Dychmygwch fam gariadus yn paratoi ei bachgen bach ar gyfer yr ysgol. Y mae’n sicrhau ei fod wedi ymolchi a bod ei ddillad yn dwt ac yn daclus. Mae hyn yn ei gadw’n iach ac yn dangos i eraill bod ei rieni’n gofalu amdano. Mewn ffordd debyg, mae ein Tad cariadus, Jehofa, eisiau inni fod yn gorfforol ac yn foesol lân. Mae bod yn lân o les inni ac yn dod â chlod i Jehofa.

1. Sut gallwn ni fod yn gorfforol lân?

Mae Jehofa’n dweud wrthon ni: “Mae’n rhaid i chi fod yn sanctaidd.” (1 Pedr 1:16) Er mwyn inni fod yn sanctaidd, mae’n rhaid inni fod yn lân yn gorfforol ac yn foesol. Gallwn fod yn gorfforol lân drwy ymolchi’n rheolaidd, a thrwy gadw ein dillad, ein cartrefi, a’n ceir yn dwt ac yn daclus. Gallwn hefyd helpu i lanhau Neuadd y Deyrnas. Rydyn ni’n dod â chlod i Jehofa drwy gadw’n gorfforol lân.—2 Corinthiaid 6:3, 4.

2. Pa arferion dylen ni eu hosgoi er mwyn cadw’n lân?

Mae’r Beibl yn ein hannog ni i “lanhau ein hunain oddi wrth bob peth sy’n llygru cnawd ac ysbryd.” (2 Corinthiaid 7:1) Felly, rydyn ni’n osgoi unrhyw beth a all niweidio ein corff neu ein meddwl. Dylai ein meddyliau blesio Jehofa ac felly rydyn ni’n gwneud ein gorau glas i wrthod meddyliau anweddus. (Salm 104:34) Rydyn ni hefyd yn ceisio siarad mewn ffordd lân.—Darllenwch Colosiaid 3:8.

Beth arall allai ein gwneud ni’n aflan yn gorfforol neu’n foesol? Gall rhai sylweddau wneud niwed i’n cyrff. Felly fyddwn ni ddim yn defnyddio tybaco, cnoi cnau betel neu ddail coca, na chamddefnyddio cyffuriau. O wneud hynny, rydyn ni’n iachach, ac yn dangos parch tuag at rodd bywyd. Rydyn ni hefyd yn ymdrechu i fod yn foesol lân drwy beidio â mastyrbio neu edrych ar bornograffi. (Salm 119:37; Effesiaid 5:5) Gall fod yn anodd trechu’r arferion hyn, ond bydd Jehofa yn ein helpu.—Darllenwch Eseia 41:13.

 CLODDIO’N DDYFNACH

3. Mae bod yn gorfforol lân yn dod â chlod i Jehofa

Gallwn weld pa mor bwysig yw glendid i Jehofa drwy edrych ar ei orchmynion i Israel gynt. Darllenwch Exodus 19:10 a 30:17-19, ac yna trafodwch y cwestiynau hyn:

• Beth mae’r adnodau hyn yn ei ddangos am safbwynt Jehofa ar lendid corfforol?

• Pa arferion da fydd yn eich helpu chi i aros yn gorfforol lân?

Mae’n cymryd amser ac ymdrech i fod yn gorfforol lân. Ond mae’n hollol bosib, ni waeth ble rydyn ni’n byw neu faint o arian sydd gynnon ni. Gwyliwch y FIDEO, ac yna trafodwch y cwestiwn sy’n dilyn.

• Sut mae cadw ein heiddo yn dwt ac yn daclus yn dangos parch at y gwaith pregethu?

4. Trechu arferion drwg

Os ydych chi’n ysmygu neu’n camddefnyddio cyffuriau, mae’n debyg y byddwch chi’n gwybod pa mor anodd yw trechu’r arferion hynny. Beth all eich helpu? Meddyliwch am sut mae’r arfer yn effeithio arnoch chi. Darllenwch Mathew 22:37-39, ac yna trafodwch sut mae tybaco neu gamddefnyddio cyffuriau yn effeithio ar . . .

• eich perthynas â Jehofa.

• eich teulu a’r bobl o’ch cwmpas.

Gwnewch gynllun i drechu’r arfer drwg. a Gwyliwch y FIDEO.

Darllenwch Philipiaid 4:13, ac yna trafodwch y cwestiwn hwn:

• Sut gall gweddïo, astudio’r Beibl, a mynychu’r cyfarfodydd roi’r nerth i rywun fedru trechu arfer drwg?

 5. Brwydro yn erbyn meddyliau ac arferion aflan

Darllenwch Colosiaid 3:5, ac yna trafodwch y cwestiynau hyn:

• Sut rydyn ni’n gwybod bod pornograffi, secstio, a mastyrbio yn aflan yng ngolwg Jehofa?

• Ydych chi’n meddwl ei bod yn rhesymol i Jehofa ddisgwyl inni fod yn foesol lân? Pam?

Dysgwch sut i frwydro yn erbyn meddyliau aflan. Gwyliwch y FIDEO.

Rhoddodd Iesu eglureb sy’n dangos bod aros yn foesol lân yn gofyn am ymdrech. Darllenwch Mathew 5:29, 30, ac yna trafodwch y cwestiwn hwn:

• Nid oedd Iesu’n dweud y dylen ni niweidio ein hunain yn gorfforol, ond mae ei eiriau’n dangos bod angen inni gymryd camau pendant i osgoi meddyliau aflan. Beth gallwn ni ei wneud? b

Os ydych chi’n brwydro yn erbyn meddyliau aflan, mae Jehofa yn gwerthfawrogi eich ymdrechion. Darllenwch Salm 103:13, 14, ac yna trafodwch y cwestiwn hwn:

• Os ydych chi’n brwydro yn erbyn arferion drwg, sut mae’r adnod hon yn eich helpu chi i beidio â rhoi’r ffidil yn y to?

 CRYNODEB

Mae cadw ein cyrff, ein meddyliau, a’n hymddygiad yn lân yn plesio Jehofa.

Adolygu

• Pam mae’n bwysig inni fod yn lân?

• Sut gallwch chi fod yn gorfforol lân?

• Sut gallwch chi gadw eich meddyliau a’ch ymddygiad yn lân?