KAPITEL 40
Wosoo koine wij rëgen sin soo as God wil?
Dau andenke dat ain mama eene klain jonge antreke däit taum nane schaul gåe. Sai däit nåkijke of hai un em sij tüüg ales rëgen is. Dat is gaud tau dem jonge sijn gesundhët un wijst uk tau dai andrer dat sijn papa un mama em gaud uppasse. Neemlig soo, oos Fåter Jehovaa wil uk dat wij schåle rëgen sin im oosem körper, gedanke un leewend. Ales rëgen hule is gaud tau oos un däit Jehovaa ëre.
1. Wosoo koine wij oose körper un daile rëgen hule?
Jehovaa sägt wij schåle ‘hailig sin’. (1 Pedro 1:16) Dat wij koine hailig sin, wij muite im oosem körper, gedanke un leewend rëgen sin. Wij koine rëgen sin doir oos ümer wasche un dat tüüg, oos huus un dat taum fuiren rëgen hule. Wij koine uk mithelpe dai stel woo wij oos forsamle rëgen måke. Wen wij oos rëgen hule wij daue Jehovaa ëre. (2 Coríntios 6:3 un 4)
2. Wat fon gewoonhëte koine oos drekig måke?
Ine Bijbel stäit wij schåle ‘oos rëgen låte fon al daile wat oosem körper un gedanke drekig mökt’. (2 Coríntios 7:1) Dat bedüürt dat wij oos anstrenge taum kair dail måke wat oosem körper un gedanke schåre kan. Wij wile dat oos gedanke Jehovaa gefale daue. Dårweegen daue wij oos anstrenge taum ni an slechte daile denke. (Salmo 104:34) Wij wile uk nischt säge wat ni rëgen is. (Lees Colossenses 3:8)
Wat fon andrer daile koine oose körper, gedanke un leewend drekig måke? Wek daile koine oosem körper schåre. Dårweegen, daue wij ni rooke un kain drogas benutse. Soo, sin wij gesuuner un daue dem leewend wërd geewe. Wat koine wij nog måke taum oos gedanke un leewend rëgen hule? Oos anstrenge gëgen drekig daile soo as dës: masturbação a måke un pornografia b saie. (Salmo 119:37 un Efésios 5:5) Dat kan ni licht sin dës slechte gewoonhëte besijdlåte, åwer Jehovaa kan oos helpe dit oiwerståe. (Lees Isaías 41:13)
DAU MËR LËRE
Dau saie woweegen wen wij rëgen sin daue wij Jehovaa ëre. Un dau uk saie wosoo drekig gewoonhëte oiwerståe.
3. Oose körper un daile rëgen hule däit Jehovaa ëre
Wen wij oiwer dai geboote leese wat Jehovaa geewt hät tau dem Israel folk, daue wij lëre dat tau em feele wërd hät dat sij folk rëgen is. Leest Êxodo 19:10 un 30:17 bet 19. Nåheer fortelt oiwer dai frågen hijr uuner:
-
Wat lëre dës sprüüch in oiwer dat wat Jehovaa maint oiwer der körper un dai daile rëgen hule?
-
Wat fon gaure gewoonhëte koine dij helpe der körper un dai daile rëgen hule?
Brüükt anstrengen un tijd taum sich rëgen hule. Åwer dat kan man måke, hät nischt sägen woo wij wåne urer of wij rijk urer arm sin. Kijkt der VIDEO. Nåheer fortelt oiwer dai fråg hijr uuner:
-
Woweegen oos daile rëgen hule kan Jehovaa ëre upm preegarbëd?
4. Dau drekig gewoonhëte oiwerståe
Jehovaa kan oos helpe irgends ain slecht gewoonhët oiwerståe
Wen’s duu rooke däist urer drogas benutst, duu wätst dat ni licht is soo’n slecht gewoonhët oiwerståe. Wat kan dij helpe? Dau andenke wosoo dës slecht gewoonhët dij schåre däit. Leest Mateus 22:37 bet 39. Nåheer fortelt: Wosoo dat rooken un drogas benutse kan . . .
-
dem mësche sijne ümgang mit Jehovaa schåre?
-
dem mësch sijn familg un andrer üm der rümer schåre?
Dau dij uutdenke wat’s duu måke kast taum ain slecht gewoonhët oiwerståe. c (Kijkt dai nåt) Kijkt der VIDEO.
Leest Filipenses 4:13. Nåheer fortelt oiwer dai fråg hijr uuner:
-
Wosoo gaur gewoonhëte häwe soo as beere, dai Bijbel studijre un up dai forsamlunge sin, kan dem mësche kraft geewe taum ain slecht gewoonhët oiwerståe?
5. Streng dij an taum ni an forkërde daile denke un måke
Leest Colossenses 3:5. Nåheer fortelt oiwer dai frågen hijr uuner:
-
Jehovaa maint pornografia saie, nude henschike un masturbação måke sin drekig daile. Wosoo waite wij dat? d (Kijkt dai nåt 3)
-
Mainst duu koine wij oos rëgen hule soo as Jehovaa wil? Woweegen?
Dau saie wosoo kast duu dij anstrenge gëgen drekig gedanke häwe. Kijkt der VIDEO.
Jësus hät air t’hoopmainen måkt wat wijst dat wij muite oos anstrenge taum oos rëgen hule. Leest Mateus 5:29 un 30. Nåheer fortelt oiwer dai fråg hijr uuner:
-
Jësus wul säge dat wij muite wirke un ni dat wij oosem körper wat schåre schåle. Wat mut air mësch måke taum kain drekig gedanke häwe? e (Kijkt dai nåt 4)
Wen’s duu must dij nuu anstrenge taum ni an drekig daile denke, duu kast dij sicher sin dat Jehovaa feele wërd giwt tau dat wat’s duu mökst. Leest Salmo 103:13 un 14. Nåheer fortelt oiwer dai fråg hijr uuner:
-
Wen dat nuu tau dij slim is ain forkërd gewoonhët oiwerståe, wosoo koine dij dës sprüüch koråsch geewe taum ni nålåte?
Dau ni nålåte!
Wen air mësch werer air forkërd dail mökt dai kan denke: “Ik bün doch tau swak! Is beeter nålåte.” Åwer denk hijr an: bloos dat air mësch wat loope däit sich forhåke däit un fült, dat bedüürt ni dat hai dat loopen forspeelt hät un dat hai ales werer loope mut. Neemlig soo, wen’s duu werer air dail forkërd mökst, dat wil ni säge dat dai slecht gewoonhët stärke is as duu urer dat al dij anstrengen bet hijr hen unnüte is. Hen un wen kan man werer fale, dat däit passijre dat wij koine beeter ware. Dau ni nålåte! Mit Jehovaa sijn hülp duu kast ain slecht gewoonhët oiwerståe.
WEK DAUE SOO SÄGE: “Ik häw mij dat al anwent. Ik krijg ni anhule.”
-
Wat fone spruch fone Bijbel kast duu benutse taum wijse dat air mësch kan ain slecht gewoonhët oiwerståe mit Jehovaa sijn hülp?
WAT HÄWE WIJ HIJR LËRT?
Wen wij oose körper, oos gedanke un oos leewend rëgen hule, daue wij Jehovaa gefale.
Denk dij ais nå
-
Woweegen is nöörg oos rëgen hule in ales?
-
Wosoo kast duu dijne körper rëgen hule?
-
Wosoo kast duu dij rëgen hule in dat wat’s duu mökst un denke däist?
TAUM MËR WAITE
Lijkerst dat’s duu arm büst, wat fon daile kast duu måke taum dij rëgen hule?
Sai gaur formånen taum anhulen ane rooken.
Dau lëre wat dat ruutergeewe kan pornografia kijke, leese urer hööre.
“Daue dai huurig daile schåre urer ni?” (Wat Bekandmökt, 1 august 2013)
Dau saie wosoo air kërl oiwerståe kreege hät pornografia kijke.
“Ik häw müst feel måls forsuike bet dat oiwerståe” (Wat Bekandmökt, numer 4 2016)
a Nåt: Masturbação is wen air mësch wat soo uutsaie däit as wen seks mökt, däit sich tüschen bain fåte taum lust krijge dårtau.
b Nåt 1: Pornografia bedüürt videos wat nåkt lüür urer seks wijse. Dat is uk bijler un daile wat sreewe un upgrawret woore sin dat dem mësche sijne wile taum seks måke gröter wart.
c Nåt 2: Taum saie wat’s duu måke kast taum ain slecht gewoonhët oiwerståe lees “Wosoo anhule ane rooken?” in dat stük “Taum mër waite”.
d Nåt 3: Nude bedüürt beschaids, bijler urer videos oiwer seks doir celular schike.
e Nåt 4: Taum dai slecht gewoonhët fon masturbação oiwerståe, sai “Wosoo kan ik anhule masturbação måke?” fon dem bauk “Antwooren tau dai frågen wat dai juugende måke daue”, bauk 1, kapitel 25.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
