CHILAYIJO 40
Tingaba Chini Balochena Mumesho aMwali?
Yeyesesa nozwamayi banaludo bamubambanyila mwananhulumyana wabo kunda kuchikolo. Banoba nechokomende chokuti uloshamba akale ingubo jije jiloshambijika. Yozu zunota kuti ebe nobupenyu bubhodo akale zunotondejela bamwe kuti bazwali babe bamulilitila. Nebo Dade bedu banaludo Jehova banoda kuti tibe balochena—pombili nokuzubhata kwedu. Kuba balochena kunotibhancha isu akale kunota kuti Jehova ekujwe.
1. Tokwelela kutani kuti tibe balochena?
Jehova unotibuja kuti: “Ibani bachena.” (1 Pita 1:16) Kuba bachena zunova kushambijika pombili nokuzubhata. Tozuta yozu nokugala tishamba, tiwasha, tipyayila patinogala, nokukusha imota jedu. Tokwanisa kubhanchija pokuchenasa iNgumba Yobushe. Tingaba balochena tota kuti Jehova ekujwe.—2 BaKolinte 6:3, 4.
2. Ndiwupi ungalilo watinokwelela kusiya kuti tibe balochena?
IBhayibhili linotikutayija kuti “tibe balochena pozunu zwose zunoswibhisa inyama nompepo.” (2 BaKolinte 7:1) Tokwelela kushinga nesimba kusiya zunu zunotikubaja pombili nendangalilo. Zwatinoyeya zunokwelela kuta kuti Jehova ekujwe ndizo tikwelela kushinga nesimba kuti tisiyeye zunu zubi. (Lwimbo 104:34) Akale toshinga nesimba kulebeleka mawhi alochena.—Balani BaKolose 3:8.
Ndizupi zumwe zungaswibhisa mibili yedu nokuzubhata kwedu? Zumwe zwadeni zunoshanganisila ifolya nozumwe zunokola ndizo tikwelela kuzusiya. Tingozusiya yozu zunota kuti tibe nobupenyu bubhodo akale tobetondeja kulemekeja chipo chobupenyu. Nebo tokwejabo kuba nobunu bubhodo akale kusiya ungalilo unanga sokuloba ibhonyeponye nokuyeba iponografi. (Lwimbo 119:37; BaEfesu 5:5) Atoba zulelu kusiya ungalilo wakadayi koga Jehova unotibhancha kuta alo.—Balani Izaya 41:13.
FUNDA ZUNJI
Bona kuti kuba balochena pombili kungata chini kuti Jehova ekujwe akale kuti ungakoma chini ungalilo usilochena.
3. Kuba balochena pombili kunota kuti Jehova ekujwe
Tikatokoloja milawu yakapiwa baIsrayeli zuchatibhancha kuwhisisisa kuti Jehova unobubona chini buchena. Balani Kubhuda 19:10 na30:17-19, akale kwejisani nemibhuzo yeyi:
-
Mavesi yaya anotondejela chini kuti Jehova unokoshesa kuba balochena pombili?
-
Ndiwupi ungalilo umbodo uchakubhancha kuti ugale ukachena pombili?
Zunoda kushinga nesimba kuti ugale ukachena pombili. Koga totubula kuta alo zusineni kuti togala kupi kana kuti tibafumi kana kuti tibasheti. Yebani iVIDIYO, akale kwejisani nemibhuzo inotobela.
-
Kugala tilinozunu zulochena kunobhancha chini kuti bamwe banhu belemekeje unshingo watinota wokusuma indebo imbuya?
4. Kukoma ungalilo umbi
Jehova unotibhancha kuti tikome wose ungalilo umbi
Kana ufweba kana kuti ushingisa zunokola unokwanisa kuziba kuti zulemu kuzuleka. Ini zungakubhancha? Kuyeyesesa nobukukutu bunobuzwa nongalilo umbi. Balani Mateu 22:37-39, akale kwejisani nozokuti kufweba nokushingisa zunokola kungapambanisa chini . . .
-
bukwayina bubo naJehova.
-
imhuli iyo nabanhu bapo pelyo nawi.
Pota inzila yokukoma nayo ungalilo umbi. a Yebani iVIDIYO.
Balani BaFilipi 4:13, akale kwejisani nombuzo yoyu:
-
Kuba nepulogilamu yokunamata, kubala iBhayibhili nokungwina mishangano kungakubhancha chini kuti ukome ungalilo umbi?
5. Koma ungalilo nokuyeya kubi
Balani BaKolose 3:5, akale kwejisani nemibhuzo yeyi:
-
Toziba chini kuti kubona iponografi, kutumija mameseji anosheshemisa nokuloba ibhonyeponye zunu zusijilochena mumesho aJehova?
-
Ubweni sokuti Jehova unobetikomesela na kana eti tibe nongalilo ulochena? Neni udalo?
Bona kuti ungakoma chini kuyeya kubi. Yebani iVIDIYO.
Jesu wakashingisa unkwejaniso unotondeja zwatinokwelela kuta kuti tibe nongalilo ulochena. Balani Mateu 5:29, 30, akale kwejisani nombuzo yoyu:
-
Kojoba Jesu ajakabeleba kuti tokwelela kuzukubaja koga wakabetondejela kuti pana zwatinokwelela kuta. Ndichipi chito chingatiwa nonhu kuti esiye kuyeya kubi? b
Kana ukweja kukoma kuyeya kubi, Jehova unoshanta nazwo. Balani Lwimbo 103:13, 14, akale kwejisani nombuzo yoyu:
-
Kana ulwisana nongalilo umbi, mavesi yaya angakubhancha chini kuti undilile mbeli ulwisa?
Usubole moyo!
Zulelu kuyeya kuti , ‘Ndakonelwami, ndimuleka.’ Sonkwejaniso: Unhu umulabuka engombwela azutoleba kuti wakonelwa kana kuti umukwelela kutanga bupwa. Nebo azutoleba kuti wakonelwa kana wabwilulula kuta zunu zwawakabasiya ntolo. Akale azutobela kuti zose zubhodo zwawakabata mushule azuchinoshinga. Yozu zunotikana kunhu wose—akale zunotondeja kuti umukweja. Usibole moyo! Nolubhancho lwajehova unokwanisa kukoma ungalilo umbi.
BAMWE BANOTI: “Zwakaba mulopa. Andichinotubula kusiya.”
-
Ndiyipi vesi yawungashingise kutondeja unhu wakadalo kuti Jehova unokwanisa kumbhancha kuti esiye ungalilo umbi?
INI ZWAWAFUNDA
Toshantisa Jehova kana tigala tikachena pombili, mundangalilo nomuzuto.
Kubwilulula
-
Neni zukakosha kuba balochena?
-
Ungaba chini ulochena pombili?
-
Ungaba chini ulochena mundangalilo nomuzuto?
PAMIJA PANA ZWAWAWANA
Ndizupi zunu zwawungakwanise kushingisa kuti ube ulochena pombili kojoba usina imali inji?
Bona zunu zungakubhancha kuti usiye kufweba.
Tokoloja kuti neni kuyeba iponografi kukubaja.
“Iphonografi Iyingozi Yini Kumbe Hatshi?” (INqabayokulinda, August 1, 2013)
Funda nozomwe unhulume kuti wakoma chini ungalilo umbi wakabongwina mulopa wokuyeba iponografi.
“Ngehluleka Kanengi Kodwa Ngacina Ngiphumelela” (INqabayokulinda No. 4 2016)
a ““Zwawungate Kuti Usiye Kufweba,” chilayijo yechi chinowanika pechikamu chinowi PAMIJA PANA ZWAWAWANA chinobhawunula zwawunokwelela kuta kuti ukome ungalilo umbi.
b Kuti uwane lubhancho lokukoma ungalilo wokuloba ibhonyeponye, linga inyaya inoti “Ngingawunqoba Njani Umkhuba Wokutshaya Ibhonyaponya?” mubhuku linowi Izimpendulo Zemibuzo Ebuzwa Ngabasakhulayo, Ingxenye 1, isahluko 25.
