LESON 40
Ki mannyer nou kapab vin prop dan lizye Bondye?
Mazin en bon manman ki pe met pare son pti garson pour al lekol. I fer sir ki i’n bennyen e ki son lenz i prop e annord. Sa i fer li reste an bonn sante e montre lezot ki son paran pe byen pran swen avek li. Pareyman, nou bon Papa Zeova i anvi nou vin prop fizikman e osi moralman. Ler nou prop, nou menm nou benefisye e nou anmenn loner lo Zeova.
1. Ki mannyer nou kapab vin prop fizikman?
Zeova i dir nou: “Zot devret sen.” (1 Pyer 1:16) Sentete i annan pour fer avek lapropte fizik e moral. Nou vin prop fizikman ler nou bennyen regilyerman e ler nou gard nou lenz, lakour ek transpor prop e annord. Nou kapab osi ede netway nou Lasal Rwayonm. Ler nou reste prop fizikman, nou anmenn loner lo Zeova.—2 Korentyen 6:3, 4.
2. Ki pratik nou bezwen evite pour nou reste prop?
Labib i demann nou pour “pirifye nou avek tou sa ki sali lekor ek lespri.” (2 Korentyen 7:1) Alor, nou bezwen fer tou pour evit okenn keksoz ki kapab gat nou lekor ek lespri. Nou bann panse osi i devret fer plezir Zeova. Alor nou bezwen fer nou mye pour rezet bann panse ki pa apropriye. (Psonm 104:34) Nou pa devret servi bann parol sal.—Lir Kolosyen 3:8.
Kwa ankor ki kapab fer nou sal fizikman oubyen moralman? I annan serten sibstans ki kapab sali nou lekor. Nou bezwen evit bann keksoz parey fimen, sik drog (betel nut oubyen coca leaves) e osi servi drog pour detann. Ler nou pa servi sa bann keksoz, nou annan en pli bon lasante e nou montre ki nou apresye lavi. Nou osi fer nou mye pour reste prop moralman par lalit kont bann pratik sal parey mastirbasyon ek pornografi. (Psonm 119:37; Efezyen 5:5) I kapab vreman difisil pour aret sa bann move kondwit me Zeova i kapab ed nou.—Lir Izai 41:13.
AL PLI O PROFON
Vwar ki mannyer ler nou prop fizikman sa i anmenn loner pour Zeova e ki mannyer nou kapab aret bann move kondwit.
3. Lapropte fizik i onor Zeova
Nou kapab konpran pwennvi Zeova lo lapropte par egzamin son bann komannman ki i ti donn avek pep Izrael lontan. Lir Egzod 19:10 ek 30:17-19 e apre reponn sa bann kestyon:
-
Ki sa bann verse i montre konsernan pwennvi Zeova lo lapropte fizik?
-
Ki bann bon labitid ki pou ed ou reste prop fizikman?
I demann letan ek zefor pour reste prop fizikman. Me nou kapab fer li ki swa nou pov oubyen ris ouswa nenport ki landrwa nou pe reste. Zwe sa VIDEO e apre reponn sa kestyon.
-
Ki mannyer ler nou gard nou bann keksoz prop e annord dan predikasyon, sa i onor Zeova?
4. Aret bann move kondwit
Zeova i kapab ed nou aret okenn move kondwit
Si ou fimen oubyen servi drog pour detann ou, petet ou konnen ki mannyer i difisil pour aret sa move kondwit. Kwa ki kapab ed ou? Reflesir lo ki mannyer sa pratik pe afekte ou. Lir Matye 22:37-39 e apre diskite ki mannyer sigaret ek drog i kapab afekte . . .
-
lanmitye en dimoun avek Zeova.
-
fanmir en dimoun ek lezot otour li.
Fer plan pour aret en move kondwit. a Zwe sa VIDEO.
Lir Filipyen 4:13 e apre reponn sa kestyon:
-
Ki mannyer ler en dimoun i annan sa bon labitid pour priye, etidye Labib e asiste bann renyon Kretyen, sa i kapab donn li sa lafors pour li aret en move kondwit?
5. Lalit kont bann kondwit ek panse ki sal
Lir Kolosyen 3:5 e apre reponn sa bann kestyon:
-
Ki mannyer nou konnen ki pornografi, bann mesaz seksyel lo telefonn ek mastirbasyon i bann keksoz sal dan lizye Zeova?
-
Eski ou krwar ki i rezonnab pour Zeova ekspekte nou pour vin prop moralman? Akoz?
Vwar ki mannyer nou kapab lalit kont bann panse ki sal. Zwe sa VIDEO.
Zezi ti servi en legzanp pour montre ki nou devret azir vit pour nou kapab reste prop moralman. Lir Matye 5:29, 30 e apre reponn sa kestyon:
-
Zezi pa ti pe sizere ki nou fer ditor nou lekor fizikman me i ti pe montre ki nou bezwen pran aksyon. Ki aksyon ki en dimoun i kapab pran o pli vit posib pour evite annan bann panse sal? b
Si ou pe lalit pour retir bann panse sal dan ou lespri, ou zefor i annan bokou valer dan lizye Zeova. Lir Psonm 103:13, 14 e apre reponn sa kestyon:
-
Si ou pe lalit avek en move kondwit, ki mannyer sa verse i kapab ankouraz ou pour kontinyen fer zefor?
Tonbe pa vedir defet!
I kapab fasil pour mazinen, ‘Mon’n tonm ankor, mon pa pou kapab kontinyen.’ Me reflesir: Ler en atlet ki pe taye i tonbe i pa vedir ki’n perdi paryaz, i pa vedir ki i bezwen rekonmanse ankor lo laliny depar. Pareyman, ler nou tonbe i pa vedir ki nou’n perdi dan sa lager kont bann move kondwit. I pa vedir osi ki tou nou bann progre ki nou ti’n deza fer in ganny efase. I normal pour nou tonbe par ler, i form parti nou progre. Pa aret dan semen! Avek led Zeova, ou kapab aret bann move kondwit.
SERTEN DIMOUN I DIR: “Mon adikt. Mon zis pa kapab arete.”
-
Ki verse Labib ou kapab servi pour montre sa dimoun ki avek led Zeova i kapab aret en move kondwit?
REZIMEN
Nou fer plezir Zeova ler nou gard nou lekor, lespri ek kondwit prop.
Revizyon
-
Akoz i sitan enportan pour nou reste prop?
-
Ki mannyer ou kapab vin prop fizikman?
-
Ki mannyer ou kapab gard ou panse ek ou kondwit prop?
FER PLIS RESERS
Ki bann senp keksoz ki ou kapab fer pour reste prop menm si ou napa bokou?
Vwar bann keksoz pratik ki ou kapab fer pour aret fimen.
Egzamin lefe ki pornografi i fer lo en dimoun.
“Pornografi—Danzere oubyen non” (Latour Veyer Septanm–Oktob 2013)
Vwar ki mannyer en zonm ti kapab aret son adiksyon avek pornografi.
“Mon’n esey plizyer fwa avan ki mon’n reisi” (Latour Veyer No. 4 2016)
a Sa lartik “How to Quit Smoking” ki dan seksyon Fer plis resers dan sa leson, i donn bann sizesyon pratik ki en dimoun i kapab swiv pour sirmont son adiksyon.
b Pour ganny led pour aret mastirbasyon, vwar sa lartik “How Can I Conquer the Habit of Masturbation?” dan sa liv Questions Young People Ask—Answers That Work, Volim 1, sapit 25.
You May Also Like
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
