LESONI 40
Eda na Savasava Vakacava ena Mata ni Kalou?
Vakasamataka mada e dua na tina dauloloma e vakarautaki luvena lailai me lai vuli. Ena raica me sili, me savasava qai maqosa na nona isulu. Ena rairai bulabula kina o gone, ena vakaraitaka tale ga ni rau qaravi koya vinaka na nona itubutubu. E va sara ga qori na tamada dauloloma o Jiova. E vinakata meda savasava, meda savasava vakayago, me savasava tale ga na noda itovo. Nida savasava, ena yaga vei keda, ena dokai tale ga kina o Jiova.
1. Na ibalebale ni savasava vakayago
E tukuna vei keda o Jiova: “Moni savasava.” (1 Pita 1:16) Na savasava e wili kina na noda savasava vakayago, me savasava tale ga na noda itovo. Eda na savasava vakayago nida sili wasoma, me savasava qai maqosa na noda isulu, itikotiko, kei na noda lori. Eda rawa tale ga ni veivuke ena samaki ni noda Vale ni Soqoni. Nida savasava vakayago, ena dokai kina o Jiova.—2 Korinica 6:3, 4.
2. Na itovo cava meda qarauna meda savasava tiko ga kina?
E vakasalataki keda na iVolatabu “meda vakasavasavataki keda mai na dukadukali kece vakayago kei na dukadukali vakayalo.” (2 Korinica 7:1) Eda na saga gona meda kua ni cakava na ka ena vakaleqa na yagoda kei na noda vakasama. E dodonu me vakamarautaki Jiova na ka eda vakasamataka. Eda na cata gona na vakanananu ca. (Same 104:34) Eda na saga tale ga me savasava na noda vosa.—Wilika Kolosa 3:8.
Na cava tale e rawa ni vakadukadukalitaki keda vakayago kei na noda itovo? Eso na ka e rawa ni vakadukara na yagoda me vaka na vakatavako, kana betel nut kei na drau ni coca, kei na vakayagataki ni wainimate gaga. Eda na sega ni vakayagataka. Nida cakava qori, eda na bulabula, eda vakaraitaka tale ga nida doka na isolisoli ni bula. Eda na saga tale ga me savasava na noda itovo nida cata na itovo dukadukali me vaka na vakatavevele, kei na saravi ni iyaloyalo vakasisila. (Same 119:37; Efeso 5:5) Ena sega ni rawarawa meda biuta na itovo qori, ia o Jiova ena rawa ni vukei keda.—Wilika Aisea 41:13.
VAKEKELI
Dikeva na sala e rokovi kina o Jiova nida savasava vakayago kei na sala meda valuta kina na itovo dukadukali.
3. Na savasava vakayago e rokovi kina o Jiova
Eda na kila na rai i Jiova me baleta na savasava nida dikeva na nona ivakaro vei ira na Isireli makawa. Wilika Lako Yani 19:10 kei na 30:17-19, qai veivosakitaka na taro qo:
-
Ena tikinivolatabu qo, na cava na rai i Jiova me baleta na savasava vakayago?
-
Na cava mo cakava mo savasava tiko ga kina vakayago?
E ka ni sasaga qai taura na gauna meda savasava vakayago. Ia eda rawa ni cakava qori se mani vanua cava eda tu kina se duidui na noda bula vakailavo. Sarava na VIDIO, qai veivosakitaka na taro tarava.
-
Ena dokai vakacava na noda cakacaka vakavunau ni savasava qai maqosa na ka eda taukena?
4. Mo biuta na itovo ca
O Jiova ena rawa ni vukei keda meda biuta na itovo ca kece
Ke o dau vakatavako se vakayagataka na wainimate gaga, ena dredre mo biuta. Ia na cava mo cakava? Mo vakasamataka na kena ca. Wilika Maciu 22:37-39, qai veivosakitaka na ka e cakava na vakatavako kei na wainimate gaga . . .
-
ena nona veiwekani e dua kei Jiova.
-
ena nona vuvale kei ira na so tale.
Vakasamataka na sala mo biuta kina na itovo qori. a Sarava na VIDIO.
Wilika Filipai 4:13, qai veivosakitaka na taro qo:
-
Ena yaga vakacava na ituvatuva vakayalo ni vuli, soqoni, kei na masu me biuta kina e dua na itovo ca?
5. Vorata na vakanananu ca kei na kena itovo
Wilika Kolosa 3:5, qai veivosakitaka na taro qo:
-
Eda kila vakacava ni dukadukali vei Jiova na iyaloyalo vakasisila, na vakau vidio, itaba se itukutuku vakasisila, kei na vakatavevele?
-
Vakacava o nanuma ni dodonu vei Jiova me namaka me savasava na noda itovo? Na vuna?
Sala mo vorata kina na vakanananu ca. Sarava na VIDIO.
E vakayagataka o Jisu e dua na vosa vakatautauvata me dusia ni dodonu meda yavala me savasava na noda itovo. Wilika Maciu 5:29, 30, qai veivosakitaka na taro qo:
-
A sega ni tukuna o Jisu meda vakamavoataki keda, ia e tukuna tiko ga ni bibi meda cakava kina e dua na ka. Na cava me cakava e dua me vorata kina na vakanananu ca? b
Ke o saga tiko mo valuta na vakanananu ca, o Jiova e taleitaka na nomu sasaga. Wilika Same 103:13, 14, qai veivosakitaka na taro qo:
-
Ke dredre mo valuta na itovo ca, e uqeti iko vakacava na tikinivolatabu qo mo sasaga tiko ga?
Sasaga tiko ga!
Rairai o na kaya, ‘Au sa baci rawai tale, ena dredre tu ga meu veisau.’ Ia vakasamataka mada qo: Ni tarabe qai lutu e dua na daucici, e sega ni kena ibalebale ni sa druka se me lai tekivu tale mai nona veitaucici. E va tale ga qori ke da rawai tale ena noda malumalumu, e sega ni kena ibalebale meda sa soro se meda lai nanuma ni sa sega ni yaga na veiveisau eda cakava. E dau yaco ga qori nida saga tiko meda veisau. Kua ni soro! Ena veivuke i Jiova, o rawa ni biuta na itovo qori.
KA ERA KAYA ESO: “E dredre sara ga meu biuta.”
-
Na tikinivolatabu cava o rawa ni vakaraitaka vua ni rawa ni vukei koya o Jiova me biuta na nona itovo ca?
KA O VULICA
Eda vakamarautaki Jiova ni savasava na yagoda, na noda vakasama, kei na noda itovo.
Railesuvi
-
Na cava na bibi ni savasava?
-
Na cava na ibalebale ni savasava vakayago?
-
Ena savasava vakacava na nomu vakasama kei na nomu itovo?
IKURI
Na cava mo cakava mo savasava tiko ga kina vakayago ke sega mada ga ni levu na ka o taukena?
Dikeva eso na ka o rawa ni cakava mo biuta kina na vakatavako.
Dikeva na ca ni iyaloyalo vakasisila.
“iYaloyalo Vakasisila—Ka ni Lasa se Rerevaki?” (Na Vale ni Vakatawa, 1 Okosita, 2013)
Wilika na nona valuta rawa e dua na turaga na sara iyaloyalo vakasisila.
“Au Sikalutu ena Levu na Gauna, ia Au Sega ni Soro” (Na Vale ni Vakatawa Nb. 4 2016)
a Mo rawa ni biuta na vakatavako, wilika na ka mo cakava ena iKuri “O na Biuta Vakacava na Tavako.”
b Mo rawa ni valuta na vakatavevele, raica na ulutaga “Au na Muduka Vakacava na Vakatavevele?” ena ivola Ra Taroga na iTabagone—Kena iSau, iTabataba 1, wase 25.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
