Анэм и къуэр школым щІигъэкІыну егъэхьэзыр. Ар йоплъ абы и щыгъыныр къабзэу щытрэ щымытрэ икІи и къуэ цІыкІум зитхьэщІарэ зимытхьэщІарэ. Адэ-анэм деж мыхьэнэшхуэ иІэщ я быныр узыншэу щытыным икІи ахэр фІыуэ сабийм зэрыкІэлъыплъыр адрейхэми ялъэгъуным. Ди Адэ Иеговэ хуейщ дэ ІэпкълъэпкъкІи, акъылкІи, гукІи къабзэу дыщытыну, ди дуней тетыкІэри къабзэу щытыну. Къабзагъэр дэркІэ сэбэпщ икІи абыкІэ Алыхьыр догъэлъапІэ.

1. Къабзэлъабзэу дапхуэдэу дызэрыщыт хъунур?

«ЛъапІэ фыхъун хуейщ»,— къыджеІэ Иеговэ (1 Петр 1:16). ЛъапІэу ущытыным хохьэ ІэпкълъэпкъкІи, акъылкІи, гукІи къабзэу ущытыныр икІи уи дуней тетыкІэри къабзэу щытыныр. Къабзэу дыщытын щхьэкІэ, дэ щІэх-щІэхыурэ зыдгъэпскІын хуейщ икІи ди щыгъыныр, унэр, машинэр къабзэу, тэмэму зэрыщытыным дыхущІэкъун хуейщ. Иджыри дыщызэхуэс Унэхэр зэщІэкъуэным дыхэт хъунущ. Къабзагъэм дызэрыкІэлъыплъымкІэ дэ Иеговэ щІыхь къыхудохь (2 Коринф 6:3, 4).

2. Къабзэу дыщытын щхьэкІэ, сытым пэІэщІэ зыхуэтщІын хуей?

Библием дыкъыхуреджэ: «Дипкърэ дигурэ зыгъэуфІей псори зыхэдвгъэгъэкъэбзыкІ» (2 Коринф 7:1). Абы къыхэкІкІэ, ди Іэпкълъэпкъри, ди акъылри зыуфІеифыну псоми пэІэщІэ захудощІ. Иеговэ и жагъуэ дымыщІын щхьэкІэ, дэ гупсысэ мыхъумыщІэхэми ди къарум къызэрихькІэ добэн (Псалом 104:34). Абы нэмыщІ дыхущІокъу псалъэ фІейхэмрэ цІыхум и пщІэр езыудых псалъэхэмрэ зэрыжыдмыІэным. (Къеджэ Колоссэ 3:8.)

Ди Іэпкълъэпкъри ди акъылри сыт иджыри зыуцІэпІынкІэ хъунур? Дэ ди узыншагъэм зэран хуэхъун зыри зэтхьэлІэ хъунукъым. Аращ дэ сыт хуэдэ тутын лІэужьыгъуэри щІызыІудмылъхьэр икІи дохутырым тхуимытхамэ, наркотик зыхэлъ лъэпкъ щІызэдмыхьэлІэр. Ахэр зэдмыхьэлІэмэ, дэ ди узыншагъэр тхъумэнущ икІи Алыхьым тыгъэу къыдита гъащІэм пщІэ зэрыхуэтщІыр къэдгъэлъэгъуэнущ. Дэ къабзэу дыкъэнэнущ, мастурбациемрэ порнографиемрэ пэІэщІэ зыхуэтщІмэ (Псалом 119:37; Ефес 5:5). Апхуэдэ Іуэхугъуэ фІейхэр хьэл пхуэхъуамэ, ахэр тыншу пхузыхэнынукъым, ауэ Иеговэ къызэрыддэІэпыкъум и фІыгъэкІэ дэ абыхэм дытекІуэфынущ. (Къеджэ Исайя 41:13.)

 НЭХЪ КУУУЭ ХЭПЛЪЭ

3. Къабзэлъабзагъэм Иеговэ егъэлъапІэ

Алыхьым израил лъэпкъым иритауэ щыта унафэхэм дыхэплъэмэ, ар къабзагъэм зэрыхущытым теухуауэ нэхъыбэ къэтщІэнущ. Исход 19:10; 30:17—19 итым къеджи мы упщІэхэм егупсыс:

• Иеговэ къабзагъэм хуиІэ еплъыкІэм теухуауэ мы едзыгъуэхэм сыт къыдагъащІэр?

• Сыт хьэл пхуэхъун хуейр, сытым дежи къабзэлъабзэу ущытын щхьэкІэ?

Къабзэлъабзэу ущытыным, дауикІ, зэмани къаруи токІуадэ. Ауэ дэ дэнэ дыщымыпсэуми, ахъшэ дапщэ димыІэми, псори къабзэлъабзэу дыщытыфынущ. ВИДЕОМ еплъи мы упщІэхэм егупсыс:

• ХъыбарыфІыр щыдгъэІукІэ ди теплъэр, ди щыгъыныр, хьэпшыпхэр къабзэу, екІуу щІыщытын хуейр сыт? КъабзэлъабзагъэмкІэ Иеговэ и цІэр дауэ зэрыдгъэлъапІэр?

4. Хьэл фІейхэр зыхэдныфынущ

Тутын уефэмэ е наркотик зэпхьэлІэмэ, уэ пщІэуэ къыщІэкІынщ ахэр хыфІэбдзэну зэрымытыншыр. АбыкІэ сыт къыбдэІэпыкъуфынур? А хьэл фІейр уэ зэран къызэрыпхуэхъум егупсыс. Маттэ 22:37—39 итым къеджи егупсыс тутынымрэ наркотикымрэ зэран зэрыхуэхъум:

• Иеговэрэ цІыхумрэ я зэхуаку дэлъ ныбжьэгъугъэм;

• цІыхум и унагъуэм щыщхэмрэ ар къэзыухъуреихь адрей цІыхухэмрэ.

Хьэл фІейр зыхэбнын щхьэкІэ пщІэн хуейхэр тхы a. ВИДЕОМ еплъ.

2 Коринф 4:7 итым къеджи мы упщІэм егупсыс:

• ЩІэх-щІэхыурэ Иеговэ лъэІукІэ зэрызыхуэдгъазэм, Библиер зэрыдджым, зэІущІэхэм дызэрыкІуэм дапхуэдэу къару къызэрыдатыр хьэл фІейм дытекІуэну?

 5. ЩытыкІэ къемызэгъымрэ гупсысэ фІейхэмрэ ебэн

Колоссэ 3:5 итым къеджи мы упщІэхэм егупсыс:

• Иеговэ и деж порнографиер, секстингыр, мастурбациер Іуэху фІейуэ зэрыщытыр дэнэ дэ щытщІэр?

• Къабзагъэм теухуауэ Иеговэ къытхуигъэув унафэхэм Іущагъ хэлъу къэплъытэрэ? КъыдгурыгъаІуэ.

Гупсысэ фІейхэм узэребэн хъунум теухуауэ къащІэ. ВИДЕОМ еплъ.

Къабзэу укъэнэну зэран къыпхуэхъу псори занщІэу ІэщІыб пщІын хуейщ. Абы теухуауэ Хьисэ щапхъэфІ къихьауэ щытащ. Маттэ 5:29, 30 итым къеджи мы упщІэм егупсыс:

• Хьисэ жиІа псалъэхэм къикІыр ныкъуэдыкъуэ зытщІыжын хуейуэ аракъым, атІэ зэран къытхуэхъуу хъуар къэгъазэ имыІэу занщІэу пыдудын зэрыхуейращ. Сыт цІыхум ищІэ хъунур, гупсысэ фІейхэм зыщихъумэн щхьэкІэ? b

Гупсысэ фІейхэм утекІуэн щхьэкІэ епхьэлІэ къарур Иеговэ лъапІэу зэрилъытэр зыщомыгъэгъупщэ. Псалом 103:13, 14 итым къеджи мы упщІэм егупсыс:

• Ди Іэр едмыхьэхыу хьэл фІейхэм адэкІи дебэныну мы едзыгъуэхэр дапхуэдэу къызэрыддэІэпыкъур?

 КЪЭПЩЫТЭЖ

Ди Іэпкълъэпкъыр, ди гупсысэхэр, ди щытыкІэр къабзэу зэрытхъумэм Иеговэ егъэгуфІэ.

Мы упщІэхэр зэгъусэу зэпкърыфх:

• Къабзэу ущытыным мыхьэнэшхуэ щІиІэр сыт?

• Къабзэлъабзэу дауэ узэрыщытыфынур?

• Уи гупсысэхэмрэ уи щытыкІэмрэ къабзэу щытын щхьэкІэ, сыт пщІэ хъунур?