Takorlooruk anaanaasup ernini atuariar­tus­sal­luni piareersar­toq ikioraa. Timik­kut atisatigullu ipiitsuunis­saa qulak­keer­paa. Erneratami ipiitsuunera isumagin­nil­luar­tunik angajoq­qaaqar­neranut ersiutaas­saaq peq­qis­suunis­saanullu iluaqutaas­sal­luni. Taamatut­taaq Ataatatta Jehovap asan­nit­tup uagut timik­kut, eqqarsar­taatsik­kut, oqaatsik­kut iliuutsik­kullu minguitsuunis­sar­put kis­saatigaa. Minguitsuuner­pummi uagutsin­nut iluaqutaasar­poq Jehovamullu ataq­qinaataasarluni.

1. Timikkut qanoq minguitsuusinnaavugut?

Jehovap ima peq­quaatigut: “Illernartuussaasi.” (Petrusimit 1. 1:16) Iller­nar­tuus­sagutta timik­kut, eqqarsar­taatsik­kut, oqaatsik­kut iliuutsik­kullu minguitsuusariaqar­pugut, minguitsuunitsigummi Jehova ataq­qinarsisit­tar­par­put. Timik­kut minguitsuunis­satsin­nut ilaap­put uffar­tar­neq, ipiitsunik atisaqar­tar­neq aamma angerlarsimaf­fitta biilit­talu torersuutil­lugillu eqqiluitsuutin­nis­saat. Aamma ataatsimiit­tarfitsin­nik eqqiaaqataasarsin­naavugut. – Korintimiunut 2. 6:3, 4.

2. Minguitsuussagutta suut ileqqorinaveersaassavagut?

Biibilimi ima allas­simavoq: “Timitsinnik isumatsinnillu mingutsitsisartut suulluunniit piiarlugit minguiarniarta.” (Korintimiunut 2. 7:1) Taamaat­tumik timik­kut isumak­kullu ajoqutigisin­naasagut iliuuserinaveersaar­tar­pagut. Eqqarsaatigut Jehovamut iluarinar­tooq­qul­lugit minguitsunik eqqarsaateqar­niar­tuar­pugut. (Tus­siaat 19:15) Aamma isor­naatsumik oqaloriaaseqar­tar­pugut. – Kolos­simiut 3:8 atuarsiuk.

Allatigut qanoq mingut­tuujunaveersaarsin­naavugut? Timitsin­nut ajoqutaasin­naasut – soorlu tupa, ikiaroor­niutit aan­ngajaar­niutillu – ator­naveersaar­tar­pagut. Taamaalior­taratta peq­qin­neruvugut inuunermillu tunis­sutaasumik qujamasuutigin­nin­ner­put ersersit­tarlugu. Eqqarsar­taatsik­kut, oqaatsik­kut iliuutsik­kullu minguitsoorusuk­katta ilaatigut por­nografiimik isigin­naar­tar­nermik imminullu iner­tit­tar­nermik ileq­qupalaaqar­naveersaar­tar­pugut. (Jobi 31:1; Efesos­simiut 5:5) Ileq­qupalaaqarun­naar­nis­saq saper­narsin­naavoq, Jehovalli ikiuineratigut qaanger­neqarsin­naap­put. – Esaja 41:13 atuarsiuk.

 ITISILIINEQ

3. Eqqiluitsuuneq Jehovamut ataqqinaataavoq

Jehovap itsaq Israalik­kun­nut inatsisaasa atuar­nerisigut paasisin­naavar­put Jehovap eqqiluitsuuneq qanoq pingaar­titsigigaa. Mosesimik 2. 19:10 aamma 30:17-19 atuarsigit apeq­qutillu uku eqqar­torlugit:

• Jehovap eqqiluitsuunermut isigin­nit­taasia pil­lugu allas­simaf­fiit qanoq ilin­niarfigaagut?

• Eqqiluitsuujuarumal­lutit suut ileq­qulius­sin­naavigit?

Eqqiluitsuunis­saq pif­fis­sar­tor­narlunilu ilungersunarsin­naavoq. Eqqiluitsuusin­naavugulli sumiluun­niit najugaqaraluarutta aamma pisuujugaluarutta piitsuugaluarut­taluun­niit. VIDEO takusiuk apeq­qullu tul­liut­toq eqqar­torlugu.

• Sooq oqaluus­sif­figisar­tak­katta Jehova ataq­qinerulersin­naavaat pigisagut torersuutil­lugillu ipiitsuutik­kutsigit?

4. Ileqqupalaat ajugaaffigikkit

Pujor­tar­taruit ikiaroor­niutinil­luun­niit atuisuuguit ileq­qupalaap taamaatin­nis­saa qanoq saper­nar­tigisoq nalus­sagunan­ngilat. Suna iluaqutigisin­naaviuk? Ileq­qupalaat inuunin­nut qanoq sun­niuteqar­toq eqqarsaatigiuk. Matiusi 22:37-39 atuarsigit eqqar­torlugulu tupamik ikiaroor­niutinil­luun­niit atuineq ukunun­nga qanoq sun­niuteqar­nersoq:

• Jehovamik ikin­nguteqar­nermut

• Ilaqut­tanut allanullu

Ileq­qupalaaqarun­naarumal­lutit pilersaarusiorit. a VIDEO takusiuk.

Filippimiut 4:13 atuarsiuk apeq­qullu una eqqar­torlugu:

• Ileq­qupalaaqar­tup qinusar­neq, Biibilimik misis­sueq­qis­saar­tar­neq ataatsimiigiar­tar­nerlu ileq­qupalaaqarun­naar­nis­saminut qanoq iluaqutigis­savai?

 5. Minguttuunik eqqarsaateqarnaveersaarlutillu ileqqoqarnaveersaarit

Kolossimiut 3:5 atuarsiuk apeq­qutillu uku eqqar­torlugit:

• Qanoq nalun­ngilar­put por­nografii, sexting b aamma imminut iner­tit­tar­neq Jehovap isaani mingut­tuujusut?

• Isumaqar­pit Jehovap piumasaqaataa eqqor­til­lugu ileq­qus­satigut minguitsuusin­naasugut? Sooq?

Mingut­tuunik qanoq eqqarsaateqar­naveersaarsin­naasutit paasiniaruk. VIDEO takusiuk.

Jiisusip assersuusiorluni ersersip­paa minguitsuujuarumal­luta pisariaqar­tumik iliuuseqar­tariaqar­tugut. Matiusi 5:29, 30 atuarsigit apeq­qullu una eqqar­torlugu:

• Jiisusip pin­ngilaa imminut timik­kut ajoqusis­sasugut, isumaqar­porli iliuuseqapal­lan­nis­sar­put pisariaqar­toq. Mingut­tuunik eqqarsaateqar­naveersaarumal­luni qanoq iliuuseqar­toqarsin­naava? c

Imaas­sin­naavoq mingut­tuunik eqqarsaateqar­naveersaarumal­lutit ilungersor­tutit. Qularis­san­ngilat Jehovap ilungersor­nerit maluginiarlugulu pingaar­tik­kaa. Tussiaat 103:13, 14 atuarsigit apeq­qullu una eqqar­torlugu:

• Mingut­tuumik ileq­qoqar­naveersaar­nis­saq ilungersuutigigukku allas­simaf­fik iliuuseqar­tuar­nis­san­nut qanoq kajumis­sis­sutigaajuk?

 EQIKKAANEQ

Timik­kut, eqqarsar­taatsik­kut iliuutsik­kullu minguitsuunitsigut Jehova nuan­naar­tit­tar­par­put.

Uteqqiineq

• Sooq minguitsuunis­saq taama pingaaruteqar­tigaa?

• Qanoq eqqiluitsuusin­naavit?

• Eqqarsar­taatsik­kut iliuutsik­kullu qanoq minguitsuujuarsin­naavit?