Wasalya nyongo joanhandaa mwana jwaki nsoku ili jujenda kusuli. Juakikisa kwamba mwana juhogiki ni ingobu yaki ibi sapi. Kuhenga hela kunzangati mwana jwaki jubya na afya jasapi na bandu bangi abona kwamba azazi baki antunza sapi. Ndo, Ahengo bitu bunu upalani Yehova, apala tubya sapi kinhyega na kiadili. Patukuba sape, tunufaika na tundete utukufu.

1. Tuwesa bo kuba sapi kinhyega?

Yehova jutupwagi ana: “Lasima mbya mwatakatifu.” (1 Petro 1:​16) Kuba atakatifu kuhusisha kuba sapi kihyega na kiadili. Tuwesa kuba sapi kihyega ku kujoga ku ukawaida nu kudumisha ingobu, nyumba, ni magali gitu gabya sapi. Kabe, tuwesa kujangati kuhenga usafi mu Lijumba litu lu Ufalme. Patudumisha usafi gu kinhyega tundete Yehova utukufu.​—2 Wakorintho 6:​3, 4.

2. Ili tuba sapi, tutaki kujepa mazoea bole?

Bibilia jutuhimiza “tulisapisa kila unajisi gwa nhyega na loho.” (2 Wakorintho 7:1) Hela, tujitaidi kujepa lijambu lokapi leliwesa kuchafu nhyega au akili itu. Mawasu gitu gapaswa kumfulahisha Yehova, basi tujikasa kabisa kujepa mawasu ganga kufaa. (Zaburi 104:34) Kabe, tujikasa kujepa manenu machafu.​—Soma Wakolosai 3:8.

Kibi ki sengi sekiwesa kutuchafu kinhyega au kiadili? Ibi indu yeiwesa kuchafu nhyega jitu. Kwa hiyu, tujepa kuhipaa sigala, kutumi lihona, kumemena milaa au milungi, nu kutumi mitela ju kulobe. Patujepa indu hei, tukuba na afya bola nu tulangi kwamba tuheshimu zawadi ja bwomi. Kabe, tujitaidia kuba na maadili gasapi ku kujepa mazoea giliaha kama kupega punyeto nu kulingali ponografia. (Zaburi 119:37; Waefeso 5:5) Iwesa kuba vigumu kugaleka mazoea haga, lakini Yehova juwesa kutujangati kugaleka.​—Soma Isaya 41:13.

 HEMBA NGANI

3. Usafi gu kihyega guntukuza Yehova

Tuwesa kuelegwa maoni gika Yehova kuhusu usafi ku kusungusa amliyejwapekya Aisraeli ba zamani. Soma Kutoka 19:10 na 30:​17-​19, halafu nndongalya maswali ganga:

• Kulengana ni mistali haje, Yehova jibu ni maoni bo kuhusu usafi gu kinhyega?

• Gabi mazoea bo gagagujangatya kudumisha usafi gu kinhyega?

Tuitaji muda na jitiada ili kudumisha usafi gu kinhyega. Ata hela, tuwesa kudumisha usafi mahali pokapi patutama kukubi twaka maskini au tajiri. Langia KIDEU, alafu ndongalya liswali lelipwata.

• Bandu batwahubili awesa bo kunheshimu Yehova ana tutumi ifaa sapi na nadhifo?

4. Galeka mazoea giliaha

Ana gwe gubi gumlaibu ju kuhipa sigala au kutumi mitela ju kulevya, pangi guelegwa jinsi ekubi vigumu kukotoka mazoea haga. Ki sesagujangatyaje? Holalya madhala gagupata kubokana ni mazoea haga. Soma Mathayo 22:​37-39, alafu nndongalya jinsi kuhuta sigala au kutumi mitela ju kulevya ekuathili . . .

• ukosi guka mundu na Yehova.

• familia jika mundu hoju na bandu baanhyongalota.

Jukua atua ambayu yagujangatya kukotoka mazoea giliaha. a Langia KIDEU.

Soma Wafilipi 4:​13, alafu nndongalya liswali lende:

• Kuba ni mazoea gasapi gu kusali, kulibola Bibilia, nu kuudhuli mikutanu kuwesa bo kunzangati mundu jupata makili gu kukotoka mazoea giliaha?

 5. Jitaidia kukotoka mawasu ni mazoea machafu

Soma Wakolosai 3:​5, halafu nndongalya maswali ganga:

• Tumanya bo kwamba kulingali ponografia, kutuma ujumbi au picha ya ngonu, nu kupega punyetu gabi mazoea machafu pamiu pika Yehova?

• Bo, kuwesikana kupwata shelia ika Yehova kuhusu usafi gu maadili? Ndaba ja kike?

Libola jinsi ju kubowa mawasu machafu. Langia KIDEU.

Yesu jwapia mfanu gogulangi kwamba tupaswa kujuku atua thabiti ili tuendalya kudumisha maadili ga sapi. Soma Mathayo 5:29, 30, halafu nndongalya liswali lende:

• Ingawa Yesu ngasejwamaanishi tupaswa kulisababishi majelaha gi kinhyega, jwalangia kwamba itakiwa tujukua atua fulani. Mundu jutakiwa jujukua atua bo thabiti ili kujepa mawasu machafo? b

Ana gupambana ili kugaleka mawasu machafu, Yehova jusamini jitiada yaku. Soma Zaburi 103:​13, 14, halafu nndongalya liswali lende:

• Ana gupambana ni lizoea lichafu, liandiku ale liwesa kugujangati guendalya kupambana?

 MUHTASALI

Tumfulahisha Yehova patudumisha nhyega, mawasu, na mwenendu gwitu gubya sapi.

Gugajibwa bole?

• Ndaba ja ki kubi muhimu ngani kudumisha usafe?

• Guwesa bo kudumisha usafi gu kinhyega?

• Guwesa bo kudumisha mawasu na mwenendu gwaku gubya sape?