Дӕ цӕстытыл-ма ауайын кӕн, мад йӕ гыццыл лӕппуйы скъоламӕ куыд цӕттӕ кӕны, уый. Кӕсы, йӕхи ныхсадта ӕмӕ йӕ дзаумӕттӕ аив ӕмӕ сыгъдӕг сты ӕви нӕ. Сыгъдӕг куы уа, уӕд уый пайда уыдзӕн йе ’нӕниздзинадӕн. Стӕй ма уӕд иннӕтӕ уындзысты, йӕ ныййарджытӕ йӕм кӕй зилынц. Афтӕ нӕ уарзӕгой Фыд Йегъовӕйы дӕр фӕнды, цӕмӕй ӕнӕуи дӕр сыгъдӕг уӕм, стӕй цӕмӕй нӕ хъуыдытӕ, нӕ ныхас ӕмӕ нӕ хъуыддӕгтӕ дӕр сыгъдӕг уой. Уый пайда уыдзӕн нӕхицӕн, стӕй Йегъовӕйӕн дӕр кад хӕсдзыстӕм.

1. Цы хъуамӕ аразӕм, цӕмӕй нӕ буар дӕр ӕмӕ нӕм цы ис, уыдӕттӕ дӕр сыгъдӕг уой?

Йегъовӕ нын дзуры: «Ут сыгъдӕг» (1 Петры 1:16). Уымӕ цы хауы? Хъуамӕ сыгъдӕг уой нӕ хъуыдытӕ, нӕ ныхас ӕмӕ нӕ хъуыддӕгтӕ, стӕй нӕ буар ӕмӕ нӕм цы ис, уыдӕттӕ. Цӕмӕй ӕнӕуи сыгъдӕг уӕм, уый тыххӕй хъуамӕ нӕхи арӕх найӕм. Стӕй хъуамӕ нӕ дзаумӕттӕ, нӕ хӕдзар ӕмӕ нӕ машинӕ сыгъдӕг ӕмӕ ӕфснайдӕй дарӕм. Нӕ бон ма у Паддзахады зал ӕфснайынӕн дӕр ӕххуыс кӕнын. Нӕхи сыгъдӕг куы дарӕм, уӕд Йегъовӕйӕн кад хӕсдзыстӕм (2 Коринфӕгтӕм 6:3, 4).

2. Цӕмӕй сыгъдӕг уӕм, уый тыххӕй нӕхи цавӕр хъуыддӕгтӕй хъуамӕ хизӕм?

Библи нӕ фӕдзӕхсы, цӕмӕй «нӕхи ссыгъдӕг кӕнӕм, нӕ буар ӕмӕ нын нӕ зонд цыдӕриддӕр чъизи кӕны, уыдӕттӕй» (2 Коринфӕгтӕм 7:1). Уымӕ гӕсгӕ хъуамӕ нӕхи хизӕм, нӕ буарӕн нын зиан цы ’рхӕсдзӕн кӕнӕ нын нӕ зондахастыл ӕвзӕрырдӕм цы фӕзындзӕн, уыдӕттӕй. Нӕ хъуыдытӕ хъуамӕ Йегъовӕйӕн ӕхсызгон уой (Псалом 19:14). Ӕмӕ уый тыххӕй та хъуамӕ, нӕ бон цыдӕриддӕр у, уый аразӕм, цӕмӕй ӕвзӕр хъуыдытӕ нӕ сӕрӕй сурӕм. Уымӕй уӕлдай ма хъуамӕ архайӕм, цӕмӕй нӕ дзыхыныхас сыгъдӕг уа. (Бакӕс Колоссӕгтӕм 3:8.)

Адӕймаг ма ноджыдӕр сыгъдӕг цӕй тыххӕй нал вӕййы? Адӕймагӕн йӕ буар фӕчъизи вӕййы, зӕгъӕм, тамакойӕ, бетель кӕнӕ кокӕйы сыфтӕ ӕууилынӕй, наркотиктӕй ӕмӕ, йӕхи кӕмӕй нал фембары, ахӕм хостӕй (кӕд ын сӕ дохтыртӕ нӕ рафыстой, уӕд). Уымӕ гӕсгӕ хъуамӕ уыдӕттӕй нӕхи хизӕм. Уӕд ӕнӕниздӕр уыдзыстӕм ӕмӕ бӕрӕг уыдзӕн, цардӕн кӕй аргъ кӕнӕм. Уымӕй уӕлдай ма хъуамӕ архайӕм хӕрзӕгъдау цард кӕныныл. Уый тыххӕй хъуамӕ нӕхи хизӕм чъизи хъуыддӕгтӕй – мастурбацийӕ ӕмӕ порнографимӕ кӕсынӕй (Псалом 119:37; Ефесӕгтӕм 5:5). Чи зоны нын уыцы хъуыддӕгтӕ ныууадзын ӕнцон ма уа. Фӕлӕ нын Йегъовӕйы фӕрцы уый рауайдзӕн. (Бакӕс Исайы 41:13.)

 ФЫЛДӔР БАЗОН

3. Нӕ буар ӕмӕ нӕм цы ис, уыдӕттӕ сыгъдӕг куы уой, уӕд уый Йегъовӕйӕн кад хӕсдзӕн

Йегъовӕ сыгъдӕгдзинадмӕ цы цӕстӕй кӕсы, уый бӕрӕг у, рагон израилӕгтӕн цы закъӕттӕ радта, уыдонӕй. Бакӕсут Рацыд 19:10 ӕмӕ 30:17–19 ӕмӕ стӕй аныхас кӕнут ацы фарстатыл:

• Ацы стихтӕй цы ис базонӕн, Йегъовӕ сыгъдӕгдзинадмӕ цы цӕстӕй кӕсы, уый тыххӕй?

• Ӕдзух цы хъуамӕ аразай, цӕмӕй сыгъдӕг уай?

Цӕмӕй нӕ буар ӕмӕ нӕм цы ис, уыдӕттӕ сыгъдӕг уой, уый тыххӕй хъӕуы рӕстӕг ӕмӕ тыхтӕ. Фӕлӕ нӕ бон у нӕхи сыгъдӕг дарын, кӕмфӕнды ма цӕрӕм, стӕй хъӕздыг уӕм ӕви мӕгуыр, уӕддӕр. Бакӕсут ВИДЕОРОЛИКМӔ ӕмӕ стӕй аныхас кӕнут, дӕлдӕр цы фарста ис, ууыл.

• Цы нӕм ис, уыдӕттӕ сыгъдӕг ӕмӕ аив куы уой, уӕд, кӕмӕн хъусын кӕнӕм, уыдон Йегъовӕйӕн тынгдӕр цӕмӕн аргъ кӕндзысты?

4. Ӕвзӕр хъуыддӕгтӕ ныууадз

Кӕд тамако дымыс кӕнӕ наркотиктӕ кӕныс, уӕд зондзынӕ, уыдӕттӕ ныууадзын куыд зын у. Фӕлӕ дын цы баххуыс кӕндзӕн, цӕмӕй сӕ ныууадзай? Аныхас кӕнӕм, уыдӕттӕ адӕймагыл куыд ӕндавынц, ууыл. Бакӕсут Матфейы 22:37–39 ӕмӕ стӕй аныхас кӕнут, тамако ӕмӕ наркотиктӕ куыд фӕзынынц...

• адӕймагӕн Йегъовӕимӕ цы хӕлардзинад ис, ууыл.

• адӕймагӕн йӕ бинонтыл ӕмӕ иннӕтыл.

Ныффысс, цы аразын дӕ хъӕуы, цӕмӕй де ’взӕр ахуыр ныууадзай a. Бакӕсут ВИДЕОРОЛИКМӔ.

Бакӕсут Филиппӕгтӕм 4:13 ӕмӕ стӕй аныхас кӕнут ацы фарстайыл:

• Адӕймаг ӕдзух куы кува, Библи куы иртаса ӕмӕ ӕмбырдтӕм куы цӕуа, уӕд ын уый куыд баххуыс кӕндзӕн йе ’взӕр ахуыр ныууадзынӕн?

 5. Тох кӕн чъизи хъуыдытӕ ӕмӕ хъуыддӕгтимӕ

Бакӕсут Колоссӕгтӕм 3:5 ӕмӕ стӕй аныхас кӕнут ацы фарстатыл:

• Кӕцӕй йӕ зонӕм, порнографи, секстинг ӕмӕ мастурбаци Йегъовӕйы цӕсты чъизи хъуыддӕгтӕ кӕй сты?

• Уый гӕнӕн ис, цӕмӕй нӕ хъуыдытӕ дӕр ӕмӕ нӕ хъуыддӕгтӕ дӕр, Йегъовӕ куыд зӕгъы, афтӕ сыгъдӕг уой? Афтӕ цӕмӕн хъуыды кӕныс?

Базон, куыд ис чъизи хъуыдытимӕ тох кӕнӕн. Бакӕсут ВИДЕОРОЛИКМӔ.

Йесойы ныхӕстӕй бӕрӕг у, фӕндфидарӕй кӕй хъуамӕ архайӕм, цӕмӕй хӕрзӕгъдау уӕм. Бакӕсут Матфейы 5:29, 30 ӕмӕ стӕй аныхас кӕнут ацы фарстайыл:

• Йесо уый кой нӕ кодта, ӕмӕ адӕймаг хъуамӕ йӕхи фӕсахъат кӕна. Йӕ ныхӕстӕ ууыл дзурӕг сты, ӕмӕ хъуамӕ цыдӕр аразӕм. Цы хъуамӕ аразӕм, цӕмӕй чъизи хъуыдытӕй нӕхи хизӕм? b

Кӕд чъизи хъуыдытимӕ тох кӕныс, уӕд Йегъовӕ уымӕн тынг аргъ кӕны. Бакӕсут Псалом 103:13, 14 ӕмӕ стӕй аныхас кӕнут ацы фарстайыл:

• Кӕд цавӕрдӕр чъизи хъуыддаг ныууадзыныл архайыс, уӕд дын ацы стихтӕ куыд баххуыс кӕндзысты, цӕмӕй дӕ къухтӕ ма ’руадзай?

 ЦЫ БАЗЫДТАЙ

Йегъовӕйы зӕрдӕ рухс кӕндзыстӕм, нӕ буар, нӕ хъуыдытӕ ӕмӕ нӕ хъуыддӕгтӕ сыгъдӕг куы уой, уӕд.

Дӕ зӕрдыл ӕрлӕууын кӕн

• Ахсджиаг цӕмӕн у, цӕмӕй сыгъдӕг уӕм?

• Цы хъуамӕ аразӕм, цӕмӕй нӕ буар дӕр ӕмӕ нӕм цы ис, уыдӕттӕ дӕр сыгъдӕг уой?

• Дӕ бон цы у аразын, цӕмӕй дӕ хъуыдытӕ ӕмӕ дӕ хъуыддӕгтӕ сыгъдӕг уой?