Bayakkon ma adong sahalak ina na mampersiappon anakna tu sikkola. Nungnga diparidi ibana anakna i jala nungnga dipakkehon baju na ias jala na rapi tu ibana. Boi do i mambahen anakna tetap sehat jala boi ma diida na asing memang denggan do diurus ibana gellengna i. Dos songon natua-tua i ma Jahowa. Lomo do rohana asa ias diritta, lingkunganta, pikkiranta, pangalahotta, dohot pakkataiotta. Molo ias hita, godang do manfaatna tu hita. Jala parohon sangap do i tu goar ni Jahowa.

1. Aha do na porlu taulahon asa ias diritta dohot lingkunganta?

Didok Jahowa do tu hita, “Ikkon badia do hamu.” (1 Petrus 1:16) Molo didok badia, termasuk do i ias pangalahotta dohot diritta. Asa boi ias diritta dohot lingkunganta, ikkon ringgas ma hita maridi, tapaias ma jabutta, pakkeatta, dohot kendaraanta. Jala tapaias ma Bale Harajaonta. Molo ias hita dohot lingkunganta, gabe dipasangap ma goar ni Jahowa.—2 Korint 6:3, 4.

2. Akka ulaon aha ma na boi mambahen hita dang ias?

Didok di Bibel, ikkon “tapaias ma diritta sian akka na mambahen ramun daging dohot pikkiranta”. (2 Korint 7:1) Lapatanna, unang ma taulahon manang aha pe na boi manegai dagingta manang pikkiranta. Manang aha pe na tapikkirhon, ikkon tabaen do las roha ni Jahowa. Jadi unang ma tapikkirhon akka na so suman. (Psalmen 104:34) Jala berusaha ma hita asa sopan makkatai.—Jaha Kolosse 3:8.

Aha do muse na boi mambahen dang ias dagingta dohot pikkiranta? Adong do piga-piga kebiasaan na boi manegai dagingta, songon marisap, mangallang pinang manang ganja, manang marnarkoba. Molo dang taulahon i, gabe lam sehat ma hita. Jala on patuduhon na taargai do hangoluan na sian Debata. Asa boi ias pikkiranta, unang ma taulahon akka kebiasaan na so suman, songon masturbasi a manang mangida pornografi. (Psalmen 119:37; Epesus 5:5) Olo do ra maol pasohon kebiasaan sisongon i. Alai boi do Jahowa mangurupi hita.—Jaha Jesaya 41:13.

 ASA LAM TAATTUSI

3. Gabe dipasangap do Jahowa molo ias hita

Molo tajaha patik na dilehon Jahowa tu halak Israel najolo, gabe boi ma taboto penting do di Jahowa asa ias naposona. Jaha 2 Musa 19:10 dohot 30:17-19, dung i bahas ma sukkun-sukkun on:

• Menurut ayat on, boha do pandangan ni Jahowa taringot kebersihan?

• Boha do carana asa tetap ias dirimuna dohot lingkunganmuna?

Memang loja do paiasson diritta dohot lingkunganta. Jala habis do tikkitta mangulahon i. Alai boi do hita sude mangulahon i, dang soal didia hita tinggal jala songon dia pe situasi ekonomitta. Putar ma VIDEO, dung i bahas ma sukkun-sukkun on:

• Aha do manfaatna molo ias jala rapi akka barangta tikki marbarita?

4. Unang be ulahon kebiasaan na so denggan

Molo marisap do hamu manang marnarkoba, olo do ra maol dihilala hamu pasohon i. Attong, boha do carana asa boi dipaso hamu i? Jaha Mateus 22:37-39, dung i bahas ma aha do akibat ni marisap manang marnarkoba tu . . .

• hubungan ni sasahalak tu Jahowa.

• keluargana dohot halak na asing.

Bertekad ma hamu lao pasohon kebiasaan na so denggan. b Putar ma VIDEO.

Jaha Pilippi 4:13, dung i bahas ma sukkun-sukkun on:

• Aha do manfaatna molo torus sasahalak ringgas martangiang, marsiajar Bibel, dohot marpungu?

 5. Berjuang ma pasohon kebiasaan dohot pikkiran na so suman

Jaha Kolosse 3:5, dung i bahas ma sukkun-sukkun on:

• Sian dia taboto dang lomo roha ni Jahowa tu pornografi, sexting, c dohot masturbasi?

• Setuju do hamu dipangido Jahowa asa ias pikkiranta dohot pangalahotta? Boasa didok hamu songon i?

Boha do carana asa boi dibolokkon hamu pikkiran na so suman? Putar ma VIDEO.

Dipaboa Jesus do sada perumpamaan na patuduhon ikkon tabahen do tindakan na tegas asa tetap ias pikkiranta. Jaha Mateus 5:29, 30, dung i bahas ma sukkun-sukkun on:

• Di ayat on dang didok Jesus asa tacelakai diritta. Alai maksudna ikkon tabahen do tindakan na tegas lao manjaga pikkiranta. Aha do tindakan na tegas na ikkon dibahen sasahalak asa tetap ias pikkiranna? d

Molo lagi berjuang do hamu mambolokkon pikkiran na so suman, pasti diargai Jahowa do usahamuna i. Jaha Psalmen 103:13, 14, dung i bahas ma sukkun-sukkun on:

• Molo lagi berjuang do hamu pasohon kebiasaan na so denggan, aha ma manfaatna molo diingot hamu ayat on?

 KESIMPULAN

Molo tajaga diritta, pikkiranta, dohot pangalahotta tetap ias, las ma roha ni Jahowa.

Tinjauan

• Boasa ikkon ias hita di jolo ni Debata?

• Boha do carana asa ias diritta dohot lingkunganta?

• Boha do carana asa toktong ias pikkiranta dohot pangalahotta?