Dexraxaun jiʼi: naa janaʼa ke anto thjueʼe xeʼen jinche preparaa xan para satsji xan escuela. Tsjeʼe jan ke ditsinda xan, ke thjua lunthue xan ko ke tachrjuin dikuni. Jiʼi ncheʼe ke tuniʼan xan ko jaña xraguxin ngai ni icha ke ni nduʼa xan dayakuʼena xeʼena. Jehová yaa Ndudaana ko anto rinauná, mexinxin rinao ke jaʼana thjua sunthena física ko moralmente. Thjua sunthena yaa jian para jaʼana ko kai ncheʼe ke chrjuin nichjana de Dio.

1. Kexrein thjua sunthena físicamente

Jehová ndathjuná: “Chunda ke thjua sinthera” (1 Pedro 1:16). Jiʼi ruchro, ke chunda ke thjua sunthena física ko moralmente. Tjaguná ke thjuaná físicamente are tsindaná nanao ko thjua dunthechundana lunthuana, nchianduina ko carroana. Kai thengijnaná are turua Nchia Xrathexiná. Si thjua sunthena, jiʼi sincheʼe ke ni icha sinchegangina Jehová (2 Corintios 6:3, 4).

2. Keʼe chundaʼa ke sunthuʼuna para ke thjua sunthena

Biblia ndathjuná: “Sunthjiana thi nchechimeko cuerpoana ko thi xraxauná” (2 Corintios 7:1). Mexinxin, nthuʼana kexeʼo thi sincheniʼi cuerpoana o juaxraxauana. Ko, ixi rinauná ke Jehová ruchee ixi thi xraxauná, tanuinka nthuʼuna para ruxraxauʼaná thi thjuáʼa (Salmo 104:34). Kai, tanuinka nthuʼuna para ke kain thi runichjaná thjua seʼe (tsjeʼe Colosenses 3:8).

Kekaa sincheʼe ke i thjuáʼa sunthena. Jii inchi thi nchao sinchechimeko cuerpoana. Mexinxin, thjenuaʼaná kajno ko dukuaʼana xruan ni droga o kexeʼo thi nchexengaka jaani. Are nthugundaʼana jiʼi, thjeená ke tsuniaʼana ko tjaguná ke nthurenthena juajni de techuná. Para thjua sunthena moralmente, tanuinka nthuʼuna de sunthuʼana thi thjuáʼa, ínchi thi duani masturbado o tsjeʼeni ni xulo (Salmo 119:37; Efesios 5:5). Menxun jaan tángi tsinthuʼeni de sincheʼeni jiʼi, aro Jehová nchao tsengijnaná (tsjeʼe Isaías 41:13).

 TANGI ICHA

3. Thi thjua sunthena físicamente nchegangi Jehová

Are nthuleena thi kuetuʼan Jehová ngai rajna Israel, thinxiná unda para jeʼe anto renthe ke thjua sunthena. Tsjeʼera Éxodo 19:10 ko 30:17-19, ko tjaura de jiʼi:

• Keʼe tjaguaná versículo teʼi de kexrein dikuʼen Jehová ke thjua sunthena físicamente.

• Kekaa rugunda sunthuʼuna para ke thjua sunthena.

Para ke thjua sunthena rugunda ke santsjendaná tiempo ko asta nuinka sunthuʼuna. Ko chundaʼa ke sikun thino techuná, a nuuaná o chundaná tumi. Tsjeʼera VIDEO ko tjaura de jiʼi:

• Si ni thjiuʼená juajna jian dikuna ke kain thi thjiuʼuná thjua jii, a nchao tsjengijnana jiʼi para sinchegangina Jehová. Unda.

4. Dekinthuʼe thi ncheniʼi cuerpoantha

Si suixin dekjanuʼan kajno, degika xruan o denchegunda droga, denuʼan jian ke jiʼi anto tángi thinthuʼeni. Naa thi sekengijna, yaa ke segariʼi sexraxaun kekaa thi tángi jithiauʼe jiʼi ngai vidaantha. Tsjeʼera Mateo 22:37-39, ko tjaura kexrein kajno ko thi nchegundani droga jiʼi ncheniʼi. . .

• . . . thi jian xrakauni Jehová.

• . . . ni nchianduʼeni ko ni icha.

Dexraxaun ngai kekaa nchao sencheʼe para ke sekinthuʼe vicio rechunda. a Tsjeʼera VIDEO.

Tsjeʼera Filipenses 4:13 ko tjaura de jiʼi:

• A degithikaun ke tsinthueʼani de sakeʼeni thenchaun, tsangini de ngaa Biblia ko sinchetjangiʼani ni naa reunión jiʼi tsengijna naa chujni para tsinthuʼe vicio ke chunda. Unda jaña dexraxaun.

 5. Dekjeʼe cha thi thjuaʼa dencheʼe ko dexraxaun

Tsjeʼera Colosenses 3:5 ko tjaura de jiʼi:

• Kexrein nuanxina ke ruruaʼani foto, rukji̱ni thi thjuáʼa ngai ni icha, rutsjeʼeni ni xulo o suani masturbado jiʼi naa thi thjuáʼa ngathexin kun Jehová.

• A dexraxaun ke nchao jii ke Jehová sanchiaaná ke thjua sunthena moralmente. Unda.

Detsjeʼe kexrein nchao tsjeʼená cha thi thjuáʼa ke xraxauná. Tsjeʼera VIDEO.

Jesús juinchegunda naa ejemplo para kjuaguaná ke chunda ke asta nuinka sunthuʼuna si rinauná sunthena thjua moralmente. Tsjeʼera Mateo 5:29, 30 ko tjaura de jiʼi:

• Jesús kjuaguʼa ke chunda ke sunthuniʼina cuerpoana, icha jian ke chunda ke sunthuʼuna thi rugunda. Keʼe chunda ke sunthuʼuna para ruxraxauʼaná thi thjuáʼa. b

Si suixin tanuinka dencheʼe para sekinthuʼe thi thjuáʼa ke dexraxaun, nchao sechunthia ke Jehová ncherenthe thi tanuinka dencheʼe. Tsjeʼera Salmo 103:13, 14 ko tjaura de jiʼi:

• Si tángi dekunuʼan sekinthuʼe naa thi thjuáʼa dencheʼe, a dexraxaun ke versículo teʼi nchao sekengijna para sekjeʼe cha. Unda.

 THI KUANGINÁ

Nthuʼuna ke Jehová chee are thjua jii cuerpoana, juaxraxauana ko kexrein nthuʼuna.

A xraxaun thi kuangi

• Unda anto renthe ke thjua sunthena.

• Keʼe chunda ke sunthuʼuna para thjua sunthena físicamente.

• Keʼe chunda ke sunthuʼuna para ke thi sunthuʼuna ko thi ruxraxauná thjua seʼe.