Ka molatk er a chedil el mengetmokl er a kekerei el ngelekel sechal el mora skuul. Ng make sure el kmo ngmla melechong e clean a bilel. Tia uchul me a ngelekel a melemolem el ungil a bedengel e ochotii el mora rechad el kmo a rechad er a blil a kmal ungil lomekerreu er ngii. Ngdi osisiu, a betik a rengul Demad el Jehovah el ngar er a eanged a soal a bo deklikiid. Ngsoal a deklikiid er a chelsel me a ikrel. Sel bo deklikiid e ngmo uchul a klungioled e dirrek luchul a klebkall el mo er ngii.

1. Ngmekera bo deklikiid er a ikrel?

Jehovah dmu er kid el kmo: “Bo mchedaol.” (1 Petrus 1:16) A bo dechedaol e ngkired el mo klikiid er a chelsed me a ikred. Kede mo klikiid er a ikrel sel deblechoel el melechong e le clean a biled, blid, me a mlid. Ngdirrek el sebeched lolengeseu el mengetmokl er a Blil a Ongdibel. Sel bo deklikiid er a ikrel e ngmo uchul a klebkall el mora Jehovah.​—2 Korinth 6:3, 4.

2. A bo deklikiid, e ngkired el mengeroid er kid er a ngera el omeruul?

A Biblia mengelechel er kid el mo “[mengikiid er kid] er a ikel mengikiongel a bedenged ma rengud.” (2 Korinth 7:1) Me kede mengeroid er kid er a ngii di el tekoi el mo uchul a telemellel a bedenged me a rengud. A tekoi el domdasu a kirel lodeuir a rengul a Jehovah, me kede mora tkurrebab el sebeched loltngakl a mekngit el uldasu. (Psalm 19:14) Ngdirrek el kired el mo ousbech a klikiid el rolel a cheldecheduch.​—Monguiu er a Kolose 3:8.

Ngera dirrek el mo uchul e kede mo klikiid er a ikrel me a chelsel? Ngar ngii a bebil er a tekoi el uchul a telemellel a bedenged. Sei a uchul me ngdiak dousbech a klalo el ua dekool, buuch, me a usbechel a mekngit el kar. Sel dongeroid er kid er a chouaika el tekoi e ngmo ungil a bedenged me kid ochotii omengull el kirel a sengk er a klengar. Kede dirrek el melasem el mo klikiid a uldesued me a rengud me kede mengeroid er kid er a diak el klikiid el omeruul er a omengelooch me a omes a siasing er a remeau. (Psalm 119:37; Efesus 5:5) Ngsebechel mo meringel er kid a stob el meruul chouaika el tekoi, engdi Jehovah sebechel ngosukid el mo mesisiich er ngii.​—Monguiu er a Isaia 41:13.

 BOM DMOLECH EL MERRITER

3. Sel bo deklikiid er a ikrel e ngmengebkall er a Jehovah

Ngsebeched el mtebengii a osengel a Jehovah el kirel omengikiid sel dorriter a llechul el mora rechad er a Israel er a irechar. Monguiu er a Exodus 19:10 me a 30:17-19 e mosaod aika el ker:

• Aika el bades ngera ngouchais el kirel a uldesuel a Jehovah el kirel omengikiid er kid er a ikrel?

• Ngera el ungil blekeradel a mo ngosukau me ke melemolem el clean?

A bo deklikiid er a ikrel e ngousbech a taem me a meringel el ureor. Me nguaisei engdi ngsebeched el mo klikiid, e tia diak loltirakl er a basio el dekiei er ngii me a demerau me a lechub e kede chebuul. Momes er a VIDEO e a uriul e mosaod er tia el ker.

• Ngmekera rechad el domerk el mo er tir e mo ochotii a klou el omengull el mora Jehovah sel lomes el kmo a klokled a ungil kltmokl?

4. Mo mesisiich er a mekngit el omeruul

A lsekum ke meloko me a lechub e kousbech a drugs e ke locha medengelii a ringelel a destob el meruul er ngii. Ngera sebechel ngosukau? Molatk er a lerellii el mo er kau. Monguiu er a Mateus 22:37-39 e mosaod er a rolel e a usbechel a dekool me a lechub e ng drugs a lerellii er a . . .

• deleuill er a chad me a Jehovah.

• telungalek er a chad me a rechad el le iliuekl er tir.

Mrellii a plan er kau el mo stob el meruul er ngii. a Momes er a VIDEO.

Monguiu er a 1 Korinth 10:13 e mosaod er tia el ker:

• Ngmekera schedule er a chad el meluluuch, mesuub er a Biblia, e ngar er a miting e sebechel msa klisiich lousbech er ngii el mo mesisiich er a mekngit el omeruul?

 5. Moltngakl a diak el klikiid el uldasu me a omeruul

Monguiu er a Kolose 3:5 e mosaod aika el ker:

• Kede mekerang medengei el kmo a siasing er a remeau, sexting, b me a omengelooch a diak el klikiid er osengel a Jehovah?

• Omomdasu e ngmera el sebeched el mo klikiid er a rolel el longerechir er ngii a Jehovah? E ngera uchul me ke melekoi el uaisei?

Mesa rolel e ngsebeched el mo mesisiich er a diak el klikiid el uldasu. Momes er a VIDEO.

Jesus uluusbech er a okesiu lochotii el kmo ngkired el rullii a rengud el mo meruul aike el rokui el kired me dolemolem el klikiid. Monguiu er a Mateus 5:29, 30 e mosaod er tia el ker:

• Alta ngdiak el belkul a tekingel a Jesus a bo dolemall er a bedenged, me nguaisei engdi ngmileketeklii el kmo ngngar ngii a kired el meruul. Ngera sebechel meruul a chad me lak bo lomdasu a tekoi el diak el klikiid? c

A lsekum kau a meringel el oldechelakl a diak el klikiid el uldasu, e a Jehovah mengreos er a blakerreng er kau. Monguiu er a Psalm 103:13, 14 e mosaod er tia el ker:

• A lsekum e kau meringel el oldechelakl er a diak el klikiid el omeruul e ngmekera tia el bades e melisiich er kau me ngdiak em give up?

 SUMMARY

Kede odeuir a rengul a Jehovah sel lolemolem el klikiid a bedenged, uldesued, me a omerelled.

Review

• Ngera uchul me ngkmal klou a ultutelel a bo deklikiid?

• Ngmekera sebeched el mo klikiid er a ikrel?

• Ngmekera sebechel a uldesued me a omerelled el melemolem el klikiid?