Gambarka seiku indai ke benung nyikap anak iya sebedau ke sekula. Iya nentuka anak iya udah mandi lalu gari iya beresi sereta kemas. Utai tu amat beguna ke pengerai anak iya. Orang ke meda anak nya deka nemu apai indai iya nyaga iya enggau manah. Apai kitai ba serega mega dekaka kitai beresi—ukai semina ba tubuh tang mega ba moral. Lebuh kitai beresi, kitai empu deka bulih penguntung, lalu kitai deka mai mulia ngagai Jehovah.

1. Baka ni kitai mengkang beresi ba tubuh?

Jehovah ngasuh kitai: “Diau kudus.” (1 Peter 1:16) Leka jaku kudus bisi kaul enggau pemeresi ba tubuh enggau ba moral. Nya alai, kitai patut selalu mandi, nentuka gari, rumah, enggau perengka pengangkut kitai beresi enggau kemas. Kitai mega ulih nulung meresika Palan Gempuru. Lebuh kitai seruran beresi, kitai ngemuliaka Jehovah.—2 Korint 6:3, 4.

2. Nama utai ke patut diseliahka kitai ngambika mengkang beresi?

Bup Kudus nangkan kitai ngambika “nuchi diri empu ari semua utai ti ngamahka tubuh enggau roh.” (2 Korint 7:1) Reti nya, kitai patut nyeliah ari sebarang utai ke ulih ngamahka tubuh sereta runding kitai. Ambika chunto, kitai deka nulak runding enggau jaku ti kamah.—Bacha Kolosi 3:8; Masmur 104:34.

Kelimpah ari nya, kitai ulih nentuka tubuh kitai beresi enggau nyeliahka diri ari tebiat baka nginsap, makai sirih, ngunyah buah pinang, sereta salah ngena dadah. Enggau nyeliahka utai nya, kitai deka nyadi gerai agi lalu nunjukka diri bebasaka nyawa. Kitai mega patut nyeliahka diri ari utai ti ngamahka moral baka ngeluchu a sereta meda pornografi. (Masmur 119:37; Epesus 5:5) Endang enda senang muai tebiat ke baka tu, tang Jehovah ulih nulung kitai mujur.—Bacha Isaiah 41:13.

 BELAJAR MAYUH AGI

3. Beresi ba tubuh ulih ngemuliaka Jehovah

Kitai ulih meretika runding Jehovah pasal pemeresi enggau belajarka pesan ti diberi Iya ngagai orang Israel. Bacha Pemansut 19:10 enggau 30:17-19, udah nya kerandauka tanya tu:

• Nama runding Jehovah pasal pemeresi ba tubuh?

• Nama tebiat ti manah ke ulih nulung nuan mengkang beresi?

Enda ngira dini alai kitai diau, kaya tauka seranta, kitai agi ulih nyaga pemeresi. Utai ti beguna agi, kitai sanggup ngena awak sereta bebendar ngereja pengawa nya. Mainka VIDEO, lalu kerandauka tanya tu.

• Nama kebuah orang ke alai kitai nginjil deka agi bebasaka Jehovah lebuh sida meda utai ke dikena kitai beresi?

4. Buai tebiat ti enda manah

Enti nuan nginsap tauka salah ngena dadah, nuan engka ngasaika nya amat tusah deka badu. Tang nuan ulih mutarka nya enggau berundingka empas ti enda manah ari tebiat nya. Bacha Matthew 22:37-39, lalu kerandauka baka ni nginsap tauka salah ngena dadah ulih ngachau . . .

• kaul seseiku orang enggau Jehovah.

• diri sebilik enggau orang bukai.

Gaga pelan kena muai tebiat ti enda manah. b Mainka VIDEO.

Bacha Pilipi 4:13, lalu kerandauka tanya tu:

• Baka ni besampi, belajarka Bup Kudus, sereta datai begempuru enggau tetap ulih meri nuan pengering kena muai tebiat ti enda manah?

 5. Seliahka runding enggau ulah ti enda tuchi

Bacha Kolosi 3:5, lalu kerandauka tanya tu:

• Baka ni kitai nemu pornografi, sexting, c enggau ngeluchu nya utai ti enda tuchi ba Jehovah?

• Ba runding nuan, kati ulih enti Jehovah minta kitai tuchi ba moral? Nama kebuah?

Belajarka chara ngelaban runding ti enda tuchi. Mainka VIDEO.

Sempama ari Jesus nulung kitai nemu kitai patut keran ngereja utai ti betul ngambika mengkang tuchi ba moral. Bacha Matthew 5:29, 30, lalu kerandauka tanya tu:

• Jesus ukai ngasuh kitai ngemediska diri empu, tang iya madahka, kitai patut bebendar muai runding ti kamah. Nama patut digaga seseiku orang kena muai runding ti kamah? d

Jehovah amat gaga ati lebuh Iya meda nuan bebendar ngelaban runding ti enda tuchi. Bacha Masmur 103:13, 14, lalu kerandauka tanya tu:

• Enti nuan benung belaban enggau tebiat ti enda tuchi, baka ni ayat tu ulih meransang nuan ngambika enda ngalahka diri?

 LANSA

Kitai ngagaka ati Jehovah lebuh kitai nentuka tubuh kitai beresi, sereta runding enggau ulah kitai tuchi.

Ulang Kaji

• Nama kebuah nya beguna mengkang beresi?

• Baka ni nuan ulih mengkang beresi ba tubuh?

• Baka ni nuan ulih nentuka runding sereta ulah nuan tuchi?