Шоналтыза ава нерген, кудо эргыжым школыш пога. Тудо пален налнеже: эргыже кид ден чурийжым мушкын мо да сай вургемым чиен але уке. Эргыжлан тиде таза лияш полша да весе-влаклан ача-аважын тудын верч тыршымыштым ончыкта. Тиде ава семынак Иегова Ачана физический да нравственный шотышто ару лиймынам ужнеже. Ару улмына мыланнат пайдам конда, мемнан Юмымат чапландара.

1. Кузе физический шотышто ару лияш?

Иегова мыланна ойла: «Святой лийза» (1 Петрын 1:16). Святой лияшлан ме физический да нравственный шотышто ару лийшаш улына. Физический шотышто ару лияшлан эре мушкылтман да, мемнан вургем, пӧрт да машина ару да сай лийышт манын, эре эскерен шогыман. Тыгак ме Вашлиймаш залым эрыктымаште полшен кертына. Физический шотышто ару лиймына дене ме Иеговам чапландарена (2 Коринфян-влаклан 6:3, 4).

2. Могай привычке-влак айдемым лавыртат?

Кап ден шӱлышым чыла лавыртыше деч шкенам эрыкташ Библий кумылаҥда (2 Коринфян-влаклан 7:1). Сандене мо кап ден ушнам амыртен кертеш, чылаж дечынат ме кораҥаш тыршена. Шонымашна дене Иеговам куандарымына шуэш, сандене йӧрдымӧ шонымаш дене кучедалашлан шуко вийым пыштена (Псалом 18:15). Тыгак ме йӧрдымӧ мутланымаш деч да шакше мут-влакым кучылтмо деч кораҥына. (Колоссян-влаклан 3:8 лудын лекса.)

Физический да нравственный шотышто мо эше мемнам амыртен кертеш? Тазалыкым пытарыше вещества-влак. Сандене канашлан але весела лияшлан ме тамакым она шупш да наркотик дене она пайдалане. Тыге ыштен, тазарак лийына да илышым — Юмын пӧлекшым — пагалымым ончыктена. Тыгак ме лавыра привычке-влак деч, мутлан, мастурбаций да порнографийым ончымаш деч кораҥына гын, нравственный шотышто ару кодына (Псалом 118:37; Ефесян-влаклан 5:5). Тыгай привычке-влак деч утлаш куштылго огыл, но Иегован полшымыж дене ме тидым ыштен кертына. (Исайя 41:13 лудын лекса.)

 КЕЛГЫНРАК ШЫМЛЕН НАЛЗА

3. Физический шотышто арулык Иеговам чапландара

Кунам ме акрет годсо Израильлан Иегован пуымо законжо-влакым лудына, тунам умылена, мом Иегова арулык нерген шона. Исход 19:10; 30:17—19 лудын лекса да вашмутым пуыза:

• Нине почеламут-влак дене келшышын, мом Иегова физический арулык нерген шона?

• Могай сай привычке-влак тыланда физический шотышто ару кодаш полшат?

Физический шотышто ару лияшлан жап ден вийым пыштыман. Кеч-кушто илена да кеч-мыняр оксана уло гынат, ме ару лийын кертына. ВИДЕОРОЛИКЫМ ончалза да вашмутым пуыза:

• Молан таныклыме годым тӱжвал тӱсна сай да вургемна ару лийшаш улыт?

4. Кузе уда привычке-влакым сеҥаш?

Те тамакым шупшыда але наркотик дене пайдаланеда гын, очыни, сайын паледа, мыняр чот йӧсӧ тиде привычке деч утлаш. Пален налза, тиде уда привычке деч утлаш мо полшен кертеш. Матфейын 22:37—39 лудын лекса да умылтарыза, кузе тамакым шупшмаш да наркотик дене пайдаланымаш влиятла:

• айдемын Иегова дене кыл кучымашыжлан;

• лишыл ден вес еҥ-влаклан.

Уда привычкым сеҥаш полшышо ошкыл-влакым палемдыза a. ВИДЕОРОЛИКЫМ ончалза.

Филиппысе-влаклан 4:13, УТ лудын лекса да вашмутым пуыза:

• Эре кумалмаш, Библийым шымлымаш да вашлиймаш-влак уда привычкым сеҥаш кузе вийым пуат?

 5. Лавыра шонымаш ден привычке-влак дене кучедалза

Колоссян-влаклан 3:5 лудын лекса да вашмутым пуыза:

• Иегова порнографийым ончымым, секстингым b да мастурбацийым шакшылан шотла манын, кушеч ме палена?

• Иегова мыланна нравственный шотышто ару лияш кӱшта. Кузе шонеда, тыгай кӱштымаш уш-акылан мо? Умылтарыза.

Кузе лавыра шонымаш дене кучедалаш, пален налза. ВИДЕОРОЛИКЫМ ончалза.

Нравственный шотышто ару кодашлан пеҥгыде лийман. Теве могай примерым Иисус конден. Матфейын 5:29, 30 лудын лекса да вашмутым пуыза:

• Иисус ойлен огыл, пуйто шкенам эмгаташ кӱлеш. Тудо ару кодмаште пеҥгыде лияш ойлен. Лавыра шонымаш деч кораҥашлан мом ыштыман? c

Те лавыра шонымаш дене кучедалыда гын, палыза: Иегова тыршымыдам акла. Псалом 102:13, 14 лудын лекса да вашмутым пуыза:

• Кузе нине почеламут-влак тыланда лавыра привычке дене умбакыжат кучедалаш полшат?

 ТӰҤ ШОНЫМАШ

Ару кап ден сай привычке-влак Иеговам куандарат.

Ушештарымаш

• Молан ару лияш кӱлеш?

• Физический шотышто ару лияшлан те мом ыштен кертыда?

• Шонымаш ден привычкыда-влак ару лийышт манын, те мом ыштен кертыда?