YOOSOMA 39

Moonelo wa Yehova voohima sa ephome

PLAY

Ephome tiyootepa otthuneya. Yahaakhanle ephome khaavo a hiyo eera akhale nookumi. Mwaha wookhala Mpattuxa, Muluku ookhalano edireitu yoohima sa moota eneeraaya evareliweke muteko ephome. Owo othalinhe eheeni voohima sa ephome? Neereke hiyo pooti ovarihela muteko ephome muyootxani naari naakosoopiwaka voohima sa okumi? Moota heeni nyuwo muneeraanyu mpake yoothanla voohima sa mwaheene yoola?

1. Yehova okhalanne moonelo heeni voohima sa ephome?

Yehova aahaleela arumeyi awe khalayi: “Ekumi ya enama eri yotheene ti ephome aya enkhala mwerutthuni.” (Onamakeya 17:14) Vamaithoni va Yehova ephome enthoonyera okumi. Wakhala weera okumi ti wootteela, ephome tho ti yootteela.

2. Muluku onkhoottiha ovarela muteko ephome moota heeni?

Ohinaaye opakiwa muloko wa ekristu, Yehova aahaaleela arumeyi awe weera ehitxeeke ephome. (Musome Ephattuwelo 9:4 ni Onamakeya 17:10.) Ni muhoolo mwaya opakinweene muloko wa ekristu, Yehova aahaleela nlamulo nimoharu makristu noohitxa ephome. Mukuttula Woolamulela waavaha miruku iya: “Musepeke otxa . . . ephome.”—Musome Miteko 15:28, 29.

Ohitxa ephome naari neere, ohiheleliwa ephome, entaphulela eheeni? Wakhala weera meediku onnooleelani weera muhiwureke eviinyu, khamwaakela owura keera? Neereke mwampaka etthu envarihana ni owura eviinyu naari, ohela mweeruttu mwanyu etthu envarihana ni eviinyu? Waakhula eri yooweera hooye, yaarowa okhumelela yaakela okhala etthu emoha-moharu. Mwa yeeyo, nlamulo na Muluku noohitxa ephome nintaphulela weera, nihiwureke ephome naari okhuura enama ya mwiikho. Nave-tho, khaninrowa otxa yootxa yeeyo yaareheriwa ni ephome naari neere etamphwale ni ephome.

Ni ankha sa moota wookosoopiwa otxipattaala evareliwaka muteko ephome? Mikhalelo mikina sa moota wooheleliwa ephome, sinnavirikanyiha nlamulo na Muluku. Mikhalelo mikina iyo, sinhela mpuwa moota wooheleliwa ephome ni impari saya sootheene: igloobulu sooxeera, igloobulu sootteela, iplaqueta ni iplasma. Mene mwa mikhalelo iya, pooti ohisuwanyeya nnene moota sinvirikanyihaaya nlamulo na Muluku. Mwa ntakihero, moota mukina wooreheriwa otxipattaala ivareliwaka muteko Ifrasawu sa impari sa ephome, atthu akina anvarela muteko ephome ya muretta mukina. Wakhala weera muntthuna othanla etthu yoopaka, musuweleke weera mutthu ti mutthu onthanla mwanene. a—Agalata 6:5.

WEERA MUXUTTERE SINTXIPALE

Moone mikhalelo sa okosoopiwa ereetta anyu mukhanlaanyu oowaakhulela.

3. Muthanle moota wooreheriwa okumi anyu ommusivela Yehova

Nyuwo munkela othanla moota heeni moota wooreheriwa okumi anyu onvarihana ni muupuwelo wa Yehova? Moone EVIIDIYU. Avinyaka mutthekule voohima otthuneya waya ovarela muteko ipontu sinttharelana

EVIIDIYU: Munaapake hayi soothanla sa moota woorehereriwa weiwo onhela mpuwa ovarela muteko ephome (5:47)

Nvekele miruku.—Yakobe 1:5.
Mwaase miruku sa mBiblyani ni moone moota woovarihela muteko.—Miruku 13:16.
Musuwele voohima sa moota wooreheriwa ephome okhanle muttetthe mukhanlaanyu.
Musuweleke weera, nyuwo khamunaakhulela sa moota wooheleliwa ephome nnakhala vakhaaneene.
Moone wakhala weera yoothanlaanyu ennoohiyani ni yoosuweliha ya murima yooreera.—Miteko 24:16. b
Muupuwele weera khaavo aneera opakeleni yoothanla. Nto nyuwo mwaneenaanyu muneera muthanle nvarelaka muteko yoosuweliha ya murima anyu. Naari mwaarinyu kapena iyanyu naari mutokweene a mmulokoni naari ole onooxuttihani Biblya khantthuneya woothanlelani opaka eyo.—Aroma 14:12.
Mulepe etthu muthanlalaanyu opaka.

4. Anamoona a Yehova entthuna weera ereheriweke nnene okumi aya

Onnaxupa wiiwelela nlamulo na Muluku voohima sa ephome ehuhu imoharu oreheriwa okumi anyu ehivareliwaka muteko ephome. Moone EVIIDIYU.

EVIIDIYU: Okohakohiwa ni Dr. Massimo P. Franchi (1:36)

Mmusome Tito 3:2. Avinyaka mutthekule ni ipontu sinttharelana:

Mwaha wa heeni nintthuneyaahu okhala oomaala ni oottittimiha vaavo nnuulumaahu ni meediku?

Makristu eekhaikhai khaanaakhulela oheleliwa ephome	Yoole ori mukristu onthanla
A. Iplasma	Ifrasawu sa iplasma
B. Igloobulu sootteela	Ifrasawu sa Igloobulu sootteela
C. Iplaqueta	Ifrasawu sa iplaqueta
D. Igloobulu sooxeera	Ifrasawu sa Igloobulu sooxeera

5. Ifrasawu sa ephome: Mpake yoothanlaanyu

Ephome ekhalanne impari ixexe soopatxeera: Igloobulu sooxeera, Igloobulu sootteela, iplaqueta ni iplasma. Impari iya ixexe sookawanyeya impari ikhaanini, sineeriwa Ifrasawu sa ephome. c Ifrasawu ikina sa ephome sinvareliwa muteko weera sikosoopiwe iretta naari ovoliha nikhwatta.

Voohima sa Ifrasawu sa ephome, yoole ori mukristu ompaka yoothanla mwaneene moovarihana ni ele oxuttenraawe mBiblyani. Araaya atthu akina annathanla okhootta okosoopiwa ni meediku onvarihela muteko Ifrasawu sa ephome nave atthu akina ennathanla waakhulela.

Mwaapakaka yoothanla muupuweleke etthu ela:

Kinkela omuleela hayi meediku aka, mwaha heeni kinkhoottaaka naari waakhulela Ifrasawu sa ephome?

WAKHALA WEERA MUTTHU OHOOKOHANI: “Maxupo heeni ankhumelela mutthu aakhulela oheleliwa ephome?”

Mwaakela waakhula hayi?

NYAHA SOOTTHUNEYA

Yehova ontthuna weera hiyo nttittimiheke okumi.

Wuuluula

Mwaha wa heeni ephome eraaya yootepa ontthuneya vamaithoni va Yehova?
Moota heeni ninsuwelaahu weera nlamulo na Muluku noohitxa ephome, ninhela mpuwa oheliwa ephome?
Nnaapake moota heeni soothanla sooreera voohima sa okosoopiwa wa okumi ahu evareliwaka muteko ephome?

Yoosoma ela kimalinhe nihuku na:

Mpika

Nvarele muteko nyaha sa eparte eneera weera musuwele itthu sintxipale, weera mwapake soothanla sanyu voohima (1) oheliwa ephome, (2) mireette naari ivacina nvarelaka muteko Ifrasawu sa iphome ni (3) ovarela muteko ephome anyu weera mukosoopiwe ni meediku. Avinyaka, nvarele muteko yoothanla mulempaanyu.

Ekina:

Your other goal

WEERA MUSUWELE ITTHU SINTXIPALE

Eheeni muneeraanyu muheleke mpuwa muhinaaye othanla waakhulela mikhalelo meediku onvarihela muteko ephome?

“Makoho ampakiwa ni ale ansoma irevista sahu” (A Sentinela, 15 a Outubro a 2000)

Eheeni muneeraanyu muheleke mpuwa muhinaaye othanla waakhulela kapena hooye Ifrasawu sa ephome?

“Makoho ampakiwa ni ale ansoma irevista sahu” (A Sentinela, a 15 Junho a 2004)

Eheeni yaamweerinhe meediku waakhulela weera moonelo wa Yehova woohima sa ephome ti wooreera?

“Mwaakhulele moonelo wa Muluku voohima sa ephome” (Despertai, 8 a Dezembro a 2003)

Moone moota asitokweene a mmulokoni anvara muteko wa ekomisau eniiwanana ni Etxipattaala anaakhaviheraaya asinna ni asirokora.

Yehova onnaakhavihera ootheene ale anvoreiwa (10:23)

a Moone yoosoma 35, “Moota heeni nneeraahu nipakeke soothanla sooreera”

b Moone epontu 5: “Ifrasawu sa ephome: Mpake yoothanla meekhiinyu” mwiiwexexe nnene 3: “Moota wooreheriwa ni mameediku onhela mpuwa ovarela muteko ephome”; ni Ministério do Reino a Novembro, epax. 3-6.

c Mameediku makina aasuwela impari ixexe soopaatxera sa ephome ntoko “Ifrasawu.” Mwa yeeyo, nyuwo muroromeleke weera meediku anyu oosuwela weera nyuwo khamunaakhulela oheliwa ephome mwa impari sootheene, naari oheliwa ephome ivareliwaka muteko Igloobulu sooxeera, Igloobulu sootteela, iplaqueta naari iplasma.