MURU 40
Ninaire avi ira Mulungu Anionenga Ira Nili Owela?
Kaganizelani vyevyo m’ma wachikondi unaira liye vomukozeeli-eda mwanaye ira adowe usukulu. M’moyo unoonechecha ira mwanaye u-amba koma teto uwara vyowara vyowela. Ira vyevi unokami-a ira mwanoyo akaena thanzi lapama koma teto athu amo-iwa kanoona ira makolwaye kanomusamalela. Pivyofwanafwana na Babi-u wachikondi Yehova. Liye unafuna ira nikalenga owela mwauthuthu, koma teto unafuna ira vyevyo ninaganiza iyo, wonga koma teto ira vitonyi-edenga ira nili owela. Naesaesanga kala owela, vyongo vinoniendela pama koma teto ninolemekeza Yehova.
1. Ninaire avi ira nikale owela mwauthuthu?
Yehova unoniwandela ira: “Mukale owela.” (1 Petulo 1:16) Ira Yehova anionenga ira nili owela ninafuneela kaana makalelo owela koma teto kala owela mwauthuthu. Ninokala owela mwauthuthu akala nina-amba thawi detene, chapa vyowara vi-u, samalela vande koma teto onechecha ira galimoto kapena njingi-u chowela. Teto ninokoza indana chito yoweli-a Nyumba ya Umweni-u. Naesaesanga kala owela mwauthuthu, ninolemekeza Yehova. — 2 Akorinto 6:3, 4.
2. Kodi mbamakalelo avi anayo ninafuneela iyo apewa ira nikale owela?
Baibulo linonilimbi-a ira “niviweli-e teto nichose yongo iliyetene yotakali-a thuthu li-u kapena zimu.” (2 Akorinto 7:1) Vyevi vinatapulela ira ninafuneela pewa iliyetene ineyo inaononge thuthu kapena maganizwi-u. Vyevyo ninaganiza iyo, vinafuneela muomeli-a Yehova. Eeno ninafuneela esaesa ira nipewe vyongo vyotakala. (Salimo 104:34) Ninafuneela teto ira vyoonga vi-u vikalenga vyapama. — Welengani Akolose 3:8.
Kodi pivyongo vimo-i vyiivi vyevyo vinairi-e ira kanikale owela mwauthuthu koma teto mwamakalelo? Viikala vyongo vimo-i vyevyo vinawande ononga thuthu li-u. Eeno ninopewa vyongo monga dja sola, dja chamba, takuna manduwi anayo kanairiwa beteli, takuna matakuru amo-iwene anayo kanairiwa coca, indi-eda chito mirombwe dokoondi-iwa koma teto indi-eda chito mirombwe molakweya. Napewanga vyongo vyevi ninokala athu athanzi lapama koma teto ninotonyi-eda ira ninolemekeza mphaso ya moyo. Ninafuneela teto kala owela mwamakalelo, vopewa makalelo anayo kanairi-e ira kanikale owela, monga vuzuwana vyamunyongani koma teto onela vyolava. (Salimo 119:37; Aifeso 5:5) Kai vyokweya iya makalelo anala, komave Yehova unonikami-eda ira nia-iye. — Welengani Yesaya 41:13.
FUNJEDANI VYOWENJEDELEYA
Onani chifukwa iwa nakala owela mwauthuthu ninalemekezela iyo Yehova koma teto onani vyevyo ninaire iyo ira ni-iye makalelo anayo kanairi-e ira kanikale owela.
3. Nakala owela mwauthuthu ninolemekeza Yehova
Nawelenganga malamulo anayo Yehova apelekile liye umtundu wa Izarayeli ninoona ira Yehova unafuna ira athwaye kakalenga owela. Welengani Ekisodo 19:10 na 30:17-19, era eeno tapanyani vyofuka vyo-arelavi:
-
Kodi mavesala kanatonyi-eda avi ira Yehova unafuna ira athwaye kakalenga auyesa?
-
Pivyongo vyapama vyiivi vyevyo munafuneela nyo panga, ira mukaleve owela mwauthuthu?
Vanofuneela thawi koma teto tindi ira muthu akale wauyesa. Koma pivyowandeya ira vyevi moolandela dela lelo ninakala iyo koma teto ira nili olemela kapena osauwa. Onelani VIDIYO, era eeno tapanyani yofuka yo-arelela.
-
Kodi vyongo vi-u vyasungiwanga mwadongosolo koma teto vyakalanga vyauyesa vinairi-e avi ira athu anayo ninaalaleela iyo kalemekezenga Yehova?
4. Iyani makalelo otakala
Yehova unonikami-a iya makalelo otakala
Akala munadja sola kapena mirombwe doviringani-a ugogo, chifukwa yokeda funa sangalala mwina munoiziwa mwemo vinaruchelaathu iya makalelo anala. Kodi chin’ni ineyo inaukami-eni? Muganizelenga mwemo ira vyevi unakuzeleathu moywinyu. Welengani Mateyu 22:37-39, era eeno tapanyani mwemo dja sola kapena indi-eda chito mirombwe dolakweya vinakuzeleathu . . .
-
usamwali unoyo muthu un’na liye na Yehova.
-
banja la muthu na athu amo-iwa.
Ganizelani mwemo munairele nyo ira muwande iya makalelo otakala. a Onelani VIDIYO.
Welengani Afilipi 4:13, era eeno tapanyani yofuka yo-arelela:
-
Kodi pepela, funjeda Baibulo koma teto pangangana misonkano thawi detene unakami-e avi muthu ira a-iye makalelo otakala?
5. Esaesani iya ganizela noira vyongo vyotakala
Welengani Akolose 3:5, era eeno tapanyani vyofuka vyo-arelavi:
-
Kodi ninaiziwa avi ira onela vyolava, tumizelana mauthenga kapena vyongo vimo-i vyolava koma teto vuzuwana vyamunyongani, Yehova unoviona ira pivyotakali-a?
-
Kodi munaganiza ira pivyovweya ira Yehova unafuna ira nikaengana makalelo owela? Chifukwa n’ni munaonga eeno?
Onani mwemo munairele nyo ira kamuganizelenga vyotakala. Onelani VIDIYO.
Yesu oo-indi-eda chito fanizo lelo linatonyi-eda ira ninafuneela panga vyetene vyevyo ninaande iyo ira nikaleve owela. Welengani Mateyu 5:29, 30, era eeno tapanyani yofuka yo-arelela:
-
Valembali Yesu kaatapulela ira ninafuneela viporecha. Koma atapulela ira ninafuneela panga vyetene vyevyo ninaande iyo ira niirenga vyevyo Mulungu unafuna liye. Kodi muthu unafuneela panga n’ni, ira kaganizelenga vyongo vyotakala? b
Yehova unoyamikela vinjinji mwaesaesanga ira tindi ira mu-iye ganizela vyongo vyotakala. Welengani Salimo 103:13, 14, era eeno tapanyani yofuka yo-arelela:
-
Akala munaesaesa limbana na ikalelo imo-iwene yotakala, kodi lembali linaukami-eni avi ira kamufooke?
Kamutatile murima
Vinokala vyo-orucha ganiza ira ‘Voi ndiira nawili ikalelo yotakalela, ba-i kan’nakwakwani-e i-iya.’ Koma kaganizelani likundo li: Muthu unoyo uli vapikisano otamanga akwakwatuwa nogwa, kavinatapulela ira kanawine pikisanoyo. Kavinatapulela teto ira unafuneela welela dowa ambeela nawili tamanga. Pivyevyo vinaireye akala muwambeele ira akoka ikalelo imo-iwene yotakala. Mwalepela ulendo umo-i oka kavinatapulela ira mulepela limbanana ikaleloyo, teto kavinatapulela ira tindi linyu letene likede dowa vaserele. Vinoireya ambeela akoka ikalelo yotakala, koma vyaireya eno kamutatile murima chifukwa kavinatapulela ira mulepela! Yehova unowanda ukami-edani iya ikalelo yotakaleyo.
ATHU AMO-IWA KANAONGA IRA: “Miyo ndiye vyoosimbwa ndinyowela vinjinji. Moi kan’naande iya.”
-
Kodi muna-indi-ede chito lemba liivi vomukami-a muthuyo iziwa ira Yehova unokoza mukami-a iya ikalelo yotakaleyo?
VYEVYO NIFUNJEDILE IYO
Ninoomeli-a Yehova naesaesanga kala auyesa koma teto napewanga ganizela noira makalelo otakala.
Vyofuka Vyoweli-eda
-
Chifukwa n’ni kala owela kofuneya vinjinji?
-
Kodi munaire avi ira mukale auyesa?
-
Kodi munaire avi ira mupewenga ganizela noira vyongo vyotakala?
ONANI VIMO-I
Pivyongo vyiivi vyevyo munairenyo ira mukale auyesa ngakale ira muli osauwa?
Onani vyevyo munaire nyo ira mu-iye dja sola.
Onani opi-a oonela vyolava.
“Kodi Kuonera Zolaula Kuli Ndi Mavuto Otani?” (Nsanja ya Olonda, August 1, 2013)
Onani vyevyo muthu m’mo-iwa airile liye ira a-iye onela vyolava.
“Ndinasintha Khalidwe Langa Movutikira Kwambiri” (Nsanja ya Olonda Na. 4 2016)
a Khani ya muru woi “N’zotheka Kusiya Fodya,” ineyo inafwanyeya va chigawo yoi Onani Vimo-i m’murula, inosambaula makundo anayo kanakami-e muthu mali-a vuto lodja sola.
b Ira muiziwe vyevyo munairenyo ira kamuvuzuwengana vyamunyongani, onani khani yoi “Kodi Ndingatani Kuti Ndisiye Chizolowezi Choseweretsa Maliseche?” m’buku loi, Mayankho a Zimene Achinyamata Amadzifunsa Buku Lowambeela, muru 25.
