Okwinmay ko tuˈugë uˈunktääk tkaxäˈäny ja nyëëxuˈunk eskuelë, ta dyajtsiˈiy dyajxëtsy ets tjaandëgatsy tpëjktëgatsy parë oy kyëxëˈëgët. Duˈun ja uˈunk yˈoyˈaty myëkˈaty ets oypyënëty tˈixy ko kuentëˈäjtëp ja tyääk. Nanduˈunënë nDeetyˈäjtëmë Jyobaa, tsyojkypy ets nˈijtëm wäˈäts nikëjxy këbajky, nmëdäjtëm wäˈäts ja jot winmäˈäny, kyaj nyajpëtsëˈëmëm ja ääw ayukë axëëkpë ets nyajnëjkxëm wäˈäts ja jukyˈäjtën. Ndukˈoyˈäjtëm ko nnayaˈijtëm wäˈäts ets kyaj pën tkäjpxpäätyë Dios.

1. ¿Wiˈix mbäät nnayaˈijtëm wäˈäts nikëjxy këbajky?

Jyobaa xyˈanmäˈäyëm: “Mˈitëp miitsëty wäˈäts” (1 Peedrʉ 1:​16). Yäˈädë yëˈë yˈandijpy nnayaˈijtëm wäˈäts nikëjxy këbajky ets nyajnëjkxëm wäˈäts ja jukyˈäjtën. Nnayaˈijtëmë nety wäˈäts nikëjxy këbajky, ko xëmë ntsiˈiw nxëjtsëm, nbuj njaˈtsëm ja wit, nyaˈijtëm wäˈäts ja jëën tëjk, ja karrë, ngëëymyujk nwijtsmujkëm tijaty ets nyajwatsëm nanduˈun ja Tëjk mä nˈëxpëjkëm. Pën nnayaˈijtëm wäˈäts mbäädë wiink jäˈäy tmëjkumaytyë Jyobaa (2 Korintʉ 6:​3, 4).

2. ¿Tijaty tsojkëp nmastutëm parë nnayaˈijtëm wäˈäts?

Biiblyë xykyäjpxwijëm ‘ets nyaˈijtëmëty wäˈäts ja niˈkxˈäjt ngopkˈäjtëm ets ja njotˈäjt njäˈäwënyˈäjtëm’ (2 Corintios 7:​1, TY). Pääty, tsojkëp njëjpkudijëm mëdiˈibë mbäät dyaˈˈaxëëgë ja jot winmäˈäny ets ja niniˈkx këbäjk. Ets kom ntsojkëm nanduˈun parë Jyobaa tkupëkët tijaty nwinmäˈäyëm, pääty njëjpkudijëm ja jot winmäˈänyë axëëkpë (Salmo 104:​34). Kyaj nanduˈun nyajpëtsëmäˈänëm ja ääw ayuk mëdiˈibë tsäätsy mäˈät (käjpxë Kolosʉ 3:8).

¿Tijaty mbäät dyajmäˈäty ja jot winmäˈäny o ja niniˈkx këbäjk? Taaˈäjtpë tsooy o droogë mëdiˈibë mbäät dyajmäˈäty ja niniˈkx këbäjk. Pääty kyaj njuˈkëmë ujts o nyajtuˈunëmë wiingatypyë droogë. Ko njëjpkudijëm tukëˈëyë yäˈädë, ta kyaj nnayajpäˈämdëjkëm ets nanduˈun nyaˈijxëm ko nmëjjäˈäwëm ja jukyˈäjtën. Njëjpkudijëm nanduˈunë axëkˈäjtën extëm ko jäˈäy ttony tmatsyë nyax nyiˈkx parë tjawë ko yˈity tsyëënë, ets ko tˈixyë pornografía a (Salmo 119:​37; Éfesʉ 5:5). Mbäät xytsyiptakxëm nmastutëmë yäˈädë axëkˈäjtën, perë Jyobaa xypyudëkëyäˈänëm (käjpxë Isaías 41:​13).

 AK NIJAWË NIˈIGYË

3. Ko nnayaˈijtëm wäˈäts yajmëjpëtsëëmbyë Jyobaa

Ko ngäjpxëm mä Biiblyë wiˈixë Jyobaa ojts ttukˈaneˈemy ja israelitëty ets nyayaˈitëdët wäˈäts, ta njaygyujkëm ko tsyojkypy etsë nyax kyäjpn yˈitët wäˈäts. Käjpxtë Éxodo 19:​10 etsë 30:​17-​19, ets nimaytyäˈäktë mëdiˈibë yä yajtëëpy:

• ¿Wiˈix xytyukˈijxëmë yäˈädë tekstë ko Jyobaa tsyojkypy ets nnayaˈijtëm wäˈäts nikëjxy këbajky?

• ¿Ti mbäät xytyuny parë xëmë mnayaˈitëdët wäˈäts?

Mbäät nnayaˈijtëm wäˈäts oy mä ntsënäˈäyëm, oy nˈayoˈowëm ets oy nmëdäjtëmë meeny sentääbë. Jeˈeyë ko nibäädëyäämp ets yajniduungëyäämp. Ixtë BIDEO ets nimaytyäˈäktë mëdiˈibë yä yajtëëpy:

• Ko jäˈäy tˈixët mä ngäjpxwäˈkxëm ko ak wäˈäts tijaty nmëdäjtëm, ¿mbäädëdaa tmëjkumaytyë Jyobaa? ¿Ets tiko?

4. Nˈokjëjpkudijëm tijatyë niniˈkx këbäjk yajmäˈtypy

Pën mijts mjuˈkp o myajtuumbyë droogë, mnijäˈäwëp yajxon ko tsiptäˈägäämp xymyastuˈudët. ¿Ti mbäät mbudëkëty? Ko xywyinmayët nuˈunën mˈaxëktunyëty. Käjpxtë Matewʉ 22:​37-​39 ets nimaytyäˈäktë wiˈix ko tuˈugë jäˈäy jyuˈuky o dyajtunyë droogë axëktuunëp...

• ... ets kyaj mbäät oy yˈity mëdë Jyobaa.

• ... ja fyamilyë o ja wiink jäˈäy mëdiˈibë jam yajpattëp.

Winmay tijaty mbäät mbudëkëty parë xymyastuˈudëdë juˈuky o droogë. b Ixtë BIDEO.

Käjpxë 2 Korintʉ 4:7 ets nimaytyäˈäktë mëdiˈibë yä yajtëëpy:

• Ko tuˈugë jäˈäy nyuˈkxtäˈägët xëmë o tˈëxpëkëdë Biiblyë ets nyëjkxët reunyonk, ¿mbäädëdaa myoˈoyëty ja jot mëjääw parë tmastuˈudët tuˈugë bisyë? ¿Ets tiko duˈun mwinmay?

 5. Jëjpkudijë jot winmäˈänyë axëëkpë ets tijaty mduunkˈäjtypy

Käjpxtë Kolosʉ 3:5 ets nimaytyäˈäktë mëdiˈibë yä yajtëëpy:

• ¿Wiˈix nnijäˈäwëm ko Jyobaa yˈaxëkˈijxypy ko tuˈugë jäˈäy tˈixyë pornografía, ttony tmatsyë nyax nyiˈkx ets ko nyaytyuknigaxëdë mensaje, bideo o retratë mä yetyëjk toxytyëjk yˈit tsyëënëdë?

• Wiˈix mˈokwinmay, ¿mbäädëdaa nyajnëjkxëmë jukyˈäjtën wäˈäts extëmë Jyobaa ttsoky? ¿Ets tiko duˈun mwinmay?

Nnijawë wiˈix mbäät xyjyëjpkudijë ko mdukminëdët ja jot winmäˈänyë axëëkpë. Ixtë BIDEO.

Jesus pyëjktak tuˈugë ijxpajtën mëdiˈibë xytyukˈijxëm ko tsojkëp netyë ti nduˈunëm parë nnayaˈijtëm wäˈäts. Käjpxtë Matewʉ 5:​29, 30 ets nimaytyäˈäktë mëdiˈibë yä yajtëëpy:

• Jesus kyaj yëˈë tmaytyäˈägany ets nëbujxëm ja këˈë teky o njuˈtëm ja wiin, yëˈë duˈun myaytyäˈägan ko tsojkëp netyë ti nduˈunëm. ¿Ti mbäät nduˈunëm parë netyë njëjpkuwäˈkëm ko xytyukmiˈinëm ja axëëkpë jot winmäˈäny? c

Pën mijts mduumbyë mëjääw parë xyjyëjpkudijë ja jot winmäˈänyë axëëkpë, mbäät mˈity seguurë ko Jyobaa yajtsobatypy. Käjpxtë Salmo 103:​13, 14 ets nimaytyäˈäktë mëdiˈibë yä yajtëëpy:

• Pën jam xyjyamastuˈudäˈäny ja axëkˈäjtën mëdiˈibë mduunkˈäjtypy, ¿mbäädë yäˈädë tekstë mbudëkëty parë xytyuunˈadëˈëtsëdë mëjääw? ¿Ets tiko?

 TI TË NJAJTËM

Mbäädë Jyobaa agujk jotkujk nyajnayjyäˈäwëm, pën nnayaˈijtëm wäˈäts nikëjxy këbajky, pën nmëdäjtëm wäˈäts ja jot winmäˈäny ets pën nyajnëjkxëm wäˈäts ja jukyˈäjtën.

Ajamyatsë

• ¿Tiko jyëjpˈamëty nnayaˈijtëm wäˈäts?

• ¿Ti tsojkëp nduˈunëm parë nnayaˈijtëm wäˈäts nikëjxy këbajky?

• ¿Ti tsojkëp nduˈunëm parë nmëdäjtëm wäˈäts ja jot winmäˈäny ets nyajnëjkxëm wäˈäts ja jukyˈäjtën?