Raquiduamnge quiñe ñuque mu pepicabi tañi püchüche ñi amual escuela mu. Müna piuqueyenebilu am libtunequebi, bemngechi tañi püchüche cutranlaai ca com pu che peai chumten tañi piuqueyenetu tañi chau ca ñuque. Ca bemngechi Jehová ayüqui taiñ lib chengeal ca lib raquiduam nieal. Bemngechi chengeliiñ, cümelcaleaiñ iñchiñ ca huenupüramngeai Jehová.

1. ¿Chem dungu mu pengelabüiñ taiñ lib chengen?

Biblia mu Jehová eipieiñmu: “Lib mongen nieaimün” (1 Pedro 1:16). ¿Chumabüiñ taiñ lib chengeal? Libtuabiiñ taiñ tacuhun, taiñ ruca, taiñ auto, ca müñetuaiñ. Bemliiñ tüba, pengelaiñ taiñ lib chengen. Cabei libtunequebiiñ tati Trahunhue Ruca. Taiñ lib chengen mu, caque che huenupüramabüi Jehová (2 Corintios 6:3, 4).

2. ¿Chem dungu bamentuneabiiñ?

Biblia eipieiñmu: “Libtuhuaiñ com dungu mu hueyalcaquebilu taiñ cuerpu ca taiñ raquiduam” (2 Corintios 7:1). Beimu, bamentobiiñ chem dungu ume taiñ hueyalcaabetu taiñ cuerpu cam taiñ raquiduam. Com taiñ raquiduamquel mu ayühulabiiñ Jehová, beimu bamentobiiñ podngechi raquiduam (Salmo 104:34). Cabei libngepe taiñ ngütramcaquel (papiltunge Colosenses 3:8).

¿Ca chem dungu podümüñmaabeiñmu taiñ cuerpu ca taiñ raquiduam? Iñchiñ balintunebiiñ mongen ca ayüquiiñ taiñ cutrancülenoal, beimu pütremtuquelaiñ ca drogatuquelaiñ. Cabei ayüquiiñ lib raquiduam nieal, beimu quidutu malütuumequelaiñ taiñ yehuel ca pequelaiñ pornografia a (Salmo 119:37; Efesios 5:5). Cüdaungeabüi bamentobel tübachi hueyaque dungu, huelu Jehová quiducünoquelaiñmu (papiltunge Isaías 41:13).

 DOI CÜME QUIMNGE

3. Lib chengeliiñ, huenupüramngeai Jehová

Papiltubiliiñ billque ley ñi elungel pu Israel che, quimaiñ Jehová ñi balintuquebel taiñ lib chengen. Papiltoiñ Éxodo 19:10 ca 30:17-19. Papiltungele hula ngütramcaabiiñ tübachi epu ramtun:

• Biblia tañi eipin, ¿chem raquiduamqui Jehová libngeal tañi pu che?

• ¿Chumabüiñ taiñ libcüleal?

Cüdaungeabüi lib chengeal, huelu cheu müleliiñ ume, püchün plata cam bentren plata nieliiñ ume, lib chengeabüiñ. Quintulbe tati VIDEO. Quintulngele hula ngütramcaabiiñ tübachi pu ramtun:

• Pu che taiñ amuldungulelbel pebile engün ñi libcülen com taiñ niel, ¿quellupeabeyu (incapeabeyu) tüba ñi doi yamneabel Jehová? ¿Chemu am?

4. Elcünonge hueyaque huimtun

Pütremtuquelmi cam drogatuquelmi, quimnimi tañi müna cüdaungen quiñepülecünoabel tübachi hueyaque huimtun. Beimu ¿chem quelluabeimu? Cümeabüi tami raquiduamal chumngechi hueyalcaabeimu tami bemmequen. Papiltoiñ Mateo 22:37-39. Papiltungele hula, ngütramcaabiiñ tübachi epu ramtun:

• Drogatol ca pütremtol, ¿chumngechi hueyalcaabüi tami hueniyebel Jehová?

• Drogatol ca pütremtol, ¿chumngechi hueyalcaabüi tami pu che cam caquelu pu che?

Raquiduamnge chem dungu quelluabeimu tami elcünoal quiñe hueya huimtun. b Quintulbe tati VIDEO.

Papiltoiñ Filipenses 4:13. Papiltungele hula ngütramcaabiiñ tübachi pu ramtun:

• Quiñe che ngillatule, papiltule Biblia ca amule trahun mu, ¿quellupeabeyu tüba ñi elcünoal quiñe hueya huimtun? ¿Chemu?

 5. Hueubinge hueyaque raquiduam ca huimtun

Papiltoiñ Colosenses 3:5. Papiltungele hula ngütramcaabiiñ tübachi pu ramtun:

• Conal pornografia mu, huercüal mensaje, video cam foto ñi illutuabel caque che cam malütual tañi yehuel, ¿chemu eipiabüiñ Jehová üdequebi tübachi dungu?

• ¿Lib chengepeabüiñ mai chumngechi ayüqui Jehová? ¿Chemu?

Quimnge chumngechi huehuabüimi podngechi raquiduam. Quintulbe tati VIDEO.

Jesús quimeleleiñmu chumabüiñ taiñ connoal hueyaque dungu mu. Papiltoiñ Mateo 5:29, 30. Papiltungele hula ngütramcaabiiñ tübachi ramtun:

• Jesús eipilai taiñ allbülcaal taiñ cuerpu, quidu ngülamtuqueiñmu taiñ bemal billque dungu taiñ connoal hueyaque dungu mu. Beimu ¿chumabüiñ taiñ quiñe püle nentobel podngechi raquiduam? c

Nehuentulmi tami huehuabel hueyaque raquiduam, ngoimaquilnge Jehová müna balintuqui tami nehuentumequen. Papiltoiñ Salmo 103:13, 14. Papiltungele hula ngütramcaabiiñ tübachi pu ramtun:

• Nehuentulmi tami elcünol quiñe hueya huimtun, ¿quellupeabeimu mai tübachi huirin tripalu Biblia mu? ¿Chumngechi quelluabeimu?

 CHEM PEIÑ TÜBAMU

Cümeque dungu bemliiñ, lib chengeliiñ ca lib raquiduam nieliiñ, ayühulabiiñ Jehová.

Chem quimeleleiñmu tüba

• ¿Chemu müna manelbali taiñ lib chengeal?

• ¿Chumabüimi tami lib chengeal?

• ¿Chumabüimi tami lib raquiduam nieal ca cümeque dungu bemal?