Ngäbäkre tare meyekwe ye meyeta ükete juankäre kwelate ye bämike ja okwäte. Monso yekwe jübani, dän bätäninte tä bätä aune tä ja ükaninte kwin ye meyekwe miri gare jai. Ye köböire monso ye tä kwin, yebiti meye aune rün tö tuabätä kwin tä bämike ni madai. Ye erere arato, Jehová ni Rün ni tarekä tö ni tuai ja ngwen kwin ja ngrabare, blita nikwe, kukwe nuain aune töbika ño yebiti arato (moral). Ja ngwanta mrebe ye kwin ni kräke aune tä blite kwin Ngöböbätä.

1. ¿Ño ja ngüba raba mrebe ja ngrabarebiti?

“Munkwe nüna deme” nieta Jehovakwe nie (1 Pedro 1:16). Ja ngwankäre deme ni tädre mrebe ja ngrabare, ja töi, blita aune kukwe nuain yebiti. Käre nita jüben, nita dän bätete, ju ükete mrebe, karo jakwe bätete, ja ükete kwin, aune sribire siba Ju Ja Ükarakrö bätätebätä yebiti nita bämike nita ja ngwen mrebe ja ngrabarebiti. Nikwe ja ngwain mrebe ngwane, ni mada töi raba nemen Jehová käikitakabätä (2 Corintios 6:3, 4).

2. ¿Ni tädre mrebe yekäre drebätä ja krie mikadre?

Bibliata niere: “kukwe käme tä ni ngrabare bätä ni töite ye nikwe bätädrete ja mikakäre deme” (2 Corintios 7:1). Ye medenbätä kukwe raba ni ngrabare o ni töi mike käme ye nita ja töi mike ñaka nuainne jire. Kukweta ni töite ye käi tädre juto Jehovabätä ie ni tö, aisete nita ja di ngwen ñan töbike kukwe kämebätä (Salmo 104:34). Ne madakäre, käre nita ja di ngwen kukwe kwin aibe niere (mäkwe ñäkä Colosenses 3:8 yebätä).

¿Dre mada raba ni mike käme? Jondron ruäre raba ni ngrabare mike käme. Ñodre ñaka sö duadre, coca kwetadre tute, ñaka ja drogadre o ñaka kräkä ñadre krubäte medei nie yebätä. Nikwe ja ngübaibiti kukwe ne ererebätä ngwane, ni täi kwin aune Jehovakwe ja nire biani nie ye ütiäte ni kräke nikwe bämikai. Ni tädre mrebe, ja töi, blita aune kukwe nuain yebiti yekäre ja di ngwandre ñaka kukwe blo nuainne, ñodre küdrere akwle jabätä (masturbarse) o ni üai butiere tuin (pornografía) (Salmo 119:37; Efesios 5:5). Ñan raba nemen nuäre kukwe blo ne tuanmetrekäre, akwa Jehovata juto biare ni dimikakäre (mäkwe ñäkä Isaías 41:13 yebätä).

 JA TOTIKE BÄRI NGUSETA

3. Ja ükateta kwin ye tä Jehová käi kitekä

Jehovakwe kukwe biani juta Israel kira ie yebätä nita ñäke ngwane, nünandre mrebe ye ütiäte krubäte niara kräke ye tä nüke gare nie. Ñäkädre Éxodo 19:10; 30:17-19 yebätä aune kukwe ne kädriere jabe:

• ¿Nünandre mrebe yebätä Jehová töita ño mikata gare bersikulo nekänti?

• ¿Käre mä rabadre dre nuainne nünankäre mrebe?

ünandre mrebe yekäre kä ribeta jai aune ja di ngwandre. Nita nüne medente, ni ngwian bäkäne o ni bobre akwa ni raba nüne mrebe. VIDEO mikadre ñärärä, biti kukwe ne kädriedre jabe:

• Nitre ie nita kukwe driere yei jondron nikwe jutuai mrebe ngwane, ¿raba nemen Jehová mike bäri ütiäte jai? ¿Ñobätä?

4. Kukwe blo ye ganainne

Mä sö duaka o droga duaka ngwane, kukwe ne kwrere tuadremetre ye ñan nuäre gare kwin mäi. ¿Dre raba mä dimike? Kukwe nuainta mäkwe ye tä mä mike nüne ño yebätä töbiketari. Ñäkädre Mateo 22:37-39 yebätä biti blitadre sö aune droga dua ye tä kukwe blo mike bare ño...

• ... ni ja ketaka Jehovabe yebätä.

• ... ni ja mräkäre aune nitre mada yebätä.

Mä raba dre nuainne kukwe blo ganainkäre yebätä töbike. a VIDEO mikadre ñärärä.

Ñäkädre Filipenses 4:13 yebätä aune kukwe ne kädriedre jabe:

• ¿Oradre, ja tötikadre Bibliabätä, nändre gätäbätä ye raba ja di bien nie sö dua aune kukwe blo nuainta ye tuanmetrekäre raba ruin mäi? ¿Ñobätä mä tä töbike kore?

 5. Töbika käme aune kukwe blo nuainta ye rüere ja mike

Ñäkädre Colosenses 3:5 yebätä aune kukwe ne kädriedre jabe:

• Ni üai butiere tuadre, sexteo b aune küdrere akwle jabätä, ¿ye kukwe käme krubäte Jehová kräke ñokänti gare nie?

• ¿Nikwe ja ngwandre mrebe ja töi, kukwe nieta aune kukwe nuainta yebiti, ribeta Jehovakwe nie ye kwin raba ruin mäi? ¿Ñobätä?

Ño ja mika raba töbika käme rüere ye mike gare jai. VIDEO mikadre ñärärä.

Ni tö ja ngwain mrebe töi, blita aune kukwe nuainta yebiti ngwane, töi kwatibebiti nikwe kukwe ruäre nuaindre ye driekäre nie Jesukwe kukwe keteiti bämikani. Ñäkädre Mateo 5:29, 30 yebätä aune kukwe ne kädriere jabe:

• Nikwe ja nuaindre tare ye ñan ai niebare Jesukwe, ñakare aune nikwe kukwe ruäre diandre nuaindre jai ye gäräbare kwe. ¿Dre nuaindre drekebe ngwarbe kukwe käme ye diankakäre ja töite? c

Mä niena ja di ngwen töbika käme ganainkäre ngwane, mäta ja di ngwen ye ütiäte krubäte Jehová kräke. Ñäkädre Salmo 103:13, 14 yebätä aune kukwe ne kädriedre jabe:

• Mäta ja di ngwen kukwe käme ye ganainkäre ngwane, ¿bersikulo ne raba ja di bien mäi raba ruin mäi? ¿Ñobätä?

 ¿DRE NIBI GARE MÄI?

Ja ngrabarebiti, ni töi, nita blite aune nita kukwe nuainne ye tä mrebe ngwane nita kä mike juto Jehovabätä.

Ngwankäreta törö

• ¿Ni tädre mrebe ye ñobätä ütiäte?

• ¿Ni ngrabare tädre mrebe yekäre nikwe dre nuaindre?

• ¿Nita kukwe nuainne aune ni töi tädre käre mrebe yekäre nikwe dre nuaindre?