M’ara teţɛawan tyemmaţ mmi-s bac ad iheggi iman-is ad iṛuḥ ɣer llakul, teţḥadar iwakken ad yili zeddig, axaṭer teẓra belli tezdeg a t-tenfeɛ di ṣṣeḥḥa-s. Ma zeddig weqcic-agi amecṭuḥ, iban belli imawlan-is bedden akken ilaq ɣur-es. Baba-tneɣ n igenwan daɣen yeţţak lqima tameqrant i tezdeg d ṣṣfawa. Yebɣa a nili zeddigit yerna neṣfa di tikli-nneɣ, deg ixemmimen-nneɣ akk-d lehduṛ-nneɣ. Ma nxeddem ayagi, a naf lfayda w’a neţɛuzzu Yahwa.

1. Acu i d lmeɛna-s a nili zeddigit?

Yahwa yefka-yaɣ-d lameṛ-agi: “Ilaq aţ-ţilim d imqeddsen” (1 Buṭrus 1:16, TMN). Akken a nili d imqeddsen, ilaq a nili neṣfa di tikli-nneɣ yerna zeddigit di lǧeţţa-nneɣ. Win zeddigen yessirid yerna yeccucuf, yeţlusu llebsa zeddigen, yessizdig axxam-is, ṭṭumubil-is akk-d leḥwayeǧ nniḍen i gesɛa. Mkul yiwen yezmer daɣen ad iţekki deg usizdeg n Tzeqqa n Tgelda. Ma nella zeddigit, a neţɛuzzu Yahwa (2 Ikurintiyen 6:3, 4).

2. Acu-tent leḥwayeǧ umi i glaq a nexḍu akken a nili neṣfa?

Adlis Iqedsen yeṭṭalab-aɣ-d ɛinani “an-nessizdeg iman-nneɣ si kra yellan d nnǧasa n tnefsit akw-d ṛṛuḥ” (2 Ikurintiyen 7:1). Lmeɛna-s, ilaq a nexḍu i wayen akk ara ɣ-iḍurren di lǧeţţa-nneɣ, di tikli-nneɣ akk-d leɛqel-nneɣ. Akken a s-ɛeǧben ixemmimen-nneɣ i Yahwa, ilaq a nekkes akk seg iqerra-nneɣ ayen ur nwulem ara (Ahellil 19:15). Ilaq a neţḥadar daɣen ɣef wamek i nheddeṛ (ɣer-ed Ikulusiyen 3:8).

D acu i gzemren ad yessemsex lǧeţţa-nneɣ neɣ tikli-nneɣ? Kra n leḥwayeǧ am dduxxan, ccemma neɣ lkif iban ţḍurrun. Ɣef wayagi i glaq a sen-nexḍu akken a nesɛu ṣṣeḥḥa yelhan yerna a d-neţbeggin leqder i tudert, yellan ţ-ţukci sɣur Ṛebbi. Win yeṣfan di tikli-ines ixeddem daɣen lmeǧhud bac ad yexḍu i wayen umi qqaren s tṛumit “lapuṛnugṛafi” a yerna ur yeslufuy ara i tuzzuft-ines s yir ccehwa (ayen umi i neqqar “tuzzuft” d leḥwayeǧ yessṛen n wergaz neɣ d leḥwayeǧ yessṛen n tmeṭṭut) (Ahellil 119:37; Ifasusiyen 5:5). Ur yeshil ara a nexḍu i lefɛayel-agi ur neṣfi ara, meɛna nezmer a neţkel ɣef lemɛawna n Yahwa (ɣer-ed Icɛaya 41:13).

 A NNADI A NEFHEM AKTEṚ

3. Tezdeg teţţarra lɛezz i Yahwa

Lumuṛ i gefka Yahwa i wat Isṛayil ţbegginen-d amek i geţwali tezdeg. Ɣret-ed Tuffɣa 19:10 akk-d 30:17-19, mbeɛd hedṛet ɣef yesteqsiyen-agi:

• D acu i ɣ-sselmaden yefyar-agi ɣef wamek i geţwali Yahwa tezdeg?

• D acu-tent leḥwayeǧ i glaq aţ-ţxeddmeḍ akken aţ-ţiliḍ d azedgan?

Iwakken a nessizdig iman-nneɣ d leḥwayeǧ i nesɛa, ilaq lweqt akk-d lmeǧhud. Meɛna, nezmer a nili d izedganen anda yebɣu yili wemkan anda i neţɛici, yerna ama d imeṛkantiyen i nella ama d iẓawaliyen. Walit BIDYU-YAGI, mbeɛd hedṛet ɣef westeqsi i d-iţeddun.

• Ma nella zeddigit yerna leḥwayeǧ i nesɛa ṣeggment, d acu ara d-inin ɣef Yahwa wid umi i neţberriḥ?

4. Ayen ara ɣ-iɛiwnen bac a nexḍu i lexdayem ur neṣfi ara

Win yeţkeyyifen dduxxan neɣ itessen lkif yeẓra belli yewɛeṛ mliḥ ad yeḥbes. Ma yeɛna-k wayagi, xemmem ɣer wayen swayes i gezmer a d-yeglu di tudert-ik. Ɣret-ed Matta 22:37-39, mbeɛd hedṛet ɣef yesteqsiyen-agi: Ma yeţkeyyif walbeɛḍ neɣ itess lkif, amek i gezmer ad iḥaz wayagi...

• lɛalaqa-ines akk-d Yahwa?

• tawacult-is d wid i s-d-yezzin?

Ma tesɛiḍ yir tannumi, xdem ayen i glaqen akken a s-texḍuḍ b. Walit BIDYU-YAGI.

Ɣret-ed Ifilibiyen 4:13, mbeɛd hedṛet ɣef westeqsi-yagi:

• Ma neţnaɣ d yiman-nneɣ akken a nexḍu i yir tannumi, amek i tezmer a ɣ-tɛiwen tẓallit, tɣuri n Wedlis Iqedsen akk-d inejmuɛen?

 5. Ayen ara ɣ-iɛiwnen bac a neɣleb ixemmimen akk-d lefɛayel ur neṣfi ara

Ɣret-ed Ikulusiyen 3:5, mbeɛd hedṛet ɣef yesteqsiyen-agi:

• Ayɣer i nezmer a d-nini belli lefɛayel-agi ur ṣfin ara zdat n Yahwa: “lapuṛnugṛafi”, aslufuy n tuzzuft s yir ccehwa, d wayen akk icudden ɣer lɛaṛ ara yeţţuceggɛen s umiṣaj neɣ s Internet?

• Eɛni yeṭṭalab-aɣ-d Yahwa ayen umi ur nezmir ara bac a nili neṣfa di tikli-nneɣ? Acuɣer?

Nezmer a neɣleb ixemmimen ur neṣfi ara. Walit BIDYU-YAGI.

Ɛisa yefka-d yiwen n lemtel akken a d-yessken d acu i glaq a nexdem bac a neqqim neṣfa di tikli-nneɣ. Ɣret-ed Matta 5:29, 30, mbeɛd hedṛet ɣef westeqsi-yagi:

• Ɛisa ur yebɣi ara a d-yini belli ilaq a nḍurr iman-nneɣ, meɛna ilaq a nexdem ayen iwulmen mebla leɛḍil. Acu-ten lmeǧhudat i glaq a nexdem akken a nekkes seg iqerra-nneɣ ixemmimen ur neṣfi ara c?

Ma txeddmeḍ lmeǧhudat akken aţ-ţɣelbeḍ ixemmimen ur neṣfi ara, ulac akk ccekk, Yahwa a k-ibarek ɣef lmeǧhudat-inek. Ɣret-ed Ahellil 103:13, 14, mbeɛd hedṛet ɣef westeqsi-yagi:

• Ma yella teţnaɣeḍ d yiman-ik akken aţ-ţexḍuḍ i yir tannumi, amek ara k-ɛiwnen yefyar-agi bac aţ-ţkemmleḍ lmeǧhudat-ik?

 AYEN I D-NELMED

Ma neṣfa di tikli-nneɣ akk-d ixemmimen-nneɣ yerna zeddigit, neţɛuzzu Yahwa.

A d-nesmekti

• Tezdeg akk-d ṣṣfawa sɛant lqima. Iwacu?

• Acu i d lmeɛna-s aţ-ţiliḍ zeddigeḍ?

• Acu i d lmeɛna-s aţ-ţiliḍ teṣfiḍ di lefɛayel-ik akk-d ixemmimen-ik?