KAPITE 40
Le Manatu a Le Atua o Uiga Mo Le Meʼā
Ka teuteuʼi e se tinana lona toe ki le sēkola, e tokaga aia ke meʼā o felaʼaki mo ona neʼa lava, talie e iloa e ia e ʼaoga ki lona maʼuli mālōlō fakatino. Ti e toe sā mei ai e tokaga fakamālielie ona mātuʼa kiate ia. E toe felaʼaki mo lotātou Tamana i selo, e maʼuiga kiate ia le meʼā. Kāpau e tou meʼā i anoʼaga fuli, ti e tou fakakololiaʼi ai a Seova.
1. Koleā le fakaʼuiga ke ke meʼā?
E fakatotonu feneʼeki mai e Seova: ‘E tonu ke kotou māʼokiʼoki.’ (1 Petelo 1:16) Kāpau e ke fia māʼokiʼoki, e tonu ke ke meʼā i le aga e tonu ke fai o felaʼaki mo le potu fakatino. Ti kāpau e ke fia meʼā i le potu fakatino, e tonu ke ke maʼanu, mo tui ni neʼa lava e meʼā mo fakameʼā lou kāiga, mo lau motoka, ti mo lou muʼā fale pe ko lou tuʼā fafo. E mafai ke ke toe tokoi ki le fakameʼā o lou Fale Fono. Ko ia, e tou fakakololiaʼi loa a Seova mokā tou aga meʼā.—2 Kolinito 6:3, 4.
2. Koā a agamasani e veli e tonu ke tiʼaki?
E fakasā fakaʼagatonu mai i le Tosi-Tapu ke ‘tou fakameʼā mei neʼa fuli alā e fakakelekeleʼia le tino mo le laumālie.’ (2 Kolinito 7:1) Ko lona fakaʼuiga ke tou tiʼaki a neʼa fuli alā e mafai ke fakatupu tuʼutāmaki ki lotātou maʼuli fakatino ti mo lotātou atamai. Kāpau e ke loto ke mālieʼia e Seova au manatu, ti e tonu ke ke tekeʼi mei lou atamai a manatu alā e leʼaise mālilie. (Pesalemo 104:34) E tonu ke ke toe tokaga ki au faʼasiga māsau.—Lau Kolose 3:8.
Koleā le tasi a koga e mafai ke fakakelekeleʼia a koe? O fai pe le suluka mo le toloke e leʼaise mālie. Ko ia leia e tonu ai ke ke fakamamaʼo mei ai. Ko se tasi leia e leʼaise suluka mo kai toloke e saosaoa loa mei masaki ti e fakaʼapaʼapa ki le maʼuli. Kāpau e ke toe loto ke meʼā a aga alā e tonu ke fai, e tonu ke ke tauʼi a aga alā ko le ufu ti mo le tioʼi o ni ʼata pe ko ni paaki veveli. (Pesalemo 119:37; Efeso 5:5) E leʼaise faigaofie tuʼumaʼu le tekeʼi o agamasani veveli anā, kae e mafai ke ke fānaki e tokoi atu a Seova ke ke tekeʼi le koga lenā.—Lau Esaia 41:13.
MANATU LOLOTO
Ta tioʼi pe koleā ka tou aga meʼā e fakakololiaʼi ai loa a Seova ti e fefeʼaki latātou tiʼaki a aga alā e leʼese meʼā.
3. E fakakololiaʼi a Seova mokā tou aga meʼā
Na soli e Seova a fakatotonu ki le kau Iselaele, e sā ai lana fakamaʼuigaʼi lana manatu o uiga mo le aga meʼā. Lau Ekesote 19:10 mo le 30:17-19, ti fai a vesili anei:
-
Koleā e tou ako i vaega anei o uiga mo le manatu a Seova ki le aga meʼā?
-
Koā fakatuʼutuʼu e mafai ke ke fai tuʼumaʼu ke ke meʼā i le potu fakatino?
E tonu ke tou toʼo se temi ti mo faiga ke tou fakameʼā i le potu fakatino ti mo atātou a neʼa. E tonu ke tou fai le koga lenā, logo ai le gāneʼa leia e tou maʼuʼuli ai pe tou koloaʼia pe tou matitiva. Tioʼi le GĀ ʼATA, ti fai le vesili leinei.
-
Kāpau e tou aga meʼā, koleā e mafai ke pati e lātou alā e tou faifakamafola ki ai?
4. Tou tiʼaki a agamasani alā e veli
E faigataʼa ki se tasi leia e suluka pe kai toloke lana tuku le koga lenā. Kāpau e ke kau i ai, fakakaukau ki ona fua veveli ki lou maʼuli. Lau Mateo 22:37-39, ti fai le vesili leinei: Kāpau ko se tasi e suluka pe kai toloke, koā loa ona fua . . .
-
ki lana fakakauneʼa mo Seova.
-
ki lona fāmili pe ko lātou ake alā.
Fai sau fakatuʼutuʼu ke ke tiʼaki le aga lenā e veli. a Tioʼi le GĀ ʼATA.
Lau Filipe 4:13, ti fai le vesili leinei:
-
Ka tou tauʼi se agamasani leia e leʼaise mālie e tokoi fefeʼaki atu le faikole, mo le ako o le Tosi-Tapu ti mo fono?
5. Tou tauʼi a manatu ti mo aga e leʼese mālie
Lau Kolose 3:5, ti fai a vesili anei:
-
Koleā e leʼaise mālie kia Seova le tioʼi o paaki mo ʼata veveli, mo le fakamomoli o ni māsau pe ko ni paaki pe ko ni ʼata veveli ti mo le ufu?
-
E loto fefeka ko ia a Seova i lana kole mai ke tou meʼā i aga alā e tonu ke fai? Koleā lona tupuʼaga?
E mafai le tauʼi o manatu alā e leʼaise mālie. Tioʼi le GĀ ʼATA.
Na fai e Sesu ni māsau fakatātā ke fakasā le neʼa leia e tonu ke tou fai ke mālie ai atātou a aga. Lau Mateo 5:29, 30, ti fai le vesili leinei:
-
Na leʼaise fia pati a Sesu ke tou fakamamaeʼi tātou kae ke tou faiga o fai se puleʼaki. Koleā e mafai ke tou fakatotonu ke fai ke tou tiʼaki ai a manatu veveli? b
Kāpau e ke tauʼi ni manatu veveli, ke ke tui māʼoki e tio a Seova ki au faiga. Lau Pesalemo 103:13, 14, ti fai le vesili leinei:
-
Kāpau e ke tauʼi se aga e veli, e tokoi fefeʼaki atu a manatu o vaega anei ke ke ʼaga o tauʼi?
Kāpau e ke toe vilo ki le faigataʼaʼia lenā, ʼaua na ke lotogaʼegaʼe
E lagi mafai ke ke manatu ‘e leʼaise kau ʼaga o mafai, e mālie ake fai lona tuku.’ Kae ta toʼo se faifaitaki o se tagata makape. E leʼaise pati loa na tūkia mo teka ti e leʼaise mafai e ia le fakaʼoki o lana lele pe tonu ke toe liliu ki le kamataʼaga. O toe felaʼaki ka ke toe vilo ki sou gaʼegaʼeʼaga, e leʼaise pati loa kua ʼoki a neʼa fuli ti e leʼaise se uiga o faiga alā na kua ke ʼaga o fai. Ko le uiga ia mokā kita faiga ke kita tuku se agamasani e veli. Ko ia, ʼaua na ke lotogaʼegaʼe. E ke tauʼi loa lau agamasani lenā e veli talie e tokoi atu a Seova.
E PATI A ʼIKI: “Ku leʼaise mafai ʼai laku ʼaga o tuku.”
-
Koleā loa le vaega ka ke fakaʼaogaʼi ke fakasā ai ki se tasi e mafai lau tuku le agamasani veli lenā talie e tokoi atu loa a Seova?
MANATU TĀFITO
Ka tou aga meʼā, mo maʼua ni manatu pe ko ni aga e mālilie, e tou fakakololiaʼi loa a Seova.
Fakamanatu
-
Koleā e maʼuiga ke tou meʼā i le potu fakatino ti mo atātou manatu mo atātou a aga?
-
Koleā e tonu ke tou fai ke tou meʼā i le potu fakatino?
-
Koleā e tonu ke tou fai ke tou maʼua ni manatu mo ni aga e mālilie?
A ʼIKI MANATU
Ko fakatuʼutuʼu e tonu ke fai ke ke meʼā i le potu fakatino logo ai pe ke mativa.
Ni tokoi ʼaoga ke mafai le tuku o le suluka.
“E fefeʼaki le tiʼaki o le suluka” (Kotou ʼAʼala! o Maio 2010)
Ko fua veveli mokā ke tioʼi ni paaki pe ko ni ʼata veveli.
“E mālie ko ia le tioʼi o ʼata veveli?” (Tule Leʼo, aso 1 o Oketopeli 2013)
Le faiga a se tagata ke tuku lana tioʼi ni paaki pe ko ni ʼata veveli.
“Na mafai loa ke kau tiʼaki laku agamasani e veli” (Tule Leʼo N° 4 2016)
a I le koga, A ʼIki Manatu e ke maʼua i le aletike leinei: “E fefeʼaki le tiʼaki o le suluka,” ni tokoi ʼaoga ki le anoʼaga lenā.
b Kāpau e ke fia tiʼaki le aga leia ko le ufu, tioʼi le kapite 25 o le tosi Ko Vesili a Le Kau Tupulaga—Ko Tali e ʼAoga, 1 Tosi “E mafai fefeʼaki ke kau tiʼaki le ufu?”