Juj munakuq mamapi piensasun: Payqa munayta bañaruspa limpio p’achawan churaruspa iman wawanta escuelaman kachapun. Limpiolla purispaqa manan chay wawaqa faciltapaschu onqonqa; chaymantapas tayta-mamantan allinta qhawarichinqa. Chhayna limpio purinanchistan taytanchis Jehová Diospas munan. Payqa cuerponchispas kausayninchispas limpio kanantan munan. Chaykunapichus limpio kasun chayqa jujkunapas allintan qhawariwasun, Diosninchistapas allintan qhawarichisunchis.

1. ¿Imakunatan ruwananchis limpio kananchispaq?

Jehová Diosmi niwanchis: “Ch’uyan kanaykichis”, nispa (1 Pedro 1:16). Ch’uya kananchispaqqa limpion kananchis cuerponchispipas kausayninchispipas. Sapakutillanmi bañakunanchis, p’achanchispas allin t’aqsasqan kanan, wasinchispas pichasqan kanan; carronchis kaqtinpas limpion kanan, llapa imataq allin waqaychasqa k’uchunasqa kanan. Diosta yupaychana wasita limpiaypipas yanapakunanchismi. Tukuy imapichus limpio kasun chayqa jujkunapas jatunchanqakun Jehová Diosta (2 Corintios 6:3, 4).

2. ¿Imakunatan mana ruwananchischu limpio kananchispaq?

Bibliapin nishan: “Tukuy ima qhellimantayá limpiakusun cuerponchista sonqonchistapas”, nispa (2 Corintios 7:1). Chhaynatataq niwanchis chayqa, manapunin imawanpas qhellichananchischu cuerponchista ni yuyayninchistapas. Llapanchismi munasunman ima piensasqanchiswanpas Jehová Dios kusisqa kananta ¿riki? Chaypaqqa kallpachakunchismi ama ima qhelli piensaytapas umanchispi jap’inanchispaq (Salmos 104:34). Manataqmi qhelli simikunataqa rimananchischu (leey Colosenses 3:8).

¿Imakunan qhellichanman cuerponchista kausayninchistapas? Wakinmi kanman cigarro pitay, coca akulliy, pastillaskunata nishuta tomay, droga mijuy ima. Chaykunamantachus cuidakusun chayqa, qhalillan kasunchis. Chaymantapas kay kausayninchis respetasqanchistan rikuchisun. Chaymantapas kausayninchispi limpio kananchispaqqa manan masturbación nisqata ruwanachu, nitaq pornografía nisqatapas qhawanachu, chaykunaqa nishu qhelli ruwaykunan (Salmos 119:37; Efesios 5:5). Chaykunata atipayqa sasapaschá kanman, ichaqa Jehová Diospa yanapayninwanqa imapas atikullanmi (leey Isaías 41:13).

 ASTAWAN YACHASUNCHIS

3. Limpio kaspaqa Jehová Diostan jatunchasun

Ñaupa tiempo Israel llaqtaman kamachikuykuna qosqanpin reparanchis, imaynas Jehová Diosqa serviqninkuna limpio kanankuta munan chayta. Leeychis Éxodo 19:10; 30:17-19 textokunata, chaymantataq qatimuq tapuykunamanta parlariychis:

• Chay textokunata leesqanchisman jina, ¿imayna kananchistan Jehová Diosninchis munan?

• ¿Imakunatan ruwananchis limpiolla kananchispaq?

Limpio kanapaqqa kallpatan churana tiempota iman t’aqana. Wajchaña qhapaqña kaspapas atisunmanmi limpio kaytaqa. VIDEOTA qhawaychis, chaymantataq jamuq tapuyman jina parlariychis:

• Diosmanta willaq limpiollapuni risunchis chayqa, ¿imaynatan runamasinchis Jehová Diosta qhawarinqaku? ¿Imaraykutaq chhaynata ninki?

4. Saqepunan mana allin viciokunataqa

Cigarrota pitashanki, ima pastillatapas nishuta tomashanki, drogatapas mijushanki chayqa, sasapaschá kanqa chay viciota saqey. Ichaqa yaqapaschá yanapasunkiman imaynas chay vicioq causanpi vidayki kashan chaypi piensay. Leey Mateo 22:37-39 textota, chaymantataq qatimuq tapuykunamanta parlariychis.

• ¿Ima vicioyoq kaspapas allinpichu kashasunman Jehová Dioswan?

• ¿Atisunmanchu familianchiswanpas jujkunawanpas sumaqta kausayta?

Piensay imatas ruwawaq vicioykita atipanaykipaq chaypi. a VIDEOTA qhawaychis.

Leeychis Filipenses 4:13 textota, chaymantataq jamuq tapuykunaman jina parlariychis:

• ¿Yanapawasunmanchu Diosmanta mañakuy, Bibliata estudiay, Diosta yupaychanapaq juñukuykunaman riypas viciota atipanapaq? ¿Imaraykutaq chhaynata piensanki?

 5. Atipallankin qhelli piensaykunatapas millay ruwaykunatapas

Leeychis Colosenses 3:5 textota, chaymantataq jamuq tapuykunaman jina parlariychis:

• ¿Imaraykun nisunman: “Jehová Diosqa cheqnikunmi pornografía nisqatapas, qhelli ruwaykunata mensajepi apachinakuytapas, masturbación nisqatapas”, nispa?

• ¿Allinchu kausayninchispi limpio kananchispaq Jehová Diospa kamachiwasqanchis? ¿Imaraykutaq chhaynata ninki?

Kaypin yachanki imaynatas umaykimanta qhelli piensaykunata wijch’uwaq chayta. VIDEOTA qhawaychis.

Juj rijch’anachiyta willaspan Jesús yachachirqan imatachus ruwana kausayninchispi limpio kananchispaq chayta. Leeychis Mateo 5:29, 30 textota, chaymantataq jamuq tapuyman jina parlariychis:

• Jesusqa manan cuerponchista imatapas ruwananchismantachu rimasharqan, aswanpas cuidakunapaq imachus ruwanamantan rimasharqan. ¿Imatan ruwasunman amapuni qhelli piensaykuna umanchispi kananpaq? b

Kallpachakushankiña mana allin piensaykunata umaykimanta wijch’unaykipaq chayqa, allinmi, Jehová Diosqa anchatan valoran chay ruwasqaykita. Leeychis Salmos 103:13, 14 textota, jinaspa jamuq tapuyman jina parlariychis:

• Ima viciota saqenaykipaqpas kallpachakushanki chayqa, ¿yanapasunkimanchu chay texto? ¿Imarayku?

 IMATAN YACHAMURQANCHIS

Cuerponchispi, yuyayninchispi, kausayninchispipas limpio kasun chayqa Jehová Diostan kusichisun.

Yuyarisun

• ¿Imaraykun allinpuni limpio kay?

• ¿Imatan ruwananchis cuerponchispi limpio kananchispaq?

• ¿Imatan ruwananchis kausayninchispas piensayninchispas limpio kananpaq?