ofori nẹ wo roro kpahen ọke wo de brorhiẹn sẹ wo rhiabọreyọ yẹrẹ sen emerọnvwọn ra rhẹ nẹ ọbara rhe?
“Enọ rẹ Ihwo ri Se Ẹbe Avwanre Nọre” (Uwevwin Orhẹrẹ ri June 15, 2004)
Die yen mu idọktọ ọvo vwo vwo imuẹro nẹ ẹro ri Jihova vwo ni ọbara yen me yovwin?
“Mi Rhiabọreyọ Ẹro rẹ Ọghẹnẹ Vwo Ni Ọbara” (Awake!, December 8, 2003)
Yono kpahen oborẹ ekpako rehẹ Umẹ Rọvwẹrote Omaesivwo vwo biẹcha iniọvo rẹ ukoko na.
b Ni ẹkpo 5 na, “Ọke rẹ Erọnvwọn ra Rhẹ Nẹ Ọbara Rhe de Churobọ Sio,” kugbe Eta rẹ odjefiotọ 3, “Ona rẹ Omaesivwo ro Churobọ si Ọbara.”
c Idọktọ evo niro nẹ ẹbẹre ẹne kiriguo rẹ ọbara na eyen erọnvwọn ra rhẹ nẹ ọbara rhe. Ọtiọyena, ofori nẹ wọ vuẹ idọktọ wẹn kpahen orhiẹn-ebro wẹn nẹ wọ cha reyọ ọsoso rẹ ọbara yẹrẹ red cells, white cells, platelets kugbe plasma-a.
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
