Eñeimahinamína peteĩ kuñakarai opreparaha imembýpe oho hag̃ua eskuélape, haʼe ojasegura ojahu hague ha oñemonde porãha. Upéicha pe mitã ikatu hesãive ha entéro ohechakuaáta ituakuéra okuida porãha hese. Upéicha avei ñande Túa ñanderayhuetéva Jehová oipota ñanepotĩ, ha oipota avei ipotĩ umi mbaʼe ñapensáva, jaʼéva ha jajapóva. Ñanepotĩramo koʼã mbaʼépe ou porãta ñandéve voi ha avei ñambotuicháta Jehovápe.

1. ¿Mbaʼéichapa ikatu ñanepotĩ?

Jehová heʼi ñandéve: “Peẽ penepotĩ vaʼerã” (1 Pedro 1:16). Pe palávra griega ojepurúva koʼápe ikatu avei ojetradusi “sánto”, upéva heʼise Jehová oipotaha ñanepotĩ opa mbaʼépe, tahaʼe ñande voi térã umi mbaʼe ñapensáva, jaʼéva ha jajapóva. Ikatu hag̃uáicha ñanepotĩ tekotevẽ jajahu káda día, ha siémpre ipotĩ asy vaʼerã ñande ao, ñande róga ha ñande veíkulo. Iporãta avei siémpre ñaipytyvõramo oñemopotĩ hag̃ua pe Salón del Reino. Jajapóramo entéro koʼã mbaʼe ñambotuicha hína Jehovápe (2 Corintios 6:3, 4).

2. ¿Mbaʼe mbaʼépa ñamboyke vaʼerã ñanepotĩ hag̃ua?

La Biblia heʼi: “Ñamopotĩ vaʼerã ñande rete ha ñane korasõ” (2 Corintios 7:1). Upéva heʼise ñamboykete vaʼerãha opa mbaʼe ikatúva omongyʼa ñande rete ha ñane pensamiénto. Umi mbaʼe ñapensáva ikatu ombovyʼa Jehovápe, upévare ñañehaʼãmbaite ñamboyke umi pensamiénto vai (Salmo 104:34). Ñañehaʼã avei pono jaʼe mbaʼeve ivaíva ni ñandejurukyʼa (elee Colosenses 3:8).

Péro oĩ hetave mbaʼe ñamboyke vaʼerã ñanepotĩ hag̃ua Ñandejára renondépe, por ehémplo umi mbaʼe ñamoingéva ñande retepýpe ha ikatúva ñandeperhudika. Upéicha rupi ndovaléi japita, jaisuʼu petỹ térã jajedroga. Ñamboyketéramo koʼã mbaʼe ñaneresãivéta ha jahechaukáta jarrespetaha ñande rekove. Iñimportánte avei ñamboykete umi práktika ikyʼáva Ñandejára renondépe, ikatu hag̃uáicha jasegi ñanepotĩ. Upévare oĩramo jepe ojejavykýva a térã ohecháva pornografía, ñande ñamboykete koʼã mbaʼe (Salmo 119:37; Efesios 5:5). Ha ijetuʼúramo jepe jasupera hag̃ua koʼã vísio, Jehová ikatu ñanepytyvõ ñakonsegi hag̃ua upéva (elee Isaías 41:13).

 EJEPYʼAMONGETAMÍNA

3. Ñanepotĩramo ñambotuicha hína Jehovápe

Jastudiávo umi léi Jehová omeʼẽ vaʼekue Israélpe jahechakuaa iñimportantetereiha chupe g̃uarã ipuévlo ipotĩ. Elee Éxodo 19:10 ha 30:17-19, ha upéi erresponde koʼã porandu:

• ¿Mbaʼéichapa koʼã téxto ñanepytyvõ jahechakuaa hag̃ua Jehová oipotaha ñanepotĩ?

• ¿Mbaʼe mbaʼépa ikatu ñanepytyvõ jajepokuaa hag̃ua ñanepotĩ?

Siémpre ñanepotĩ hag̃ua ñañehaʼãmante vaʼerã ha ñañemotiémpo upearã. Ha jajapokuaa upéva tahaʼe haʼéva pe lugár jaikoha ha nodependéi pe pláta jarekóvare. Ehecha pe VIDÉO, ha upéi erresponde ko porandu:

• ¿Mbaʼérepa jaʼekuaa umi hénte orrespetavetaha Jehovápe ohecháramo ñanepotĩha?

4. Ñamboyketékena umi vísio

Repita térã rejedrogáramo katuete reikuaa ijetuʼuha jaheja hag̃ua koʼã vísio. Péro, ¿mbaʼépa nepytyvõkuaa? Epensa mbaʼéichapa ndeperhudika umíva. Elee Mateo 22:37-39, ha upéi ekomenta mbaʼéichapa pe opitáva térã ojedrogáva operhudika:

• iñamista Jehovándi.

• ihénte ha iñamigokuérape.

Eplanea mbaʼépa rejapóta resupera hag̃ua nde vísio. b Ehecha pe VIDÉO.

Elee Filipenses 4:13, ha upéi erresponde ko porandu:

• ¿Mbaʼéichapa koʼã mbaʼe oipytyvõta peteĩ persónape oheja hag̃ua ivísio: oñemboʼe meme, ostudia la Biblia ha oho meme rreunionhápe?

 5. Aníkena eheja ipuʼaka nderehe umi pensamiénto ha práktika ikyʼáva

Elee Colosenses 3:5, ha upéi erresponde koʼã porandu:

• ¿Mbaʼérepa jaʼekuaa peteĩ persóna ikyʼaha Ñandejára renondépe ohecháramo pornografía, ojejavykýramo térã oguerahaka ha orresivíramo mensáhe, fóto térã vidéo tieʼỹ?

• ¿Ndépa ere ikatuha ñanepotĩ opa mbaʼépe Jehová oipotaháicha? ¿Mbaʼérepa repensa upéicha?

Ehecha mbaʼépa ikatu jajapo ani hag̃ua ipuʼaka ñanderehe umi pensamiénto kyʼa. Ehecha pe VIDÉO.

Jesús oipuru vaʼekue peteĩ komparasión ohechaukáva tekotevẽha jajapo ikatúva entéro ñanderekopotĩ hag̃ua. Elee Mateo 5:29, 30, ha upéi erresponde ko porandu:

• Pe ehémplo Jesús oipuru vaʼekue ndeʼiséi ñañelastima vaʼerãha ñandejupe voi, síno ohechauka ñandedesidído vaʼerãha ha ñakambia tekotevẽhápe ijetuʼúramo jepe. ¿Mbaʼeichagua kámbiopa ojapo vaʼerã peteĩ persóna omboykete hag̃ua umi pensamiénto kyʼa? c

Oiméramo nde reñehaʼãmbaite hína remboyke hag̃ua umi pensamiénto kyʼa, nemanduʼákena Jehová ovaloraha pe esfuérso rejapóva. Elee Salmo 103:13, 14, ha upéi erresponde ko porandu:

• ¿Mbaʼéichapa ko téxto ikatu nepytyvõ resegi hag̃ua reñehaʼã oiméramo rehejase hína peteĩ práktika kyʼa?

 RRESÚMEN

Ikatu hag̃uáicha Jehová ñandeguerohory ñanepotĩ vaʼerã ha ipotĩ vaʼerã avei umi mbaʼe ñapensáva, jaʼéva ha jajapóva.

Rrepáso

• ¿Mbaʼérepa iñimportantete ñanepotĩ opa mbaʼépe?

• ¿Mbaʼépa ikatu rejapo nepotĩ hag̃ua siémpre?

• ¿Mbaʼépa ikatu rejapo ipotĩ hag̃ua siémpre umi mbaʼe repensáva ha rejapóva?